यूहन्ना 4:22 - चम्बयाली नौआ नियम

²² तुसा सामरी कस्बे रे मणू जिस जो नी जाणदे, तिसेरी अराधना करदे, ते असी यहूदी मणू जिस जो जाणदे तिसेरी अराधना करदे, किजोकी छुटकारा यहूदियां बिच का है।

यूहन्ना 4:22 ပူးပေါင်းရင်းမြစ်များ

लूका 24:47

अते तिन्हेरा नां लेई करी यरुशलेम सहर अते देस-देस रे लोक्कां बिच पाप्पां का तौबा अते माफी पाणे रा सुब बसेख सुणाया जाणा।

प्रेरितां रे कम्म 17:23

किजोकी घूमदे-फिरदे तुसा री भक्ति वाली चीजां जो दिख्खेया करदा थिया, तां इक्क वेदी दिख्खी जिस पर लिख्खे रा थिया, कि अनजाणे परमेश्वर तांइ तां तुसा जिस जो बिना जाणे अराधना करदे, पर मैं तुसा जो तिसेरा सुब बसेख सूणान्दा

प्रेरितां रे कम्म 17:30

इधेरे तांइ परमेश्वर लोक्कां री अज्ञानता रे बेल्ले बिच आनाकानी करी के, अवे हर जगाह् सब मणूआं जो अपणे पाप्पां का तौबा करी लैणे रा हुकम दिंदे हिन।

प्रेरितां रे कम्म 3:26

परमेश्वर ने अपणे सेवक जो मरे रे लोक्कां बिच का जिन्दा करी के पैल्ले तुसा का भेज्जेया, कि तुसा बिच का हर इक्क जो तिन्हेरी बुराईयां का हटाई करी तिन्हेरे पास्से लेई आए ते आशीष दे।

रोमियों 11:18

ते ए गल्ल सोच्ची करी घमंड मत करदा कि तू तिन्हा डालियां का जादा बदिया है जिन्हा जो कट्टी दित्ते गेया थिया। ते जे अगर तू घमंड करे भी ता ए याद रख्खे, कि जड़ ने तिज्जो सम्भाले रा है, ना कि तू जड़ा जो।

इब्रानियों 7:14

सारे मणू जाणदे कि असा रे प्रभु यीशु यहूदा रे गोत्तर बिच पैदा होए, ते मूसा ने कदी भी यहूदा रे ‍खानदान बिच का कुसकी रे भी पुरोत्त बणने रे बारे बिच कदी नी बोल्लेया, ते अज्ज तिकर यहूदा रे ‍खानदान बिच का कोई भी पुरोत्त बणे रा है।