यूहन्ना 4:21 - चम्बयाली नौआ नियम

²¹ यीशु ने तिसजो बोल्लेया, ओ जनानी मेरी गल्ल रा विश्वास कर कि से बेल्ला आंदा है कि न तां तुसा इस पहाड पर बाबे री भक्ति करणी ना ही यरुशलेम बिच

यूहन्ना 4:21 ပူးပေါင်းရင်းမြစ်များ

मत्ती 18:20

किजोकी जित्ते मेरे पर विश्वास करणे दो या त्रै मणू मेरे नां कने इकट्ठा हुन्गे, तिन्हेरे मैं बिच मझाटे होणा।

मत्ती 28:19

इधेरे तांइ तुसा जाओ अते जाति-जाति रे लोक्कां जो मेरा चेल्ला बणाओ तुसा जो ए कम्म परम पिता रे नां बिच, पुत्तर रे नां बिच अते पवित्रात्मा रे नां बिच उन्हा जो बपतिस्मा देई करी पूरा करणा है।

लूका 21:24

तिन्हा ने तलवार रे शिकार होई जाणा, ते हर देस रे लोक्कां का गुलाम बणाई करी पूजाए जाणे ते जां तांइ गैर-यहूदी लोक्कां रा बेल्ला पूरा ना होई जाओ, तां तिकर यरुशलेम सहर गैर-यहूदियां रे पैरां हेठ रोदेंया जाणा।

यूहन्ना 14:6

यीशु ने तिसजो बोल्लेया, रस्ता अते सच्चाई ते जिन्दगी मैं ही है, बगैर मेरे कोई पिता-परमेश्वर का नी पूज्जी सकदा।

यूहन्ना 16:2

तिन्हा तुसा जो सभास्थल का बाहर कड्डी दैणा, बल्कि से बेल्ला आया करदा ए जां तुसा रे बिच का कुसकी जो भी मारी करी हर कोई ने सोचणा कि से परमेश्वर री सेवा करेया करदा है।

यूहन्ना 16:32

दिख्खो, से बेल्ला आया करदा ए, बल्कि आई गेया कि तुसा तित्तर-बित्तर होई करी अपणे-अपणे रस्ते चली जाणा अते मेरे जो किल्ला छड्डी दैणा, फिरी भी मैं किल्ला नी ए, किजोकी पिता मेरे कने हिन।

यूहन्ना 4:23

पर से बेल्ला आणे वाला है हालांकि अब्बे भी है जिस बिच सच्चे भक्त बाबे री भक्ति आत्‍मा कने सच्चाई कने करणी किजोकी बाबा अपणे तांइ इदेए भक्तां जो तोपदा

यूहन्ना 5:25

ते मैं तुसा जो सच-सच बोलदा कि से बेल्ला आया करदा है बल्कि अब्बे ही है कि जां मरे रे लोक्कां ने मेरी यानी परमेश्वर रे पुत्तर री अवाज जो सुनणा अते जिन्ने जणेया ने सुनणा तिन्हा ने हमेसा तिकर जीणा।

यूहन्ना 5:28

इस बिच हैरान मत हो, किजोकी से वक्त आया करदा है कि मरे रे लोक्कां ने तिन्हेरी अवाज सुणी करी वापिस जिन्दे होई जाणा ते अपणी कब्रां का बाहर निकली आणा।

प्रेरितां रे कम्म 6:14

किजोकी असी तिसजो ए बोलदे सुणे रा है कि ए ही नासरत कस्बे रे यीशु, ने इस मन्दिर जो ढाह्ई दैणा, ते तिन्हा रीतियां जो बदली दैणा जे मूसा ने असा जो सौंपी री हिन।

इफिसियों 2:18

मसीह यीशु री वजह कने असी सारे जणे इक्क ही पवित्रात्मा रे जरिये पिता रे नेड़े आई सकदे।

इफिसियों 3:14

इन्हा सारेयां तांइ परमेश्वर पिता रे सामणे गोड्डे भारे पेई करी प्रार्थना करदा।

1 तीमुथियुस 2:8

मैं चाह्‍ंदा कि हर प्रार्थना सभा बिच पवित्र जिन्दगी जीणे वाले मर्द हत्थां जो चुक्की करी बगैर कुसकी गुस्से ते बैह्सबाजी रे प्रार्थना करेया करे।

1 पतरस 1:17

परमेश्वर जाणदे कि हर इक्क मणू ने क्‍या-क्‍या कित्ते रा है, ते से हर इक्क मणू का बगैर कोई पक्षपात कित्ते हिसाब-किताब लिंदे। जां तुसा परमेश्वर का प्रार्थना करदे तां तुसा तिन्हा जो पिता बोल्ली करी पुकारदे। इधेरे तांइ जां तिकर तुसा इस धरती पर इक्क अजनबी सांई रैह्‍न्दे तुसा हमेसा तिन्हेरा आदरमान करो।

प्रकाशित वाक्य 21:22

मैं तिस बिच परमेश्वर रा मन्दिर नी दिख्खेया, किजोकी सर्वशक्तिमान प्रभु-परमेश्वर ते उरणू तिसेरा मन्दिर है।