यूहन्ना 4:11 - चम्बयाली नौआ नियम

¹¹ जनानी ने तिसजो बोल्लेया, ओ प्रभु तेरे का तां पाणी भरणे तांइ किच्‍छ है भी नी कने कुआँ डुग्गा है, तां सेह़ जिन्दगी रा पाणी तेरे का कुत्ते का आया?

यूहन्ना 4:11 ပူးပေါင်းရင်းမြစ်များ

यूहन्ना 3:4

नीकुदेमुस ने तिसका पुछया, मणू जिस बेल्ले सयाणा होई जाए तां से दुबारा किय्यां जमी सकदा? कै से अपणी मां रे पेट्टा बिच दुबारा जाई करी जन्म लेई सकदा?

यूहन्ना 4:14

पर जे कोई तिस पाणी बिच का पिन्गा, जे मैं तिसजो दैणा, तिसजो फिरी कदी भी प्यास नी लगणी पर जे पाणी मैं तिसजो दैणा, तिसेरा उस मणू अन्दर इक्क सोता बणी जाणा जे हमेसा तिकर रैह्णा।

यूहन्ना 7:37

त्योहर रे आखरी दिन पर, जे खास दिन है, यीशु खड़े होए ते हक्क मारी करी बोल्लेया, जे कोई प्यासा हो तां मेरे का आए ते पिए।

प्रेरितां रे कम्म 10:14

पर पतरस ने बोल्लेया, नी प्रभु, कदी भी नी, किजोकी मैं कदी कोई भिठ्ठी चीज नी खाई।

1 कुरुन्थियों 2:14

पर कोई अविश्वासी मणू परमेश्वर रे आत्‍मा री शिक्षां जो नी अपणांदा, किजोकी से शिक्षां तिसेरी नजरां बिच बेवकूफी री गल्लां हिन, अते ना ही से मणू सही या गलत गल्लां बिच फैसला नी लेई पांदे। किजोकी से मणू आत्मिक गल्लां जो सिर्फ तां ही समजी सकदे जे अगर तिन्हा का पवित्रात्मा हो।

प्रकाशित वाक्य 21:6

फिरी तिन्हा ने मेरे जो बोल्लेया, ए गल्लां पूरी होई गे री हिन, मैं अल्फा ते ओमेगा, आदी ते अंत है। जिस कुसकी ने भी प्यासे होणा, मैं तिसजो तिस झरने बिच का से पाणी पुआणा जे हमेसा री जिन्दगी दिंदा।

प्रकाशित वाक्य 22:1

तां मेरे जो स्वर्गदूत ने से पाणी दिखाया जे हमेसा री जिन्दगी दैणे वाला पाणी केहलांदा, ते से पाणी सीसा सांई साफ थिया। ते तिस पाणी रा जरिया परमेश्वर रा सिंहासन है जे उरणू रा भी सिंहासन है।

प्रकाशित वाक्य 22:17

पवित्रात्मा ते उरणू री नौई लाड़ी यीशु जो बोलदे, “तुसां रा आणा जरुरी है।” हर बसेख जो सुनणे वाले हर इक्क मणू जो बोलणा जरुरी है, “आ!” जे कोई भी प्यासा है से जरुर आए ते तिस पाणी जो अपणाए जिस कने मुफ्त बिच जिन्दगी मिलदी।

प्रकाशित वाक्य 7:17

किजोकी उरणू जे सिंहासन रे मझाटे है, तिन्हा ने तिन्हा लोक्कां री इदेइ रखवाली करणी जिय्यां कोई पुहाल अपणी भेड़ां री करदा। परमेश्वर ने तिन्हा लोक्कां जो से ताजा पाणी पुआणे तांइ अपणे कने लेई करी जाणा जिस कने जिन्दगी मिलदी, ते परमेश्वर ने तिन्हा लोक्कां री हाख्खियां का सारे आँसु पूंजी दैणे।