यूहन्ना 4:10 - चम्बयाली नौआ नियम

¹⁰ यीशु ने जवाब दित्ता, जे तू परमेश्वर रे वरदान जो जाणदी जे से तिज्जो दैणा चाह्‍ंदे, कने ए भी नी जाणदी कि से कुण है जे तिज्जो बोलदा, मेरे जो पाणी पिया, तां तू तिसका मंगदी कने से तिज्जो जिन्दगी रा पाणी दिंदा।

यूहन्ना 4:10 ပူးပေါင်းရင်းမြစ်များ

लूका 11:13

बुरे स्वभाव रे मणू हुन्दे-सुन्दे भी तुसा जो पता है कि अपणे बच्चेयां जो ठीक चीजां किय्यां दित्ती जान्दी, तां अवे तुसा अप्पु सोच्चो कि असा रा स्वर्ग अन्दर रैह्णे वाला परमेश्वर अपणे मंगणे वालेयां जो खुसी कने पवित्रात्मा किजो नी दिंगा

यूहन्ना 16:3

अते तिन्हा ने इय्यां इधेरे तांइ करणा किजोकी तिन्हा ने ना ता स्वर्ग बिच रैह्णे वाले पिता जो जाणेया ते ना ही मेरे जो जाणेया,

यूहन्ना 17:3

ते इस तरिक्के कने हमेसा री जिन्दगी जो हासिल कित्तेया जाई सकदा कि मणू इकलौते सच्चे परमेश्वर जो ते यीशु मसीह यानी मेरे जो जाणे जिस जो तुसा दुनिया रे लोक्कां का भेज्जे रा है।

यूहन्ना 3:16

किजोकी परमेश्वर ने दुनिया रे लोक्कां कने इन्ना प्यार कित्ती कि तिन्हा ने अपणा इकलौता पुत्तर देई दिता कि जेड़ा तिस पर विश्वास करे से नास न हो पर हमेसा री जिन्दगी पाओ।

यूहन्ना 4:14

पर जे कोई तिस पाणी बिच का पिन्गा, जे मैं तिसजो दैणा, तिसजो फिरी कदी भी प्यास नी लगणी पर जे पाणी मैं तिसजो दैणा, तिसेरा उस मणू अन्दर इक्क सोता बणी जाणा जे हमेसा तिकर रैह्णा।

यूहन्ना 6:35

यीशु ने तिन्हा जो बोल्लेया, हमेसा री जिन्दगी री रोट्टी मैं ही है: जे मेरे का आंगा से कदी भी भूखा नी रैह्णा ते जेडा मेरे पर विश्वास करगां से कदी भी प्यासा नी रिगां

यूहन्ना 6:51

हमेसा री जिन्दगी री रोट्टी, जे स्वर्ग का उतरे री है, से मैं है, जे कोई इस रोट्टी जो खान्दा, तिनिये हमेसा तांइ जिन्दा रैह्णा ते जे रोट्टी मैं दुनिया रे लोक्कां जो जिन्दगी तांइ दैणी, से मेरा सरीर है।

प्रेरितां रे कम्म 9:11

तां प्रभु यीशु ने तिसजो बोल्लेया, उठ ते सीद्दा नां री गली बिच यहूदा रे घरे जा, तित्ते शाऊल नां रे इक्क तरसुस रे रैह्णे वाले मणू जो तोप, किजोकी से प्रार्थना करेया करदा है,

रोमियों 8:32

परमेश्वर ने अपणे इकलौत्ते पुत्र जो भी नी छड्डेया, पर तिन्हा जो असा रे खातिर अपणे दुश्मणा रे हत्थां बिच भी सौंप्पि दित्तेया। परमेश्वर ने असा जो से सब किच्‍छ जरुर दैणा जिसेरा तिन्हा असा कने वादा कित्ते रा है।

1 कुरुन्थियों 1:30

पर परमेश्वर ने तुसा लोक्कां रा रिस्ता मसीह यीशु कने जोड़ेया, ते मसीह यीशु रे जरिये से असा जो अपणा ज्ञान दिंदे, परमेश्वर असा जो अपणी नजर बिच धार्मिक ठैहरांदे। असी मणू मसीह यीशु रे जरिये पवित्र ठैहराये गेरे हिन ते असा जो पाप का अजाद करदे।

1 कुरुन्थियों 10:4

ते सबणा ने से ही पाणी भी पित्तेया जे परमेश्वर ने सप्पड़ बिच का दित्तेया थिया। ते से सप्पड़ मसीह यीशु री बराबरी बिच भी है जे तिन्हा लोक्कां कने तिन्हेरे सफर बिच कन्ने-कन्ने थी ते जिनिये तिन्हा जो जिन्दगी भी दित्ती।

2 कुरुन्थियों 9:15

आओ असी परमेश्वर रा तिन्हेरे पुत्तर जो इक्क दान रे स्वरूप बिच दैणे तांइ तिन्हेरा शुकर करण, जिसेरा कोई ज़िकर नी करी सकदा।

इफिसियों 2:8

परमेश्वर ने तुसा जो अपणे अनुग्रह ते तुसा रे मसीह यीशु बिच विश्वास करणे री वजह कने छुटकारा दित्तेया। तुसा अप्पु छुटकारा नी पाया, पर ए परमेश्वर रा दान है।

इब्रानियों 6:4

जे मणू परमेश्वर बिच विश्वास करणा छड्डी दिंदे, तिन्हा लोक्कां जो फिरी दुबारा कदी तौबा करणे री नौबत तिकर नी लाया जाई सकदा। तिन्हा ने इक्क समय पर परमेश्वर का मिलणे वाली सच्चाई जो पैछाणे रा है, ते परमेश्वर का आशीषां भी पाए री हिन, ते दूए विश्वासियां कने पवित्रात्मा भी हासिल कित्तेया।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।

प्रकाशित वाक्य 21:6

फिरी तिन्हा ने मेरे जो बोल्लेया, ए गल्लां पूरी होई गे री हिन, मैं अल्फा ते ओमेगा, आदी ते अंत है। जिस कुसकी ने भी प्यासे होणा, मैं तिसजो तिस झरने बिच का से पाणी पुआणा जे हमेसा री जिन्दगी दिंदा।

प्रकाशित वाक्य 22:17

पवित्रात्मा ते उरणू री नौई लाड़ी यीशु जो बोलदे, “तुसां रा आणा जरुरी है।” हर बसेख जो सुनणे वाले हर इक्क मणू जो बोलणा जरुरी है, “आ!” जे कोई भी प्यासा है से जरुर आए ते तिस पाणी जो अपणाए जिस कने मुफ्त बिच जिन्दगी मिलदी।

प्रकाशित वाक्य 7:17

किजोकी उरणू जे सिंहासन रे मझाटे है, तिन्हा ने तिन्हा लोक्कां री इदेइ रखवाली करणी जिय्यां कोई पुहाल अपणी भेड़ां री करदा। परमेश्वर ने तिन्हा लोक्कां जो से ताजा पाणी पुआणे तांइ अपणे कने लेई करी जाणा जिस कने जिन्दगी मिलदी, ते परमेश्वर ने तिन्हा लोक्कां री हाख्खियां का सारे आँसु पूंजी दैणे।