यूहन्ना 3:6 - चम्बयाली नौआ नियम

⁶ किजोकी इन्सान तां अपणे जदेय इन्सान जो पैदा ही करी सकदा, पर पवित्रात्मा तिसजो इक्क नौई जिन्दगी देई सकदी।

यूहन्ना 3:6 ပူးပေါင်းရင်းမြစ်များ

यूहन्ना 1:13

से मणू ना तां अपणे मां-प्यो री मर्जी कने, ना सरीर री इच्छा कने ते ना ही लोक्कां री बच्चे पैदा करणे री इच्छा री वजह कने पैदा होए रे हिन पर से परमेश्वर री इच्छा कने पैदा होए रे हिन।

यूहन्ना 3:7

हैरान मत हो कि मैं तिज्जो बोल्लेया कि तीजो नौए सिरे का जन्म लैणा जरुरी है।

रोमियों 7:18

किजोकी मैं जाणदा कि मेरे पापी स्वभाव बिच कोई ठीक गल्ल नी है। मैं ठीक कम्म करणा ता चाह्‍ंदा पर से मेरे का नी हुदें।

रोमियों 7:25

मैं परमेश्वर रा शुक्रिया करदा कि तिन्हा ने मेरे जो मसीह यीशु रे जरिये छुड़ाई लित्ता। हालांकि अपणे पाप रे स्वभाव री वजह कने मैं पाप रा गुलाम है, पर मैं अपणे मन कने परमेश्वर रे कानून जो मनणा चाह्‍ंदा।

रोमियों 7:5

किजोकी जां असी अपणे पाप करणे रे स्वभाव रे काबू बिच थिये, तां असा री पाप करणे रे स्वभाव, असा बिच कम्म करेया करदा थिया, ते कानूनां ने तिसजो होर बढ़ावा दित्ता ते तिस कने इदेय कम्म होए, जिसेरा नतीज्जा मौत हुंदा।

रोमियों 8:13

किजोकी जे अगर तुसा पाप रे स्वभाव रे काबू बिच जिन्दगी जिंगे, तां परमेश्वर का बखरे कित्ते जाणे, ते जे अगर तुसा पवित्रात्मा री ताकत कने से कम्म करणा छड्डी देयो जे पाप रे स्वभाव कने हुंदा, तां तुसा ने जीणा।

1 कुरुन्थियों 6:17

ते जे मणू प्रभु कने रिस्ता बणाई करी रखदा, तां तिस मणू प्रभु कने इक्क आत्‍मा होई जांदा।

2 कुरुन्थियों 5:17

इस तांइ जे कोई मसीह यीशु बिच विश्वास रखदा तां से नौई रचना है: पुराणी जिन्दगी बीती गे री है, अवे नौई जिन्दगी री सुरुआत होए री है।

गलातियों 5:24

अते जे मणू मसीह यीशु रे हिन, तिन्हा ने अपणे सरीर री बुरी इच्छां जो मसीह कने सुली पर चढ़ाई दित्ते रा है, ते से अवे अपणी सरीर री बुरी इच्छा रे काबू बिच नी हिन।

इफिसियों 2:3

असी भी तिन्हा लोक्कां सांई जिन्दगी जिंदे थिये जे अपणे सरीर री बुरी इच्छां जो पूरा करेया करदे ते बाकि मणू कुदरती तौर पर बुरे मणू थिये ते परमेश्वर रे गुस्से रे हिस्सेदार थिये।

कुलुस्सियों 2:11

जां तुसा मसीह यीशु बिच विश्वास कित्तेया, तां तुसा रा इदेया खतना होया जे कुसकी इन्सान ने कित्तेया हो, पर से मसीह यीशु रे जरिये होया, जे की तुसा रे पापी स्वभाव रा कट्टेया जाणा थिया।

1 यूहन्ना 3:9

जे कोई परमेश्वर री औलाद हिन, से पाप करणा छड्डी दिंदा किजोकी परमेश्वर रा स्वभाव तिस मणू बिच बणी रैहन्दा, इधेरे तांइ से पाप नी करी सकदा, किजोकी से परमेश्वर रा पुत्तर है।