यूहन्ना 3:34 - चम्बयाली नौआ नियम

³⁴ किजोकी जिस जो परमेश्वर ने भेज्जे रा है से परमेश्वर री गल्लां बोलदा किजोकी से पवित्रात्मा नाप्पी-तोल्ली करी नी दिंदा।

यूहन्ना 3:34 ပူးပေါင်းရင်းမြစ်များ

मत्ती 12:18

“दिख्खो, ए मेरा सेवक है; जिस जो मैं चुणे रा है ए मेरा प्यारा है, मैं इसका खुस है मैं तिसेरे उप्पर अपणी आत्‍मा रखणी अते तिसने गैर यहूदियां रे लोक्कां जो हिसाब-किताब रा सुब बसेख दैणा।

लूका 4:18

“प्रभु रा आत्‍मा मेरे अन्दर है, किजोकी तिन्हा ने मेरा अभिषेक कित्ते रा है कि मैं गरीब मणूआं जो परमेश्वर रे राज रे सुब बसेख जो सूणां, ते परमेश्वर ने मेरे जो गुलाम मणूआं जो ए बोलणे तांइ भेज्जेया कि से अजाद हिन, ते अन्नेयां जो रौसनी दैणे तांइ भेज्जे रा है, अते दुख-तकलिफां अन्दर फसे रे लोक्कां जो छुटकारा दैणे,

यूहन्ना 1:16

तिन्हा री अनुग्रह री भरपुरी बिच का असी तिन्हा का इक्क का बाद इक्क मती सारी आशीषां हासिल कित्ती।

यूहन्ना 15:26

जां तिस मददगार ने आणा, जिस जो मैं पिता रे पास्से का तुसा का भेजणा, बल्कि सच्चाई री आत्‍मा, जे पिता रे पास्से का आंदी, तिसने मेरी गवाई दैणी।

यूहन्ना 16:7

पर मैं तुसा रे कने सच-सच बोलदा कि तुसा तांइ भला है कि मैं जाया करदा है, किजोकी जे अगर मैं नी जांगा तां पवित्रात्मा ने जे तुसा रा मददगार है, तुसा का नी आणा, पर जे अगर मैं चली जांगा तां तिसजो तुसा रे का भेजी दिंगा।

यूहन्ना 3:17

परमेश्वर ने अपणे पुत्तर जो दुनिया बिच इस तांइ नी भेज्जेया कि दुनिया रे लोक्कां पर सजा रा हुकम दे, पर इस तांइ कि दुनिया रे मणू तिसेरे जरिए छुटकारा पाए।

यूहन्ना 5:26

किजोकी जिस तरिक्के बाबा अप्पु अन्दर जिन्दगी रखदा तिसी तरिक्के तिसने पुत्तर जो भी ए हक्क दितेरा है कि अप्पु बिच जिन्दगी रखे

यूहन्ना 7:16

यीशु ने तिन्हा जो जवाब दित्या, कि मेरा उपदेस मेरा अपणा नी है, पर परमेश्वर रा है जिन्हा ने मेरे जो भेज्जे रा है।

यूहन्ना 8:40

पर अवे तुसा मेरे जो मारी रखणा चाह्‍ंदे जिन्निए तुसा जो ओ सच्ची गल्ल दस्सी जे परमेश्वर का सूणेया। इदेया तां अब्राहम ने नी कित्ता थिया।

यूहन्ना 8:47

जे परमेश्वर रे पास्से का हुदां, से परमेश्वर री गल्लां जो सूणदा, ते तुसा इस तांइ नी सूणदे किजोकी परमेश्वर रे पास्से का नी हिन।

प्रेरितां रे कम्म 1:2

अपणे स्वर्ग पर चुक्के जाणे का पैल्ले तिन्हा ने अपणे चुणे रे प्रेरितां जो पवित्रात्मा री ताकत कने हुकम दित्ते।

प्रेरितां रे कम्म 10:38

परमेश्वर ने कुस तरिक्के कने नासरत कस्बे रे यीशु, जो पवित्रात्मा ते ताकत कने अभिषेक कित्तेया: से भलाई रे कम्म करदे, ते सारेयां जो जे शैतान रे सताए रे थिये, जाई-जाई करी ठीक करदे रे, किजोकी परमेश्वर तिन्हा कने थिये।

रोमियों 8:2

किजोकी पवित्रात्मा ने तिन्हा जो मसीह यीशु रे जरिये पाप ते मौत रे काबू का अजाद करी दित्ते रा है ते नौई जिन्दगी दित्ते री है।

इफिसियों 3:8

हालांकि मैं परमेश्वर रे सारे लोक्कां बिच का सारेयां का घट काबिल है, पर फिरी भी परमेश्वर ने मेरे जो ए सौभाग्य दित्ते रा है कि मैं गैर यहूदियां बिच ए सुब बसेख सूणां कि मसीह यीशु भरपूर आशीषां रा जरिया हिन,

कुलुस्सियों 1:19

किजोकी पिता परमेश्वर री खुसी इस गल्ल बिच ही है, कि तिन्हेरे पुत्तर बिच ही तिन्हेरे स्वभाव री सारी परिपूर्णता हो।

कुलुस्सियों 2:9

इन्हा जो अप्पु जो धोखा देई करी फसाणे रा मौक्का मत देयो, किजोकी जां मसीह यीशु ने मणू रे रुप बिच भी जन्म लित्तेया थिया, तां भी तिन्हा बिच परमेश्वर रा पूरा स्वभाव थिया।

प्रकाशित वाक्य 21:6

फिरी तिन्हा ने मेरे जो बोल्लेया, ए गल्लां पूरी होई गे री हिन, मैं अल्फा ते ओमेगा, आदी ते अंत है। जिस कुसकी ने भी प्यासे होणा, मैं तिसजो तिस झरने बिच का से पाणी पुआणा जे हमेसा री जिन्दगी दिंदा।

प्रकाशित वाक्य 22:1

तां मेरे जो स्वर्गदूत ने से पाणी दिखाया जे हमेसा री जिन्दगी दैणे वाला पाणी केहलांदा, ते से पाणी सीसा सांई साफ थिया। ते तिस पाणी रा जरिया परमेश्वर रा सिंहासन है जे उरणू रा भी सिंहासन है।