यूहन्ना 3:26 - चम्बयाली नौआ नियम

²⁶ कने यूहन्ना रे चेल्‍लेयां ने यूहन्ना रे नेड़े आई करी तिसजो बोल्लेया ओ गुरु, जे मणू यरदन रे पार तेरे कने थिया कने जिसेरे बारे बिच तू गवाई दित्ती, दिख, से बपतिस्मा दिन्दा है, कने सब तिसेरे का आंदे हिन।

यूहन्ना 3:26 ပူးပေါင်းရင်းမြစ်များ

मत्ती 23:7

बजारां बिच प्रणाम ते मणूआं बिच तिन्हा जो गुरु बोलण किजोकी तिन्हा जो ए सब खरा लगदा।

मत्ती 23:8

पर तुसा मणूआं बिच अप्पु जो गुरु मत बुलवान्दे, किजोकी तुसा रा इक्क ही गुरु है, ते तुसा सारे सिर्फ भैण भाई हिन।

यूहन्ना 1:15

यूहन्ना ने तिसेरे बारे गवाई दिती कने बड़ी हक्कां लाई करी बोल्लेया, “ए से ही है जिसेरे बारे मैं तुसा जो दस्सेया थिया कि जे मेरे बाद आए करदा है सेह मेरे का भी बधी करी है किजोकी से मेरे का भी पैहले थिया।”

यूहन्ना 1:7

से गवाह बणी करी आया ताकि रौसनी री गवाई दे, ताकि तिसेरे जरिए सारे रौसनी बिच विश्वास करण,

यूहन्ना 1:9

से सच्ची रौसनी जे सारे लोक्कां जो रौसनी दिंदी, से दुनिया बिच आणे वाली थी।

यूहन्ना 11:48

जे असी, तिसजो इय्यां ही छड्डी दिंदे, तां सारेयां ने तिसजो मसीह मन्नी लैणा, ते रोमियां ने आई करी ह्मारी जगाह् ते जाति दोन्नां पर कब्जा करी लैणा।

यूहन्ना 12:19

तां फरीसियां ने आपस बिच बोल्लेया, सोच्चो तां सही कि असा रे का किच्‍छ नी बणदा दिख्खो दुनिया उसदे पीच्छे होई चल्लि री है।

यूहन्ना 3:2

तिनिये रात्ती यीशु का आई करी तिन्हा जो बोल्लेया, ओ गुरु, असी जाणदे कि परमेश्वर ने तुसा जो असी लोक्कां जो सिखाणे तांइ भेज्जे रा है, किजोकी जदेय जदेय चमत्कार तुसा दिखादें, अगर परमेश्वर तुसा रे कन्ने ना हो तां नी दिखाई सकदे।

यूहन्ना 4:1

फिरी जां प्रभु जी जो पता लग्गेया कि फरीसियां ने सुणे रा है कि यीशु यूहन्ना का भी जादा चेल्‍ले बणांदा ते तिन्हा जो बपतिस्मा दिन्दा

यूहन्ना 4:2

हालांकि यीशु अप्पु नी पर तिसेरे चेल्‍ले बपतिस्मा दिंदे थिये।

यूहन्ना 4:31

इसेरे बिच यीशु रे चेल्‍लेयां ने छन्दे करी के बोल्लेया कि ओ गुरु कुछ खाई लियो

यूहन्ना 5:33

तुसा यूहन्ना का पुछवाणे तांइ अपणे मणू भेज्जे थिये ते तिनिये सच्चाई री गवाई दित्ती।