यूहन्ना 3:14 - चम्बयाली नौआ नियम

¹⁴ जिस तरिक्के कने मूसा ने बियाबान जगाह् बिच पीतल रे कीड़े जो ऊचे पर चढ़ाया उसी तरिके कने जरुरी है कि मणू रा पुत्तर, जे मैं ही है भी उँचे पर चढ़ाया जाए।

यूहन्ना 3:14 ပူးပေါင်းရင်းမြစ်များ

मत्ती 26:54

पर पवित्रशास्त्र री लिख्खे री गल्लां इय्यां ही पूरी होणा जरुरी हिन, वरना से गल्लां पूरी किय्यां होणी?”

मत्ती 8:20

यीशु ने तिसजो बोल्लेया, “लोमड़ी री खोह अते आसमान रे चिड़ू-पखेरुआं रे घोंसले हुन्दे हिन पर मणू रे पुत्तर का, जे मैं ही है का रैह्णे तांइ अपणी कोई जगाह् नी है।”

लूका 24:20

अते असा रे बड्डे पुरोत्त अते यहूदी धर्म गुरुआं ने यीशु मौत री सजा दैणे तांइ पकड़वाई दित्तया अते मणूआं ने तिन्हा जो ने सुली पर चढ़ाई दित्ता असी सोच्चे दा थिया कि तिन्हा ने इस्राएल जो गुलामी का छुड़ाणा अते इन सब गल्लां जो होए दे अज्ज तिज्जा रोज है,

यूहन्ना 18:32

ए इधेरे तांइ होया कि यीशु री गल्ल पूरी होई जाओ जे तिन्हा ने अपणे मरणे रे बारे बोल्ली थी, कि तिन्हेरी मौत कुस तरिक्के कने होणी।

यूहन्ना 6:51

हमेसा री जिन्दगी री रोट्टी, जे स्वर्ग का उतरे री है, से मैं है, जे कोई इस रोट्टी जो खान्दा, तिनिये हमेसा तांइ जिन्दा रैह्णा ते जे रोट्टी मैं दुनिया रे लोक्कां जो जिन्दगी तांइ दैणी, से मेरा सरीर है।

यूहन्ना 8:28

तां यीशु ने बोल्लेया, कि जां तुसा मणू रे पुत्तर, जो ऊचें पर चढ़ांगे, तां जाणगें कि मैं से ही हैं, ते मैं अपणे आप का किच्‍छ नी करदा, पर पिता मेरे जो जिय्यां सिखान्दा, से ही गल्लां मैं बोलदा।

प्रेरितां रे कम्म 2:23

तिस्सी यीशु जो, जे परमेश्वर री ठैहराई री योजना ते पैल्ले ज्ञान रे मुताबिक पकड़वाए गे, तुसा अधार्मिक लोक्कां री मदद कने यीशु जो पकड़वाई करी ते सुली पर चढ़वाई करी मरवाई दित्ता,