यूहन्ना 3:13 - चम्बयाली नौआ नियम

¹³ कोई स्वर्ग बिच नी गेया सिवाय मणू रे पुत्तर, जे मैं ही है, जे स्वर्ग का आये रे हिन।

यूहन्ना 3:13 ပူးပေါင်းရင်းမြစ်များ

मत्ती 28:20

से सब हुकम जे मैं तुसा जो दित्ते हिन, उन्हा जो उन पर चलणा सिखाओ: अते याद रख्खो, कि मैं दुनिया रे अंत तक हमेसा तुसा रे कने है।

मत्ती 8:20

यीशु ने तिसजो बोल्लेया, “लोमड़ी री खोह अते आसमान रे चिड़ू-पखेरुआं रे घोंसले हुन्दे हिन पर मणू रे पुत्तर का, जे मैं ही है का रैह्णे तांइ अपणी कोई जगाह् नी है।”

यूहन्ना 1:18

परमेश्वर जो कदी कुसकी ने नी दिख्खेया पर इकलौते पुत्तर ने जे अप्पु ही परमेश्वर है, ते पिता रे सबका जादा करीब है। तिन्हा ने ही असा पर परमेश्वर जो प्रकट कित्ते रा है।

यूहन्ना 13:3

यीशु ने ए जाणी करी कि पिता ने सब किच्‍छ मेरे हक बिच देई दित्ते रा है, ते से परमेश्वर रे पास्से का आया ते परमेश्वर का हटेया करदा है,

यूहन्ना 17:5

जदेई बड़ाई मेरी इस दुनिया रे बणाए जाणे का पैल्ले तुसा कने थी, तैसी ही बड़ाई तुसा फिरी मेरे जो देयो।

यूहन्ना 3:12

जां मैं तुसा कने दुनिया बिच होणे वाली गल्लां रे बारे बिच बोलदा, तुसा तां ही विश्वास नी करदे, तां जिस बेल्ले मैं तुसा रे कने स्वर्ग री गल्लां बारे बिच बोलणा, तां तुसा किय्यां विश्वास करणा।

यूहन्ना 3:31

जे स्वर्ग का आन्दा से सबणी का जादा बधी करी है, ते जे दुनिया का आन्दा से दुनिया रा है, ते दुनिया री ही गल्लां करदा जे स्वर्ग का आन्दा, से सबणी का उप्पर है।

यूहन्ना 6:33

परमेश्वर री रोट्टी ओ ही है, जेडी स्वर्ग का उत्तरी करी दुनिया रे लोक्कां जो जिन्दगी दिन्दी।

यूहन्ना 6:38

किजोकी मैं अपणी मर्जी कने नी, पर अपणे “पिता” री मर्जी पूरी करणे तांइ स्वर्ग का उतरेया।

यूहन्ना 6:42

फिरी तिन्हां ने बोल्लेया कै ए यूसुफ रा मुंडा यीशु नी है, जिस्स रे अम्मा बाबे जो असी जाणदे? तां फिरी ए किजो बोलदा कि मैं स्वर्ग का उतरया है।

यूहन्ना 6:46

इय्यां नी है कि कुसकी ने भी “पिता” जो नी दिख्खेया, पर मैं परमेश्वर जो दिख्खे रा है, जे अप्पु परमेश्वर रे पास्से का आए रा है।

यूहन्ना 6:51

हमेसा री जिन्दगी री रोट्टी, जे स्वर्ग का उतरे री है, से मैं है, जे कोई इस रोट्टी जो खान्दा, तिनिये हमेसा तांइ जिन्दा रैह्णा ते जे रोट्टी मैं दुनिया रे लोक्कां जो जिन्दगी तांइ दैणी, से मेरा सरीर है।

यूहन्ना 6:62

पर जे तुसा मणू रे पुत्तर, जे मैं ही है जो जित्ते से पैल्ले थिया, उत्ते का उप्पर जांदे दिखगे, तां कै हुगां?

यूहन्ना 8:42

यीशु ने तिन्हा जो बोल्लेय, जे परमेश्वर तुसा रा प्यो हुदां, तां तुसा मेरे कने प्यार करदे, किजोकी मैं परमेश्वर रे पास्से का आए रा है, मैं अप्पु नी आया, पर तिनहा ने ही मेरे जो भेज्जेया।

प्रेरितां रे कम्म 2:34

किजोकी दाऊद तां स्वर्ग पर नी चढ़ेया पर से आप बोलदा, प्रभु परमेश्वर ने मेरे प्रभु जो बोल्लेया, मेरे दैहणे बैह्,

प्रेरितां रे कम्म 20:28

इधेरे तांइ अपणी ते अपणे सारे झुण्ड री चुकन्ने रेह्ई करी देख-रेख करो जिन्हा परमेश्वर रे लोक्कां बिच पवित्रात्मा ने तुसा जो कलीसिया रे मुखिया बणाए रा है कि तुसा परमेश्वर री कलीसिया री रखवाली करो जिस जो तिसने अपणे खून कने खरीदी लित्ते रा है।

रोमियों 10:6

पर विश्वास कने मिलणे वाली धार्मिकता रे बारे बिच पवित्रशास्त्र बिच ए लिख्खे रा है, “अपणे मन बिच ए मत बोलदा कि मसीह जो दुनिया बिच थल्ले लाणे तांइ स्वर्ग पर कुसने चढ़णा,

1 कुरुन्थियों 15:47

पैल्ला मणू जे आदम है, से मिट्टी का बणेया थिया, पर दुआ मणू जे मसीह यीशु हिन, से स्वर्ग का आए।

इफिसियों 1:23

कलीसिया मसीह यीशु रे सरीर है ते मसीह री भरपुरी कने भरे री है जे सारेया बिच हर इक्क गल्ल जो पूरा करदी।