यूहन्ना 3:10 - चम्बयाली नौआ नियम

¹⁰ ए सुणी करी यीशु ने बोल्लेया, तू इस्राएलियों रा गुरु होई करी भी कै इन्हा गल्लां जो भी नी समजदा?

यूहन्ना 3:10 ပူးပေါင်းရင်းမြစ်များ

मत्ती 11:25

तिस्सी बेल्ले यीशु ने बोल्लेया, ओ पिता, आसमान ते जमीन रे प्रभु, मैं तेरा शुकर करदा कि तुसा ने इन्हा गल्लां जो अते समजदार लोक्कां का लुकाई रखेया, पर आम लोक्कां पर जाहिर कित्तेया।

मत्ती 15:14

तिन्हा जो छड्डो से तां अप्पु अन्ने होई करी दूज्जे अन्ने जो रस्ता दसणे वाले हिन, इन्हा दोनां ने ही गत्ता बिच पेई जाणा।

मत्ती 22:29

यीशु ने तिन्हा जो जवाब दित्तेया, तुसा पवित्रशास्त्र ते परमेश्वर री ताकत नी जाणदे इसी वजह कने भूल बिच पे रे हो।

लूका 2:46

फिरी इय्यां होया कि त्रीय्ये रोज्जे तिन्हा ने यीशु जो मन्दिर रे अंगण बिच परमेश्वर रे कानून रे सखाणे वालेयां रे मंझाटे बैठ्ठे रा ते तिन्हेरी सूणदे ते तिन्हा कने सुआल पुछदे दिख्खेया।

लूका 5:17

इक्क रोज इय्यां होया, यीशु मणूआं जो उपदेस देया करदे थिये ते फरीसी ते शास्त्रि मणू तित्ते बैठ्ठे रे थिये, जे कि गलील प्रदेश ते यहूदियां प्रदेश रे हर इक्क ग्रां अते यरुशलेम सहर का आये रे थिये, ते मणूआं जो खरा करणे तांइ प्रभु री ताकत यीशु कने थी।

यूहन्ना 3:9

नीकुदेमुस ने जवाब दित्ता ए गल्लां कियां होई सकदीयां?

प्रेरितां रे कम्म 5:34

पर गमलीएल नां रे इक्क फरीसी ने जे शास्त्रि लोक्कां ते सारे लोक्कां बिच बड़ा मन्नेया जादां थिया, सभा बिच खड़ी करी प्रेरितां जो थोड़ी देर तांइ बाहर करी दैणे रा हुकम दित्तेया,

रोमियों 2:28

इय्यां नी है कि तुसा यहूदी लोक्कां बिच पैदा होए या तुसा रा खतना होए रा है तां तुसा सच्चे यहूदी बणी गे,

फिलिप्पियों 3:3

हकीकत बिच तां असी परमेश्वर रे मणू हिन, ते परमेश्वर रे पवित्रात्मा रे दसणे रे हिसाब कने अराधना करदे, ते मसीह यीशु पर घमंड करदे ते असी अपणे इन्सानी कम्मां पर निर्भर नी हुंदे।

कुलुस्सियों 2:11

जां तुसा मसीह यीशु बिच विश्वास कित्तेया, तां तुसा रा इदेया खतना होया जे कुसकी इन्सान ने कित्तेया हो, पर से मसीह यीशु रे जरिये होया, जे की तुसा रे पापी स्वभाव रा कट्टेया जाणा थिया।