यूहन्ना 21:19 - चम्बयाली नौआ नियम

¹⁹ यीशु ने ए सब पतरस री मौत रे पास्से इसारा करणे तांइ बोल्लेया, जिस कने पतरस ने परमेश्वर री बड़ाई करणी। इन्ना बोल्ली करी यीशु ने पतरस जो बोल्लेया, मेरा पीच्छे चल ते “मेरा चेल्ला बणी रे।”

यूहन्ना 21:19 ပူးပေါင်းရင်းမြစ်များ

मत्ती 10:38

अते जे अपणे आप्पे रा इन्कार करी के अपणे दुख री सुली चुक्की करी मेरे पीच्छे नी चलदा, से मेरा चेल्ला बणने रे लायक नी है।

मत्ती 19:28

यीशु ने तिन्हा जो बोल्लेया, मैं तुसा जो सच बोलदा कि नौये जुग अन्दर जां मणू रे पुत्तर, जे मैं ही है ने अपणे प्रतापी सिंहासन पर बैह्णा तां तुसा बीह्, जे मेरे पीच्छे चले रे हिन, बारा सिंहासनां पर बेई करी इस्राएल रे बारा गोत्रां रा हिसाब-किताब करणा।

मत्ती 8:22

पर यीशु ने तिसजो बोल्लेया, “जे मणू आत्मिक तौर पर मरी चुके रे हिन तिन्हा जो अपणे मुरदे दबणा दे, अते तू मेरा चेल्ला बणी जा।”

यूहन्ना 12:26

जे कोई मेरी सेवा करे, तां मेरा चेल्ला बणी जाए, ते जित्ते मैं है उत्ते तिनिये भी होणा, तां पिता ने उसदा आदर करणा।

यूहन्ना 12:33

इय्यां बोल्ली करी तिनिये ए साफ करी दित्तेया कि उन्ने कदेइ मौत कने मरणा।

यूहन्ना 18:32

ए इधेरे तांइ होया कि यीशु री गल्ल पूरी होई जाओ जे तिन्हा ने अपणे मरणे रे बारे बोल्ली थी, कि तिन्हेरी मौत कुस तरिक्के कने होणी।

यूहन्ना 21:18

मैं तेरे कने सच-सच बोलदा, जां तू जुआन थिया तां तैयार होई करी जित्ते चाह्‍ंदा थिया तित्ते चली जांदा थिया पर जां तू बूड्डा होणा तां तू अपणे हत्थ पसारणे, अते दूज्जे ने तिज्जो तैयार करी के जित्ते तू नी चाह्‍ंदा तित्ते तिज्जो लेई जाणा।

यूहन्ना 21:22

यीशु ने तिसजो बोल्लेया, जे मैं चाए कि से मेरे आणे तक, ए इत्ते ही रे, तां तिज्जो इस कने कै मतलब? तू मेरे पीच्छे चल ते मेरा चेल्ला बणे रे।

फिलिप्पियों 1:20

मेरी तां ए ही दिल का लालसा ते आस है कि मैं कुसकी गल्ल अन्दर शर्मिंदा ना होआं, पर जिय्यां मेरे हिम्मत कने मसीह रा बसेख सुनाणे री वजह कने मसीह यीशु री बड़ाई मेरे जरिए हमेसा हुंदी आए री है, तिय्यां ही अब्बे भी हो, चाए मैं जियां या मरी जां।