यूहन्ना 21:17 - चम्बयाली नौआ नियम

¹⁷ तिन्हा ने तिज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार रखदा? पतरस उदास होई गेया कि यीशु ने तिसका तिज्जी वरी इय्यां बोल्लेया कि, कै तू मेरे कने प्यार रखदा? अते तिसने बोल्लेया, ओ प्रभु जी, तुसा तां सब किच्‍छ जाणदे तुसा जाणदे हिन कि मैं तुसा कने प्यार रखदा यीशु ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई चरा।

यूहन्ना 21:17 ပူးပေါင်းရင်းမြစ်များ

मत्ती 25:40

फिरी मैं उन्हा जो जवाब दैणा, मैं तुसा रे कने सच बोलदा जां भी तुसा ने मेरे भोले-भाले चेल्‍लेयां बिच का कुसकी इक्क तांइ भी किच्‍छ कित्तेया, तां से तुसा मेरे तांइ कित्तेया।

मरकुस 14:72

तां तिस्सी बेल्ले मुर्गे ने दूज्जी वरी बांग मारी दित्ती, ते पतरस जो से गल्ल जे कि यीशु ने तिसजो बोल्ली थी, याद आई: “मुर्गे रे दो वरी बांग दैणे पैल्ले ही तैं तीन्न वरी मेरे जो पहचानणे का मुकरी जाणा।” ते से इस गल्ल जो सोच्ची करी से जोरे-जोरे रोणा लग्गेया।

यूहन्ना 12:8

किजोकी गरीब तां तुसा रे कन्ने हमेसा रैन्हदे, पर मैं तुसा रे कन्ने हमेसा नी रैह्णा।

यूहन्ना 13:38

यीशु ने जवाब दित्तेया, कै तू मेरे तांइ अपणी जान देई दिंगा? मैं तेरे कने सच-सच बोलदा कि मुर्गे रे बाहर बांग मारणे का पैल्ले ही तू मेरे जो पछानणे का त्रै वरी मुकरी जाणा।

यूहन्ना 14:15

जे तुसा मेरे कने प्यार करदे तां मेरे हुकमा जो मन्नो।

यूहन्ना 15:10

जे तुसा मेरे हुकमां जो मंनगे, तां मेरे प्यार बिच बणी रैहन्गे, तिय्यां ही जिय्यां मैं अपणे पिता रे हुकमां जो मनदा अते तिन्हेरे प्यार बिच बणी रैहन्दा।

यूहन्ना 16:30

अवे असी समजी गे कि तुसा सब किच्‍छ जाणदे, अते तुसा जो जरुरत नी है कि कोई तुसा का सवाल करे, इसेरी वजह कने असी विश्वास करदे कि तुसा जो परमेश्वर ने भेज्जे रा है।

यूहन्ना 18:27

पतरस फिरी मुकरी गेया, अते तिस्सी बेल्ले मुर्गे ने बांग देई दित्ती।

यूहन्ना 18:4

फिरी यीशु जे सब किच्‍छ जाणदे थिये कि तिन्हा कने कै होणे वाला है, अग्गे आये अते तिन्हा जो बोल्लेया, तुसा कुस जो तोप्पेया करदे हिन?

यूहन्ना 21:18

मैं तेरे कने सच-सच बोलदा, जां तू जुआन थिया तां तैयार होई करी जित्ते चाह्‍ंदा थिया तित्ते चली जांदा थिया पर जां तू बूड्डा होणा तां तू अपणे हत्थ पसारणे, अते दूज्जे ने तिज्जो तैयार करी के जित्ते तू नी चाह्‍ंदा तित्ते तिज्जो लेई जाणा।

यूहन्ना 4:16

यीशु ने तिसजो बोल्लेया, जा अपणे लाड़े जो इत्ते सद्दी लेई आ

प्रेरितां रे कम्म 1:24

ते ए प्रार्थना कित्ती, ओ प्रभु तुसा जे सारेयां रे मनां जो जाणदे, ए प्रकट करो कि इन्हा दोन्नां बिच का तुसा कुस जो चुणे रा है,

प्रेरितां रे कम्म 11:10

तीन्न वरी इय्यां ही होया, तां फिरी सब किच्‍छ आसमान जो खिच्ची लित्तेया

प्रेरितां रे कम्म 15:8

ते मन जो परखणे वाले परमेश्वर ने तिन्हा जो भी असा सांई पवित्रात्मा देई करी तिन्हा जो अपणाई लित्ता।

2 कुरुन्थियों 1:12

किजोकी असी अपणे विवेक री इस गवाई पर असी पूरी बुड़ख कने बोलदे कि असी अपणे हर काम्म-काज बिच परमेश्वर री दित्ते री पवित्रता ते सच्चाई कने जिन्दगी जिन्दे, खासतौर पर जां असी तुसा कने थिये। असी अपणी इन्सानी समझ पर नी पर परमेश्वर रे अनुग्रह पर निर्भर रैहन्दे।

इफिसियों 4:30

अपणे कम्मां री वजह कने पवित्रात्मा जो दुखी मत करो जिन्हेरे जरिये छुटकारे वाले दिन तांइ तुसा पर मौहर लाई गे री है।

1 पतरस 1:6

भले ही मते तरिक्के री चीजां तुसा जो दुखी करी दिंदी पर फिरी भी इन्हा गल्लां री वजह कने तुसा खुस हुंदे।

2 पतरस 3:1

ओ मेरे प्यारे दोस्तों, अवे ए दूज्जी चीठ्ठी है जे मैं तुसा जो लिख्खेया करदा है दोन्नां चीठ्ठियां बिच मैं तुसा जो से गल्लां याद कराई करी, जे तुसा ने पैल्ले का सिख्खे री हिन, तुसा जो सही तरिक्के कने सोचणे तांइ होंसला बंधाणे री कोसीस करेया करदा है।

प्रकाशित वाक्य 2:23

मैं तिन्हा लोक्कां जो मारी रखणा जे तिसेरी सीख पर चलदे, ते इस कने सारी कलीसिया रे मणूआं ने जाणी जाणा कि मैं इन्सान री सोच ते मकसद री छानबीन करदा। मैं तुसा बिच का हर इक्क जणे जो तिन्हेरे कम्मां रे हिसाब कने ईनाम दैणा।

प्रकाशित वाक्य 3:19

किजोकी मैं जिस कने प्यार करदा, तिसजो सुधारदा भी, ते जिस जो औलाद सांई मनदा, तिसजो कोड़े भी लादां ताकि से पाप रे कम्म करणा छड्डी दे।