यूहन्ना 21:16 - चम्बयाली नौआ नियम

¹⁶ तिन्हा ने फिरी दूज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार करदा? तिन्ने तिन्हा जो बोल्लेया, हाँ प्रभु, तुसा तां जाणदे हिन कि मैं तुसा कने बड़ा प्यार करदा। तिन्हा ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई सम्भाल।

यूहन्ना 21:16 ပူးပေါင်းရင်းမြစ်များ

मत्ती 2:6

‘ओ बैतलहम, तू जे यहूदा प्रदेश बिच है, तू कुसी भी तरिक्के कने यहूदा रे अधिकारियां अन्दर सबका छोटा नी है किजोकी तेरे बिच का इक्क अधिपति ने निकलणा, जिनिए मेरे इस्राएल रे मणूआं री दिख्ख-रिख्ख करणी है।’”

मत्ती 25:32

ते सारी जातियां मेरे सामणे इकठ्ठी कित्ती जाणी अते तिन्हा इक्क दूज्जे जो इय्यां बखरा करणा, जिय्यां इक्क पुहाल बकरियां का भेड़ां बखरी करदा।

मत्ती 26:72

तिसने कसम खाई करी फिरी इन्कार कित्तेया मैं तिस मणू जो नी जाणदा।

लूका 19:10

किजोकी मणू रा पुत्तर, जे मैं ही है तेरे जदेय होर भी मणूआं जो हमेसा री सजा का बचाणे तांइ आए रा है।

यूहन्ना 18:17

तिस पैहरेदारणी ने पतरस जो बोल्लेया, कुते तू भी इस मणू रे चेल्‍लेयां बिच का इक्क तां नी? पतरस ने जवाब दित्तेया, ना, मैं नी है।

यूहन्ना 18:25

जां शमौन पतरस खड़ी करी आग्ग तप्पेया करदा थिया तां तिसका पूच्छेया, कुदखी तू भी इसेरे चेल्‍लेयां बिच का तां नी है? तिनिए इस गल्ल का मन्हा कित्तेया तिन्ने बोल्लेया ना मैं नी है

यूहन्ना 21:17

तिन्हा ने तिज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार रखदा? पतरस उदास होई गेया कि यीशु ने तिसका तिज्जी वरी इय्यां बोल्लेया कि, कै तू मेरे कने प्यार रखदा? अते तिसने बोल्लेया, ओ प्रभु जी, तुसा तां सब किच्‍छ जाणदे तुसा जाणदे हिन कि मैं तुसा कने प्यार रखदा यीशु ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई चरा।

प्रेरितां रे कम्म 20:28

इधेरे तांइ अपणी ते अपणे सारे झुण्ड री चुकन्ने रेह्ई करी देख-रेख करो जिन्हा परमेश्वर रे लोक्कां बिच पवित्रात्मा ने तुसा जो कलीसिया रे मुखिया बणाए रा है कि तुसा परमेश्वर री कलीसिया री रखवाली करो जिस जो तिसने अपणे खून कने खरीदी लित्ते रा है।

इब्रानियों 13:20

अवे असा रा सांती दैण वाला परमेश्वर, जिन्हा ने असा रे प्रभु यीशु मसीह जो मुर्देयां बिच का जिन्दा कित्तेया, हमारे जैसी भेड़ां तांइ इक्क पुहाल सांई हिन। तिन्हा ने अपणी जान री कुर्बानी देई करी हमेसा री वाचा जो पक्का कित्तेया।

1 पतरस 2:25

तुसा पैल्ले भटकी री भेड़ां सांई थिये, पर अवे तुसा मसीह का हटी आए रे हिन, जे तुसा री आत्‍मा रे पुहाल ते मुखिया हिन।

1 पतरस 5:2

कि जिय्यां इक्क पुहाल अपणी भेड़ां री रखवाल्ली करदा, तिय्यां ही तुसा भी तिन्हा सारेयां री रखवाल्ली करो जिन्हा जो परमेश्वर ने तुसा जो सौंप्पे रा है। ए सब किच्‍छ अपणी मर्जी कने करो किजोकी ए ही परमेश्वर री मर्जी है। ए सब इधेरे तांइ मत करो किजोकी तुसा पैसे कमाणा चाह्‍ंदे, पर इधेरे तांइ करो किजोकी तुसा परमेश्वर ते लोक्कां री सेवा करणा चाह्‍ंदे।

प्रकाशित वाक्य 7:17

किजोकी उरणू जे सिंहासन रे मझाटे है, तिन्हा ने तिन्हा लोक्कां री इदेइ रखवाली करणी जिय्यां कोई पुहाल अपणी भेड़ां री करदा। परमेश्वर ने तिन्हा लोक्कां जो से ताजा पाणी पुआणे तांइ अपणे कने लेई करी जाणा जिस कने जिन्दगी मिलदी, ते परमेश्वर ने तिन्हा लोक्कां री हाख्खियां का सारे आँसु पूंजी दैणे।