यूहन्ना 21:14 - चम्बयाली नौआ नियम

¹⁴ ए तिज्जी वरी ए कि यीशु मरे रे बिच का जिन्दा होणे का बाद चेल्‍लेयां जो लिब्बे।

यूहन्ना 21:14 ပူးပေါင်းရင်းမြစ်များ

मरकुस 16:12

इसका बाद यीशु कुसकी दूए रुप अंदर अपणे बारा चेल्‍लेयां रे अलावा दूए दो होर चेल्‍लेयां जो दिस्से जां से यरुशलेम सहर रे नेड़े इक्क जगाह् पर सफर करेया करदे थिये।

मरकुस 16:14

बाद बिच, यीशु अपणे बाकि रे ग्यारह चेल्‍लेयां जो भी दिस्से जां से रोट्टी खाया करदे थिये। से चेल्‍लेयां जो बकणा लग्गे किजोकी तिन्हा ने अपणी ढिठाई ते विश्वास री कमी री वजह कने तिन्हेरे मुर्देयां बिच का जिन्दे होणे रे बारे बिच भरोस्सा नी कित्तेया।

यूहन्ना 20:19

उसी रोज संझा बेल्ले, जे हफ्ते रा पैल्ला रोज थिया, उन्हेरे चेल्‍लेयां ने यहूदियां रे डर रे मारे दरवाज्जे बांद्द कित्ते रे थिये, उस्सी बेल्ले यीशु आई करी तिन्हेरे मंझाटे खड़े होई गे, अते तिन्हा जो बोल्लेया, तुसा जो सांती मिल्लो।

यूहन्ना 20:26

इक्क हफ्ते बाद तिन्हेरे चेल्‍ले फिरी घरे रे अन्दर थिये, अते थोमा तिन्हेरे कने थिया ते दुआर बन्द थिये, तां यीशु आई करी तिन्हेरे मझाटे खड़े होई गे अते बोल्लेया, तुसा जो सांती मिल्लो।

यूहन्ना 21:1

इन्हा गल्लां रे बाद यीशु ने खुद जो गलीली समुन्द्र (तिबिरियुस) रे कनारे चेल्‍लेयां रे सामणे प्रकट कित्तेया। अते इस तरिके कने सामणे आये;

प्रेरितां रे कम्म 1:3

ते तिन्हा ने दुख झेलणे रे मरणे का बाद अप्पु जो अपणे प्रेरितां रे सामणे पक्के सबुतां कने ए साबित कित्ता कि से फिरी मरे रे लोक्कां बिच का जिन्दे होई गेरे हिन, ते चाली दिनां तिकर से तिन्हा सामणे प्रकट हुंदे रे, ते परमेश्वर रे राज री गल्लां करदे रे।