यूहन्ना 20:9 - चम्बयाली नौआ नियम

⁹ किजोकी यीशु रे जिन्दे होणे रे पैल्ले तिकर से पवित्रशास्त्र बिच लिख्खे री इस गल्ल जो नी समजे थिये, कि तिन्हेरा मरे रेयां बिच का जिंदा होणा पक्का है।

यूहन्ना 20:9 ပူးပေါင်းရင်းမြစ်များ

मत्ती 22:29

यीशु ने तिन्हा जो जवाब दित्तेया, तुसा पवित्रशास्त्र ते परमेश्वर री ताकत नी जाणदे इसी वजह कने भूल बिच पे रे हो।

लूका 24:26

ए जरुरी थिया कि मसीह ए दुख चुक्की करी अपणी महिमा बिच आओ,

लूका 9:45

पर ए गल्ल चेल्‍लेयां रे पल्ले नी पेई, किजोकी इस गल्ल रा सह्ई मतलब तिन्हा का छुपी रेया कि से तिसजो जाणी ना सकण ते चेल्‍ले यीशु का इस बारे अन्दर पूच्छणे का ड़रदे थिये

यूहन्ना 2:22

इधेरे तांइ जां यीशु मुर्देयां बिच का जिन्दे होई गे, तां तिन्हेरे चेल्‍लेयां जो इस गल्ल रा दुबारा तां चेत्ता आया। तां तिन्हा ने पवित्रशास्त्र री तिस गल्ल रा विश्वास कित्तेया, जे मसीह रे फिरी जिन्दे होणे रे बारे बिच बोलदी, ते यीशु ने भी बोल्ली थी।

प्रेरितां रे कम्म 17:3

ते तिन्हेरा मतलब खोली करी समझान्दा थिया, कि मसीह यीशु रा दुख उठाणा, ते मरे रे बिच का जिंदा होई जाणा जरुरी थिया, ते ऐई यीशु जिसेरी बारे बिच मैं प्रचार करेया करदा है, से ही मसीह हिन।

प्रेरितां रे कम्म 2:24

पर तिन्हा ही जो परमेश्वर ने मौत रे बधंन का छुड़ाई करी जिन्दा करी दित्ता, किजोकी ए नामुमकिन थिया कि से तिसेरे वस बिच रैहन्दे,

1 कुरुन्थियों 15:4

ते दब्बे गे, ते पवित्रशास्त्र रे हिसाब कने परमेश्वर ने त्रिये दिन तिन्हा जो मुर्देयां बिच का जिन्दा भी करी दित्ता,