यूहन्ना 20:30 - चम्बयाली नौआ नियम

³⁰ यीशु ने होर भी बड़े सारे चिन्ह-चमत्कारी कम्म अपणे चेल्‍लेयां जो दिखाए, जे इस कताब बिच नी लिख्खी हिन।

यूहन्ना 20:30 ပူးပေါင်းရင်းမြစ်များ

यूहन्ना 2:11

यीशु ने गलील प्रदेश रे काना बिच अपणाए पैल्ला चमत्कार दिखाई करी अपणी महिमा दिखाई, इसेरी वजह कने तिन्हेरे चेल्‍लेयां ने तिन्हा पर विश्वास कित्ता।

यूहन्ना 21:25

अते होर भी बड़े सारे कम्म हिन, जे यीशु ने कित्ते जे अगर उन्हा जो इक्क-इक्क करी के लिखदे, तां मैं समजदा कि तिन्हा जो रखणे तांइ इस दुनिया री जगाह् भी घट पेई जाणी थी।

यूहन्ना 6:2

कने इक्क बड़ी भीड़ तिसरे पीच्छे चली पेई किजोकी जे चमत्कार से बिमारा पर दसदा थिया से तिन्हा जो दिखदे थिये

रोमियों 15:4

जिन्नी गल्लां पैल्ले पवित्रशास्त्र बिच लिख्खी गे री हिन, से असा जो शिक्षा दैणे तांइ ही लिख्खी गे री हिन, कि असी सबर ते पवित्रशास्त्र का मिलणे वाले प्रोत्साहन कने ए आस बणाई रखण, कि परमेश्वर ने वादा कित्ते रा है तिसजो तिन्हा ने पूरा करणा।

1 कुरुन्थियों 10:11

पर ए सब गल्लां जे तिन्हा कने होई थी, असा लोक्कां जो चितौणी दैणे तांइ लिख्खी गे री हिन जे इन्हा आखरी दिनां बिच रैह्‍न्दे।

1 यूहन्ना 5:13

मैं तुसा जो, जे परमेश्वर रे पुत्तर रे नां पर भरोस्सा करदे, इधेरे तांइ ए चीठ्ठी लिख्खे री है कि तुसा जाणी सकेयो कि हमेसा री जिन्दगी तुसा री है।