यूहन्ना 20:26 - चम्बयाली नौआ नियम

²⁶ इक्क हफ्ते बाद तिन्हेरे चेल्‍ले फिरी घरे रे अन्दर थिये, अते थोमा तिन्हेरे कने थिया ते दुआर बन्द थिये, तां यीशु आई करी तिन्हेरे मझाटे खड़े होई गे अते बोल्लेया, तुसा जो सांती मिल्लो।

यूहन्ना 20:26 ပူးပေါင်းရင်းမြစ်များ

मत्ती 17:1

यीशु छे रोजां बाद पतरस, याकूब, अते तिसेरे भ्याल यूहन्ना जो अपणे कने कल्ले बिच इक्क उँचे पहाड़ पर लेई गे।

मरकुस 16:14

बाद बिच, यीशु अपणे बाकि रे ग्यारह चेल्‍लेयां जो भी दिस्से जां से रोट्टी खाया करदे थिये। से चेल्‍लेयां जो बकणा लग्गे किजोकी तिन्हा ने अपणी ढिठाई ते विश्वास री कमी री वजह कने तिन्हेरे मुर्देयां बिच का जिन्दे होणे रे बारे बिच भरोस्सा नी कित्तेया।

लूका 24:36

हल्ले से तिन्हा जो ए गल्लां बोलदा ही थिया कि यीशु खुद तिन्हेरे गब्बे आई खड़े होए अते तिन्हा जो बोल्णा लगे, तुसा जो सांती मिल्ले।

लूका 9:28

इन्हा गल्लां रे कोई आठ्ठ रोज्जां बाद यीशु अपणे कन्ने पतरस, याकूब, ते यूहन्ना जो लेई करी प्रार्थना करणे तांइ इक्क पहाड़ पर गे।

यूहन्ना 11:16

तां थोमा ने जे दिदुमुस कहलादां, अपणे साथी चेल्‍लेयां जो बोलदा, आओ, असी भी उस कने मरणे जो चलदे।

यूहन्ना 14:27

“मैं तुसा जो अपणी सांती देई करी जाया करदा है। जदेई सांती दुनिया रे मणू दिंदे तैसी सांती नी। तुसा रे दिल दुखी ना हो, ते ना ही डरे।”

यूहन्ना 20:19

उसी रोज संझा बेल्ले, जे हफ्ते रा पैल्ला रोज थिया, उन्हेरे चेल्‍लेयां ने यहूदियां रे डर रे मारे दरवाज्जे बांद्द कित्ते रे थिये, उस्सी बेल्ले यीशु आई करी तिन्हेरे मंझाटे खड़े होई गे, अते तिन्हा जो बोल्लेया, तुसा जो सांती मिल्लो।

यूहन्ना 20:21

तां यीशु ने तिन्हा जो फिरी बोल्लेया, तुसा जो सांती मिल्लो जिय्यां परम पिता ने मेरे जो भेज्जेया है, तिय्यां ही मैं भी तुसा जो दुनिया रे लोक्कां का भेजदा।

यूहन्ना 21:1

इन्हा गल्लां रे बाद यीशु ने खुद जो गलीली समुन्द्र (तिबिरियुस) रे कनारे चेल्‍लेयां रे सामणे प्रकट कित्तेया। अते इस तरिके कने सामणे आये;

यूहन्ना 21:14

ए तिज्जी वरी ए कि यीशु मरे रे बिच का जिन्दा होणे का बाद चेल्‍लेयां जो लिब्बे।

प्रेरितां रे कम्म 1:3

ते तिन्हा ने दुख झेलणे रे मरणे का बाद अप्पु जो अपणे प्रेरितां रे सामणे पक्के सबुतां कने ए साबित कित्ता कि से फिरी मरे रे लोक्कां बिच का जिन्दे होई गेरे हिन, ते चाली दिनां तिकर से तिन्हा सामणे प्रकट हुंदे रे, ते परमेश्वर रे राज री गल्लां करदे रे।