यूहन्ना 20:25 - चम्बयाली नौआ नियम

²⁵ दूज्जे चेल्‍ले तिस कने बोलणा लगे, असा ने यीशु जो दिख्खेया पर थोमा ने बोल्लेया, जां तांइ मैं उसेरे हत्थां बिच छेद ना दिख्खी लिंदा, अते उन्हा बिच अपणी उंगली नी पाई लिन्दा, अते उसेरी बख्खी बिच अपणा हत्थ नी पाई लिंदा, तां तांइ मेरे जो विश्वास नी होणा कि से जिन्दे होई गेरे हिन।

यूहन्ना 20:25 ပူးပေါင်းရင်းမြစ်များ

मत्ती 27:42

इनिये होरां जो बचाया, ते अप्पु जो नी बचाई सकदा ए तां इस्राएल रा राज्जा है अवे सुली का थल्ले उतरी आए तां असी तिस पर विश्वास करण।

मरकुस 16:11

पर जां तिन्हा ने जाई करी तिन्हा जो दस्सेया कि यीशु जिन्दे हिन ते तिसने यीशु जो दिख्खे रा है, तां तिन्हा लोक्कां ने तिसेरी गल्ल रा भरोस्सा नी कित्ता।

मरकुस 16:13

तिन्हा चेल्‍लेयां ने भी हटी करी बाकि रे चेल्‍लेयां जो दस्सेया, पर कुसकी ने तिन्हेरा भरोसा नी कित्तेया।

मरकुस 16:14

बाद बिच, यीशु अपणे बाकि रे ग्यारह चेल्‍लेयां जो भी दिस्से जां से रोट्टी खाया करदे थिये। से चेल्‍लेयां जो बकणा लग्गे किजोकी तिन्हा ने अपणी ढिठाई ते विश्वास री कमी री वजह कने तिन्हेरे मुर्देयां बिच का जिन्दे होणे रे बारे बिच भरोस्सा नी कित्तेया।

लूका 24:25

तां यीशु ने तिन्हा दो चेल्‍लेयां जो बोल्लेया, तुसा बड़े बेवकूफ हिन भविष्यद्वक्ता ने शास्त्र बिच जे किच्‍छ बोल्लेया थिया तिन्हा गल्लां पर विश्वास करणा तुसा जो बड़ा मुशकल लग्गेया करदा है?

यूहन्ना 1:41

तिसने पहले अपणे सगे भ्याल शमौन जो मिली करी तिसजो बोल्लेया, हमारे जो मसीह मिली गे।

यूहन्ना 20:27

फिरी यीशु ने थोमा जो बोल्लेया, अपणी उंगली पाई करी मेरे हत्थ दिख्ख, अपणा हत्थ चौड़ा कर अते मेरी बख्ख बिच पा, शक करणा छड्ड अते विश्वास कर।

यूहन्ना 21:7

तां तिस चेल्‍ले ने जिस कने यीशु प्यार करदे थिये, पतरस जो बोल्लेया, ए तां प्रभु हिन! शमौन पतरस ने ए सुणी करी कि से प्रभु हिन, चोग्गा पाई लित्तेया (किजोकी से नंगा थिया) अते समुन्द्र अंदर कुदी पेया।

यूहन्ना 6:30

तां तिन्हा ने तिसजो बोल्लेया, फिरी तू कुण सी निशानी दिखान्दा है कि असी तिसजो दिख्खी करी तुसा पर विश्वास करण? तू कुण देय्या कम्म दसदा?

इब्रानियों 3:12

ओ संगी विश्वासियों, चुकन्ने रेयो, कि तुसा रे मन बिच इदेइ बुराई ते अविश्वास ना आई जाओ, जे तुसा जो जिन्दगी दैणे वाले परमेश्वर रे हुकमा जो मनणे का फेरी दे।

इब्रानियों 3:18

जां परमेश्वर ने बोल्लेया, कि से तित्ते नी आई सकदे जित्ते तिन्हा ने तिन्हा लोक्कां जो अराम दैणा थिया, तां से तिन्हा लोक्कां रे ही बारे बिच गल्ल करेया करदे थिये, जिन्हा ने तिन्हेरे हुकम री ना-फरमानी कित्ती थी।