यूहन्ना 20:20 - चम्बयाली नौआ नियम

²⁰ अते ए बोल्ली करी तिन्हा ने अपणे हत्थ अते अपणी बख्खी रे पर जख्म वाले भोक्क तिन्हा जो दस्से। चेल्‍लेयां ने जां यीशु जो दिख्खेया तां बड़े खुस होये।

यूहन्ना 20:20 ပူးပေါင်းရင်းမြစ်များ

मत्ती 28:8

से डर अते बड़ी खुसी कने कब्र का हटी करी उसेरे चेल्‍लेयां जो सुब बसेख दैणे तांइ दौड़ी गेईयां।

यूहन्ना 16:20

मैं तुसा कने सच-सच बोलदा कि मेरे मरणे रे बाद तुसा रोणा ते पीटिणा, पर इस दुनिया रे लोक्कां ने खुस होणा। तुसा दुखी होणा, पर दुख खुसी बिच बदली जाणा

यूहन्ना 16:22

तिस्सी तरिक्के कने अवे तुसा दुखी तां हिन, पर मैं तुसा रे कने फिरी मिलणा, अते तुसा रे मन खुस होई जाणे, अते तुसा री खुसी जो कोई तुसा का खुस्सि नी सकदा।

यूहन्ना 19:34

पर तिन्हा बिच का इक्क सिपाई ने यीशु री बख्खी पर बरछा मारी दित्तेया, अते तिस्सी बेल्ले तिस बिच का बिच का खून अते पाणी निकलेया।

यूहन्ना 20:25

दूज्जे चेल्‍ले तिस कने बोलणा लगे, असा ने यीशु जो दिख्खेया पर थोमा ने बोल्लेया, जां तांइ मैं उसेरे हत्थां बिच छेद ना दिख्खी लिंदा, अते उन्हा बिच अपणी उंगली नी पाई लिन्दा, अते उसेरी बख्खी बिच अपणा हत्थ नी पाई लिंदा, तां तांइ मेरे जो विश्वास नी होणा कि से जिन्दे होई गेरे हिन।

यूहन्ना 20:27

फिरी यीशु ने थोमा जो बोल्लेया, अपणी उंगली पाई करी मेरे हत्थ दिख्ख, अपणा हत्थ चौड़ा कर अते मेरी बख्ख बिच पा, शक करणा छड्ड अते विश्वास कर।

1 यूहन्ना 1:1

असी तिस इक्क रे बारे बिच लिख्खेया करदे हिन जे जिन्दगी दैणे वाला वचन है। से दुनिया रे बणाए जाणे का भी पैल्ले का है। जिस जो असी सूणेया, ते अपणी हाख्खियां कने दिख्खेया, बल्कि जिस जो असी ध्यान कने दिख्खेया ते अपणे हत्थां कने छुत्तेया।