यूहन्ना 20:2 - चम्बयाली नौआ नियम

² फिरी से दौड़ी करी शमौन पतरस अते तिस दूज्जे चेल्‍ले का, जे यीशु जो प्यारा थिया, पूज्जी अते बोलणा लग्गी, तिन्हा लोक्कां ने प्रभु रे सरीर जो कब्र का निकाली करी लेई गे अते असा जो नी है पता कि तिन्हा ने उन्हा जो कुते रख्खे रा है।

यूहन्ना 20:2 ပူးပေါင်းရင်းမြစ်များ

यूहन्ना 13:23

तिन्हेरे चेल्‍लेयां बिच का इक्क चेल्ला, जिस कने यीशु प्यार करदे थिये, यीशु नेड़े बैठ्ठे रा थिया।

यूहन्ना 19:26

जां यीशु ने अपणी मां ते तिस चेल्‍ले जो जिस कने से प्यार करदे थिये, नेड़े खड़ितेरा दिख्खेया तां अपणी मां जो बोल्लेया, ओ मां, दिख, ए तेरा पुत्तर है।

यूहन्ना 20:13

अते तिन्हा ने मरियम जो बोल्लेया, ओ कुड़िये, तू किजो रुन्दी है? तिन्ने तिन्हा जो बोल्लेया, से मेरे प्रभु रे सरीर जो चुक्की लेई गे हिन अते मेरे जो नी है पता कि तिन्हा ने उन्हा जो कुते रख्खे रा है।

यूहन्ना 20:15

यीशु ने तिसजो बोल्लेया, ओ कुड़िये, तू किजो रुन्दी है? तू कुस जो तोपदी है? मरियम ने यीशु जो माली समजी करी तिन्हा जो बोल्लेया, श्रीमान, जे तुसा तिन्हा रे सरीर जो लेई गेरे हिन तां मेरे जो दस्सी देयो कि तिन्हा जो कुते रख्खेया रा है? मैं तिन्हा जो लेई जांगी।

यूहन्ना 20:9

किजोकी यीशु रे जिन्दे होणे रे पैल्ले तिकर से पवित्रशास्त्र बिच लिख्खे री इस गल्ल जो नी समजे थिये, कि तिन्हेरा मरे रेयां बिच का जिंदा होणा पक्का है।

यूहन्ना 21:20

पतरस मुड़ेया अते दिख्खेया कि से चेल्ला जिस कने यीशु प्यार करदे थिये, उन्हेरे पीच्छे आया करदा है। ए से ही थिया जिनिये रोट्टी खांदे बेल्ले तिन्हेरे नेड़े बैठ्ठे रा थिया ते झुकी करी पूच्छदा थिया, ओ प्रभु, तुसा जो धोखा देई करी पकड़वाणे वाला कुण है?

यूहन्ना 21:24

ए से ही चेल्ला ए जे इन्हा गल्लां री गवाई दिन्दा अते जिनिये इन्हा गल्लां जो लिख्खेया, अते असी जाणदे कि तिसेरी गवाई सच्ची है।

यूहन्ना 21:7

तां तिस चेल्‍ले ने जिस कने यीशु प्यार करदे थिये, पतरस जो बोल्लेया, ए तां प्रभु हिन! शमौन पतरस ने ए सुणी करी कि से प्रभु हिन, चोग्गा पाई लित्तेया (किजोकी से नंगा थिया) अते समुन्द्र अंदर कुदी पेया।