यूहन्ना 20:13 - चम्बयाली नौआ नियम

¹³ अते तिन्हा ने मरियम जो बोल्लेया, ओ कुड़िये, तू किजो रुन्दी है? तिन्ने तिन्हा जो बोल्लेया, से मेरे प्रभु रे सरीर जो चुक्की लेई गे हिन अते मेरे जो नी है पता कि तिन्हा ने उन्हा जो कुते रख्खे रा है।

यूहन्ना 20:13 ပူးပေါင်းရင်းမြစ်များ

लूका 24:17

यीशु ने तिन्हा जो पछानणा नी दित्तेया, यीशु ने तिन्हा जो पूच्छेया, ए कुण गल्लां हिन जे तुसा हन्डदे हन्डदे इक्क दूज्जे कने लाया करदे हिन? से हन्डदे हन्डदे से रुकी गे अते जे गल्लां होईयाँ तिस वजह कने तिन्हेरे मूह् लटकेरे थिये।

यूहन्ना 19:26

जां यीशु ने अपणी मां ते तिस चेल्‍ले जो जिस कने से प्यार करदे थिये, नेड़े खड़ितेरा दिख्खेया तां अपणी मां जो बोल्लेया, ओ मां, दिख, ए तेरा पुत्तर है।

यूहन्ना 2:4

यीशु ने तिसजो बोल्लेया, मां, ए सब किच्‍छ मेरे जो किजो दस्सेया करदी हिन? हल्ले मसीह रे रुप बिच जाहिर होणे रा मेरा समय नी है आए रा।

यूहन्ना 20:15

यीशु ने तिसजो बोल्लेया, ओ कुड़िये, तू किजो रुन्दी है? तू कुस जो तोपदी है? मरियम ने यीशु जो माली समजी करी तिन्हा जो बोल्लेया, श्रीमान, जे तुसा तिन्हा रे सरीर जो लेई गेरे हिन तां मेरे जो दस्सी देयो कि तिन्हा जो कुते रख्खेया रा है? मैं तिन्हा जो लेई जांगी।

यूहन्ना 20:2

फिरी से दौड़ी करी शमौन पतरस अते तिस दूज्जे चेल्‍ले का, जे यीशु जो प्यारा थिया, पूज्जी अते बोलणा लग्गी, तिन्हा लोक्कां ने प्रभु रे सरीर जो कब्र का निकाली करी लेई गे अते असा जो नी है पता कि तिन्हा ने उन्हा जो कुते रख्खे रा है।

प्रेरितां रे कम्म 21:13

पर पौलुस ने जवाब दित्तेया, तुसा करदे कै हिन कि रोई-रोई करी मेरा दिल तोड़ेया करदे हिन? मैं तां प्रभु यीशु तांइ यरुशलेम अन्दर ना सिर्फ कैद होणे तांइ पर तां मरणे तांइ भी तैयार है