यूहन्ना 2:4 - चम्बयाली नौआ नियम

⁴ यीशु ने तिसजो बोल्लेया, मां, ए सब किच्‍छ मेरे जो किजो दस्सेया करदी हिन? हल्ले मसीह रे रुप बिच जाहिर होणे रा मेरा समय नी है आए रा।

यूहन्ना 2:4 ပူးပေါင်းရင်းမြစ်များ

मत्ती 15:28

तां यीशु ने बोल्लेया, ओ जनानी, तेरा विश्वास बड्डा है, जिय्यां तू चाह्दीं, तिय्यां ही तेरे तांइ हो। तिसेरी कुड़ी तिस्सी बेल्ले ठीक होई गई।

मत्ती 8:29

अते दिख्खो, तिन्हा ने लेर देई करी बोल्लेया, ओ परमेश्वर रे पुत्तर, असा रा तुसा कने कै कम्म ए? “कै तुसा असा जो बेल्ला पूरा होणे का पैल्ले ही दुख दैणे आये हिन?”

लूका 2:49

यीशु ने तिन्हा जो बोल्लेया, तुसा मेरे जो किजो तोपदे थिये? कै तुसा ए नी जाणदे कि मेरे तांइ अपणे प्यो रे घरे रैह्णा कितणा जरुरी है?

यूहन्ना 12:23

इस पर यीशु ने उन्हा जो बोल्लेया, ओ वक्त आई गे रा है कि मणू रे पुत्तर री बड़ाई हो।

यूहन्ना 13:1

फसह रे त्याहार का पैल्ले, जां यीशु ने जाणी लेया कि मेरा से बेल्ला आई गेया कि दुनिया जो छड्डी करी पिता का हटी जां। यीशु अपणी सेवकाई री सुरुआत का लेई आखर तिकर अपणे चेल्‍लेयां कने बड़ा प्यार करदे थिये।

यूहन्ना 2:3

जिस बेल्ले अंगूर रा रस्स नी बचेया तां यीशु री मां, मरियम ने तिसजो बोल्लेया, तिन्हा का दाखरस मुकी गेया।

यूहन्ना 20:13

अते तिन्हा ने मरियम जो बोल्लेया, ओ कुड़िये, तू किजो रुन्दी है? तिन्ने तिन्हा जो बोल्लेया, से मेरे प्रभु रे सरीर जो चुक्की लेई गे हिन अते मेरे जो नी है पता कि तिन्हा ने उन्हा जो कुते रख्खे रा है।

यूहन्ना 20:15

यीशु ने तिसजो बोल्लेया, ओ कुड़िये, तू किजो रुन्दी है? तू कुस जो तोपदी है? मरियम ने यीशु जो माली समजी करी तिन्हा जो बोल्लेया, श्रीमान, जे तुसा तिन्हा रे सरीर जो लेई गेरे हिन तां मेरे जो दस्सी देयो कि तिन्हा जो कुते रख्खेया रा है? मैं तिन्हा जो लेई जांगी।

यूहन्ना 7:30

इस पर तिन्हा यहूदी अधिकारियां ने यीशु जो गिरफ्तार करणा चाएया, पर तां भी कुसकी ने भी उन्हा पर हत्थ नी पाया किजोकी तिन्हेरा गिरफ्तार होणे रा वक्त हल्ले तिकर नी आया थिया।

यूहन्ना 7:6

तां यीशु ने तिन्हा जो बोल्लेया, मेरे जाणे रा बेल्ला हल्ले नी आया, पर तुसा जाई सकदे।

यूहन्ना 7:8

तुसा त्याहार बिच जाई आओ, मैं हल्ले इस त्याहार बिच नी जाणा, किजोकी हल्ले तिकर मेरे जाणे रा समय नी आए रा है।

यूहन्ना 8:20

ए गल्लां तिन्हा ने मन्दिर रे अंगण बिच उपदेस दिन्दे होए भण्डार घर बिच बोल्ली, कने कुसी ने तिसजो नी पकड़ेया किजोकी तिसेरा हल्ले तिन्हेरा पकड़ी करी सताए ते मारे जाणे रा बेल्ला नी आया थिया।

2 कुरुन्थियों 5:16

अते अवे असी कुसकी होर जो इन्सानी तौर-तरिक्के रे हिसाब कने नी समजगे हालांकि असा ने भी मसीह यीशु जो इन्सानी तौर-तरिक्के रे हिसाब कने समजेया, तां भी अब्बे का असी तिन्हा जो इदेया नी जाणगे।