यूहन्ना 2:24 - चम्बयाली नौआ नियम

²⁴ पर यीशु ने अप्पु जो तिन्हेरे भरोस्से पर नी छड्डेया किजोकी से सबणी जो जाणदा थिया।

यूहन्ना 2:24 ပူးပေါင်းရင်းမြစ်များ

मत्ती 9:4

यीशु ने तिन्हेरे मन री गल्लां जो जाणी करी बोल्लेया, “तुसां अपणे-अपणे मन अन्दर बुरा किजो सोच्चेया करदे हिन।”

मरकुस 2:8

यीशु ने तिस्सी बेल्ले अपणी आत्‍मा बिच जाणी लित्तेया कि से अपणे-अपणे मन बिच इदेइ गल्ल हिन सोचदे, ते उन्हेरे जो बोल्लेया, “तुसां अपणे-अपणे मन बिच ए गल्ल किजो हिन सोचदे?”

यूहन्ना 1:42

अन्द्रियास शमौन जो यीशु का लेई आया, यीशु ने तिसजो दिख्खी करी बोल्लेया, तू यूहन्ना रा मुंडा शमौन है, तू कैफा मतलब पतरस केहलाणा।

यूहन्ना 16:30

अवे असी समजी गे कि तुसा सब किच्‍छ जाणदे, अते तुसा जो जरुरत नी है कि कोई तुसा का सवाल करे, इसेरी वजह कने असी विश्वास करदे कि तुसा जो परमेश्वर ने भेज्जे रा है।

यूहन्ना 21:17

तिन्हा ने तिज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार रखदा? पतरस उदास होई गेया कि यीशु ने तिसका तिज्जी वरी इय्यां बोल्लेया कि, कै तू मेरे कने प्यार रखदा? अते तिसने बोल्लेया, ओ प्रभु जी, तुसा तां सब किच्‍छ जाणदे तुसा जाणदे हिन कि मैं तुसा कने प्यार रखदा यीशु ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई चरा।

यूहन्ना 4:16

यीशु ने तिसजो बोल्लेया, जा अपणे लाड़े जो इत्ते सद्दी लेई आ

यूहन्ना 5:42

पर मैं जाणदा कि तुसा परमेश्वर जो दिल कने प्यार नी करदे।

यूहन्ना 6:15

यीशु ए जाणी करी कि सेह़ मेरे जो राजा बणाणे तांइ पकड़ना चाह्‍ंदे हिन फिरी से पहाड पर किल्ला चली गेया।

यूहन्ना 6:64

पर तुसा बिच किन्ने इदेए मणू हिन जे विश्वास नी करदे: किजोकी यीशु ता पैल्ले का ही जाणदे थिये कि जे विश्वास नी करदे से कुण हिन? ते कुनिये मेरे जो पकडवाणा।

प्रेरितां रे कम्म 1:24

ते ए प्रार्थना कित्ती, ओ प्रभु तुसा जे सारेयां रे मनां जो जाणदे, ए प्रकट करो कि इन्हा दोन्नां बिच का तुसा कुस जो चुणे रा है,

प्रेरितां रे कम्म 15:8

ते मन जो परखणे वाले परमेश्वर ने तिन्हा जो भी असा सांई पवित्रात्मा देई करी तिन्हा जो अपणाई लित्ता।

इब्रानियों 4:13

परमेश्वर का किच्‍छ भी लुके रा नी है, ते असा ने जे किच्‍छ अपणी जिन्दगी बिच कित्ते रा है, तिसेरा लेखा-जोखा परमेश्वर जो दैणा पैणा।

प्रकाशित वाक्य 2:23

मैं तिन्हा लोक्कां जो मारी रखणा जे तिसेरी सीख पर चलदे, ते इस कने सारी कलीसिया रे मणूआं ने जाणी जाणा कि मैं इन्सान री सोच ते मकसद री छानबीन करदा। मैं तुसा बिच का हर इक्क जणे जो तिन्हेरे कम्मां रे हिसाब कने ईनाम दैणा।