यूहन्ना 2:2 - चम्बयाली नौआ नियम

² यीशु कने तिसेरे चेल्‍ले भी तिस ब्याह बिच सद्दे रे थिये

यूहन्ना 2:2 ပူးပေါင်းရင်းမြစ်များ

मत्ती 12:19

तिनिये ना तां लड़ाई-झगड़ा करणा अते ना ही लेरां मारणी, अते ना कुन्ने इसेरी अवाज गलियां बिच सूणनी।

मत्ती 25:40

फिरी मैं उन्हा जो जवाब दैणा, मैं तुसा रे कने सच बोलदा जां भी तुसा ने मेरे भोले-भाले चेल्‍लेयां बिच का कुसकी इक्क तांइ भी किच्‍छ कित्तेया, तां से तुसा मेरे तांइ कित्तेया।

मत्ती 25:45

तां मैं उन्हा जो जवाब दैणा, मैं तुसा जो सच बोलदा कि तुसा जे किच्‍छ मेरे इन्हा भोले-भाले बिच का कुसकी इक्क कने भी नी करदा, से मेरे कने भी नी करदा।

यूहन्ना 2:12

इसेरे बाद से कने तिसेरी मां कने तिन्हेरे भ्याल कने तिसेरे चेल्‍ले कफरनहूम कस्बे जो गे कने तित्ते किच्‍छ दिन रे।

यूहन्ना 2:17

तां तिसेरे चेल्‍लेयां जो चेत्ता आया कि पवित्रशास्त्र बिच लिख्खे रा है, “तेरे मन्दिर तांइ मेरा जुनून आग्ग सांई भखेया करदा है।”

यूहन्ना 2:22

इधेरे तांइ जां यीशु मुर्देयां बिच का जिन्दे होई गे, तां तिन्हेरे चेल्‍लेयां जो इस गल्ल रा दुबारा तां चेत्ता आया। तां तिन्हा ने पवित्रशास्त्र री तिस गल्ल रा विश्वास कित्तेया, जे मसीह रे फिरी जिन्दे होणे रे बारे बिच बोलदी, ते यीशु ने भी बोल्ली थी।

यूहन्ना 2:3

जिस बेल्ले अंगूर रा रस्स नी बचेया तां यीशु री मां, मरियम ने तिसजो बोल्लेया, तिन्हा का दाखरस मुकी गेया।

यूहन्ना 3:22

इसेरे बाद यीशु कने तिसेरे चेल्‍ले यहूदियां प्रदेश बिच आए कने से तित्ते तिन्हा कने रेई करी बपतिस्मा दैणे लगया।

यूहन्ना 4:2

हालांकि यीशु अप्पु नी पर तिसेरे चेल्‍ले बपतिस्मा दिंदे थिये।

यूहन्ना 4:33

तां चेल्‍लेयां ने आपस बिच बोल्लेया, कै कोई तिसेरे तिकर किच्‍छ खाणे जो लाए रा है।

यूहन्ना 4:8

किजोकी तिसेरे चेल्‍ले तां ग्रां बिच रोट्टी खरीदणे गेरे थिये।

यूहन्ना 6:12

जां से खाई करी से रजी गे तां तिन्हा ने अपणे चेल्‍लेयां जो बोल्लेया बचे रे रोट्टी रे टोकरे किठ्ठे करी लिओ कि किच्‍छ भी सूटे ना जाण।

यूहन्ना 6:16

जिस बेल्ले सँझ होई तां तिसेरे चेल्‍ले झील रे किनारे चली गे।

यूहन्ना 6:60

तिसेरे दूए चेल्‍ले बिच मत्ते जणे ने ए सुणी करी बोल्ले, कि ए गल्ल तां मनणे तांइ मुस्किल है ते इसजो कुण सुणी सकदा?

यूहन्ना 6:66

इसेरे बाद यीशु रे दूए मते चेल्‍ले तिन्हा जो छड्डी करी चली गे, ते तिन्हेरी गल्लां जो मनणा छड्डी दित्तेया।

यूहन्ना 6:67

तां यीशु ने तिन्हा बारा चेल्‍लेयां जो बोल्लेया, कै तुसा भी चली जाणा चाहदें?

यूहन्ना 6:70

यीशु ने तिन्हा जो जवाब दित्ता, कि मैं तुसा बारा जणेया जो मैं चुणी लित्ते रा है पर तां भी तुसा बिच इक्क जणे जो शैतान ने काबू बिच करी लित्ते रा है।

यूहन्ना 6:71

ए यीशु ने शमौन इस्करियोती रे पुत्तर यहूदा रे बारे बोल्लेया, किजोकी ए ओई बारह बिच का इक्क थिया, जे यीशु जो पकड़वाणे पर थिया।

यूहन्ना 6:8

तिसेरे चेल्‍लेयां बिच का शमौन पतरस रा भ्याल अन्द्रियास ने तिसजो बोल्लेया

यूहन्ना 7:3

इस तांइ यीशु रे भ्यालां ने तिसजो बोल्लेया, असा जो छडी करी यहूदियां प्रदेश जो चली जा, ताकि जे चिन्ह-चमत्कार तू करदा है, से यहूदियां प्रदेश रे तेरे सारे चेल्‍ले भी दिखण।

प्रेरितां रे कम्म 11:26

ते जां तिन्हा कने मिल्लेया तां से तिन्हा जो अन्ताकिया सहर लेई आया, ते इय्यां होया कि पौलुस ते बरनबास इक्क साल तांइ कलीसिया कने मिलदे ते बड़े जणेया जो मसीह यीशु रा उपदेस दिंदे रे, ते चेल्लेया बिच सबका पैल्ले अन्ताकिया बिच मसीही बोल्लेया गेया।

प्रेरितां रे कम्म 11:29

तां चेल्‍लेयां ने फैसला लित्तेया, कि हर इक्क अपणी-अपणी पूंजी रे हिसाब कने यहूदियां प्रदेश बिच रैह्णे वाले हर इक्क संगी विश्वासी री सेवा तांइ किच्‍छ ना किच्‍छ भेजण।

1 कुरुन्थियों 10:31

इधेरे तांइ आखिर बिच मैं तुसा कने ए ही बोलणा चाह्‍ंदा कि तुसा चाए खाओ, चाए पीयो, चाए जे किच्‍छ भी करो, सब किच्‍छ परमेश्वर री बड़ाई तांइ करो।

1 कुरुन्थियों 7:39

जां तांइ कुसकी जनानी रा लाड़ा जिंदा है, तां तांइ तिसजो अपणे लाड़े जो नी छडणा चाएदा। पर जां तिसेरा लाड़ा मरी जाये तां फिरी से जिस मर्जी कने चाए ब्याह करी सकदी, पर सिर्फ कुसकी विश्वासी कने ही।

कुलुस्सियों 3:17

ते जे किच्‍छ भी तुसा करदे या बोलदे, से मसीह यीशु रे नां बिच करो, तिन्हेरे जरिये पिता परमेश्वर रा शुकर करदे रेयो।

इब्रानियों 13:4

ब्याह जो आदर देयो, ते ब्यात्ते रे आदमी ते औरत जो अप्पु अदंर इक्क-दूए री इज्जत करणा चाएदी, ते तिन्हा जो इक्क-दूए कने भरोसेमंद रैह्णा चाएदा। किजोकी व्यभिचारी ते चरित्रहीन लोक्कां पर परमेश्वर ने इल्जाम लाणा।

प्रकाशित वाक्य 3:20

सुण, मैं कुसकी मणू सांई है जे तुसा रे दुआर पर खड़ी करी खोलणे तांइ खटखटाया करदा हो। जे अगर कोई मेरी अवाज सुणी करी दुआर खोल्ली दे, तां मैं अंदर जाई करी तिस कने रोट्टी खाणी।