यूहन्ना 2:16 - चम्बयाली नौआ नियम

¹⁶ कने कबूतर बेचणे वालेयां जो बोल्लेया इन्हा जो इत्ते का लेई जाओ मेरे बाबे रे घर जो डाकुआं रा अड्डा बणाई दित्ते रा है।

यूहन्ना 2:16 ပူးပေါင်းရင်းမြစ်များ

मत्ती 21:12

यीशु ने परमेश्वर रे मन्दिर बिच जाई करी तिन्हा सारेयां जो, जे सभास्थल बिच लैण दैण करदे थिये, कड्डी दित्ता, ते सर्राफेयां रे पीढ़े ते कबूतर बेचणे वालेयां री चौकियां पलटी दित्ती।

मत्ती 21:13

ते तिन्हेरे जो बोल्लेया, लिख्खे रा है कि मेरा घर प्रार्थना रा मन्दिर होणा पर तुसा तिसजो डाकुआं रा अड्डा बणादें।

मत्ती 22:5

पर से मणू तिसेरी धाम बिच नी जाणा चाह्‍ंदे थिये इधेरे तांइ बहान्ना बणाई करी अपणे खेत्तरां जो ते किच्‍छ अपणे कम्मां जो चली गे।

मरकुस 11:17

अते यीशु ने तिन्हा लोक्कां जो बोल्लेया, “पवित्रशास्त्र अंदर लिख्खे रा है, ‘कि मेरा मन्दिर देस-देस रे लोक्कां तांइ प्रार्थना रा मन्दिर बोल्लेया जाणा’ पर तुसा ने इसजो डाकुआं रा अड्डा बणाई दित्ते रा है।”

लूका 2:49

यीशु ने तिन्हा जो बोल्लेया, तुसा मेरे जो किजो तोपदे थिये? कै तुसा ए नी जाणदे कि मेरे तांइ अपणे प्यो रे घरे रैह्णा कितणा जरुरी है?

यूहन्ना 10:29

मेरा प्यो जिन्हा ने तिन्हेरे जो मेरे जो दित्ते रा है, सबका बड्डा है ते कोई तिन्हा जो मेरे प्यो का खुस्सि नी सकदा।

यूहन्ना 2:15

तां तिसने रस्सी जो कट्टी करी सारे भेड़ ते दांदा जो मन्दिर का कड्डी दिता कने व्यापार करणे वालेयां रे पैसे खलारी दित्ते कने फट्टियां जो पलटाई दित्ता।

यूहन्ना 20:17

यीशु ने तिसजो बोल्लेया, मेरे जो मत छू, किजोकी मैं हल्ले तांइ पिता का उप्पर नी गेया, पर मेरे चेल्‍लेयां का जाई करी तिन्हा जो बोल्ली दे, मैं अपणे ते तुसा रे परम पिता, अते अपणे ते तुसा रे परमेश्वर का उप्पर जाया करदा है।

यूहन्ना 5:17

इस पर यीशु ने तिसजो बोल्लेया, मेरे पिता परमेश्वर ने हल्ले कम्म करेया करदे हिन, ते मैं भी कम्म करेया करदा है।

यूहन्ना 8:49

यीशु ने जवाब दित्ता, मेरे बिच दुष्टात्मा नी पर मैं प्यो री बड़ाई करदा ते तुसा मेरी बेजती करदे,

1 तीमुथियुस 6:5

जिन्हा लोक्कां री समझ बिगड़ी गे री है, तिन्हा लोक्कां बिच बेकार रे झगड़े हुदें ते से मणू नी समजी सकदे कि सच कै है। से मणू सोचदे कि परमेश्वर री शिक्षा सिखाणा पैसा कमाणे रा जरिया है।

2 पतरस 2:3

ए झूठ्ठे शिक्षक लालची होणे, ते तिन्हा ने तुसा का रुपया लैणे तांइ तुसा जो मनघड़ंत गल्लां सुनाणी। परमेश्वर ने बड़े पैल्ले ही इस गल्ल रा फैसला करी लित्तेया थिया तिन्हा ने इन्हा लोक्कां जो सजा दैणी ते से इय्यां करणे तांइ तैयार भी हिन। तिन्हा ने इन्हा लोक्कां जो यकिनन बर्बाद करी दैणा।