यूहन्ना 2:13 - चम्बयाली नौआ नियम

¹³ यहूदियां रा फसह रा त्याहार नजदीक थिया कने यीशु यरुशलेम सहर जो गे।

यूहन्ना 2:13 ပူးပေါင်းရင်းမြစ်များ

मत्ती 21:12

यीशु ने परमेश्वर रे मन्दिर बिच जाई करी तिन्हा सारेयां जो, जे सभास्थल बिच लैण दैण करदे थिये, कड्डी दित्ता, ते सर्राफेयां रे पीढ़े ते कबूतर बेचणे वालेयां री चौकियां पलटी दित्ती।

मरकुस 11:15

जां यीशु ते तिन्हेरे चेल्‍ले, यरुशलेम सहर बिच हटी आये, अते से मन्दिर बिच गे, ते जे मणू मन्दिर अंदर कुर्बानी करणे तांइ जानवरां जो बेच्चेया करदे थिये तिन्हा जो मन्दिर का बाहर कड्डणा लगे, अते पैसेयां रा लैण-दैण करणे वालेयां रे पीढ़े अते कबूतर बेचणे वालेयां री चौकियां उलटेरी दित्ती,

लूका 19:45

जां यीशु मन्दिर बिच बड़े अते जे तित्ते समान बेचया करदे थिये तिन्हा जो सभास्थल का बाह्र कडणा लगे

लूका 2:41

फसह रा त्याहार पर हर साल, तिन्हेरे मां-प्यो, यूसुफ ते मरियम यरुशलेम जान्दे थिये।

यूहन्ना 11:55

यहूदियां रा फसह रा त्याहार रा समय नेड़े थिया, ते मते मणू त्योहर का पैल्ले अपणे ग्रां का यरुशलेम सहर जो गे कि अपणे आप जो अपणे रीवाज रे हिसाब कने मन्दिर बिच जाई करी शुद्व करण।

यूहन्ना 13:1

फसह रे त्याहार का पैल्ले, जां यीशु ने जाणी लेया कि मेरा से बेल्ला आई गेया कि दुनिया जो छड्डी करी पिता का हटी जां। यीशु अपणी सेवकाई री सुरुआत का लेई आखर तिकर अपणे चेल्‍लेयां कने बड़ा प्यार करदे थिये।

यूहन्ना 2:23

“जिस बेल्ले से यरुशलेम सहर बिच फसह रे त्याहार बिच थिया, तां मतेयां ने तिन्हेरे चमत्कार, जे से दसदा थिया, से दिख्खी करी तिस पर विश्वास कित्ता।”

यूहन्ना 5:1

इन्हा गल्लां रे बाद यहूदियां रा इक्क त्योहर होया, ते यीशु यरुशलेम सहर बिच गे।

यूहन्ना 6:4

यहूदियां रा फसह रा त्याहार नेड़े थिया