यूहन्ना 2:11 - चम्बयाली नौआ नियम

¹¹ यीशु ने गलील प्रदेश रे काना बिच अपणाए पैल्ला चमत्कार दिखाई करी अपणी महिमा दिखाई, इसेरी वजह कने तिन्हेरे चेल्‍लेयां ने तिन्हा पर विश्वास कित्ता।

यूहन्ना 2:11 ပူးပေါင်းရင်းမြစ်များ

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

यूहन्ना 1:17

इस तांइ कि मूसा रा कानून तां मूसा रे पास्से का दित्तेया गेरे थिया पर परमेश्वर ने यीशु मसीह रे जरिए अनुग्रह कने सच्चाई लोक्कां पर ज़ाहिर कित्ती।

यूहन्ना 1:43

दूए दिन यीशु ने गलील प्रदेश जाणे रा फैसला कित्तेया। से फिलिप्पुस कने मिल्लेया कने बोल्लेया, मेरा चेल्ला बणने तांइ पीच्छे आई जा।

यूहन्ना 1:50

यीशु ने तिसजो जवाब दिता, मैं जे किच्‍छ तिज्जो बोल्लेया कि मैं तिज्जो अंजीर रे बूट्टे रे हेठ दिख्खेया, कै तू इसी तांइ विश्वास करदा, तैं इसका भी बड्डे-बड्डे कम्म दिखणे।

यूहन्ना 10:41

मते सारे मणू तिन्हेरे का आई करी बोलदे थिये, यूहन्ना ने तां कोई चिन्ह-चमत्कार नी दिखाया, पर जे किच्‍छ यूहन्ना ने इन्हेरे बारे बिच बोल्लेया थिया, से सारा किच्‍छ सच थिया।

यूहन्ना 11:15

ते मैं तुसा री तांइ कने खुस है कि मैं उत्ते नी थिया जिस कने तुसा विश्वास करो, पर अवे आओ, असी तिसका चले

यूहन्ना 11:47

इस पर बड्डे पुरोत्तां ते फरीसियां ने महासभा सद्दी, ते बोल्लेया, असी कै करण? ए मणू तां मते चिन्ह-चमत्कार दिखांदा।

यूहन्ना 12:18

इसी वजह कने मणू तिसजो मिलणे जो आए थिये किजोकी उन्हा ने ए सूणेया थिया कि तिनिये ए चमत्कार दिखाए रा है।

यूहन्ना 12:37

तिनिये उन्हेरे सामणे इन्ने चमत्कार दिखाए। तां भी उन्हा ने उस पर विश्वास नी कित्तेया।

यूहन्ना 12:41

यशायाह ने ए गल्लां इस तांइ बोल्ली किजोकी उसने यीशु री आणे वाली महिमा दिख्खी थी, ते उसदे बारे बिच गल्लां कित्ती।

यूहन्ना 14:13

जे किच्‍छ तुसा मेरे नां कने मंगणा, से मैं करणे, ताकि पुत्तर रे जरिए पिता री बड़ाई हो।

यूहन्ना 16:27

किजोकी पिता परमेश्वर अप्पु तुसा कने प्यार करदे, किजोकी तुसा ने मेरे कने प्यार कित्तेया अते ए विश्वास कित्तेया कि मेरे जो पिता ने भेजेया है।

यूहन्ना 16:30

अवे असी समजी गे कि तुसा सब किच्‍छ जाणदे, अते तुसा जो जरुरत नी है कि कोई तुसा का सवाल करे, इसेरी वजह कने असी विश्वास करदे कि तुसा जो परमेश्वर ने भेज्जे रा है।

यूहन्ना 2:1

फिरी तिसरे दिन गलील प्रदेश रे काना ग्रां बिच कुसकी रा ब्याह थिया कने यीशु री अम्मा भी तित्ते ही थी

यूहन्ना 2:23

“जिस बेल्ले से यरुशलेम सहर बिच फसह रे त्याहार बिच थिया, तां मतेयां ने तिन्हेरे चमत्कार, जे से दसदा थिया, से दिख्खी करी तिस पर विश्वास कित्ता।”

यूहन्ना 3:2

तिनिये रात्ती यीशु का आई करी तिन्हा जो बोल्लेया, ओ गुरु, असी जाणदे कि परमेश्वर ने तुसा जो असी लोक्कां जो सिखाणे तांइ भेज्जे रा है, किजोकी जदेय जदेय चमत्कार तुसा दिखादें, अगर परमेश्वर तुसा रे कन्ने ना हो तां नी दिखाई सकदे।

यूहन्ना 4:3

तां से अपणे चेल्‍लेयां कने यहूदियां प्रदेश जो छडी करी फिरी गलील प्रदेश जो चली पये।

यूहन्ना 4:46

तां से फिरी गलील प्रदेश रे काना कस्बे बिच आए जित्ते तिन्हा ने पाणी जो अंगूर रा रस्स बणाया थिया, तित्ते राज्जे रा इक्क नौक्कर थिया जिसेरा मुंडा कफरनहूम कस्बे बिच बिमार थिया।

यूहन्ना 4:54

ए दूज्जी निशानी थी जे यीशु ने यहूदियां प्रदेश का गलील प्रदेश जो हटी आणे का बाद कित्ता थिया।

यूहन्ना 5:23

ताकि सब जणे जिय्यां परमेश्वर पिता री बड़ाई करदे तिय्यां ही पुत्तर री भी बड़ाई करेया करण। जे पुत्तर री बड़ाई नी करदा, से पिता री, जिन्हा ने तिसजो भेज्जे रा है, बड़ाई नी करदा।

यूहन्ना 6:14

तां जे चमत्कार तिसने करी दखाया तिसजो दिख्खी करी मणू बोलणा लगे, से भविष्यवाणी करणे वाला जे दुनिया अन्दर आणे वाले थिया, पक्का ऐई है

यूहन्ना 6:2

कने इक्क बड़ी भीड़ तिसरे पीच्छे चली पेई किजोकी जे चमत्कार से बिमारा पर दसदा थिया से तिन्हा जो दिखदे थिये

यूहन्ना 6:26

यीशु ने जवाब दिता, मैं तुसा कने सच-सच बोलदा तुसा मेरे जो इधेरे तांइ नी थिये तोपदे किजोकी तुसा ने मेरे का चिन्ह-चमत्कार दिख्खे पर इधेरे तांइ किजोकी तुसा रोट्टियां खाई करी रज्जे थिये।

यूहन्ना 6:30

तां तिन्हा ने तिसजो बोल्लेया, फिरी तू कुण सी निशानी दिखान्दा है कि असी तिसजो दिख्खी करी तुसा पर विश्वास करण? तू कुण देय्या कम्म दसदा?

यूहन्ना 7:31

फिरी भी भीड़ बिच का मते लोक्कां ने यीशु पर विश्वास कित्ता, ते ए बोलणा लग्गे, मसीह ने जां आणा तां कै इसका बधी करी चमत्कार दिखाणे जे इन्हा ने दिखाए?

यूहन्ना 9:16

इस पर किच्‍छ फरीसी बोलणा लग्गे, ए मणू परमेश्वर रे पास्से का नी है किजोकी से विश्राम दिन नी मनदा, दूज्जेयां ने बोल्लेया, पाप्पी मणू इदेय चमत्कार किय्यां दिखाई सकदा? अते तिन्हा बिच फूट पेई गेई।

2 कुरुन्थियों 3:18

असी सारे प्रभु री महिमा जो अपणे उघाड़े रे चेहरे कने इक्क सीसा सांई प्रकाशित करदे। असा जो अपणे सांई बणाणे तांइ तिस चमकदार महिमा बिच जादा का जादा बदलेया करदे हिन। ते ए महिमा परमेश्वर रे पास्से का है, जे पवित्रात्मा रे रुप बिच असा का है।

2 कुरुन्थियों 4:17

किजोकी असा री मुसीबतां छोटी हिन ते तिन्हा ने जादा हाण तांइ नी रैह्णा किजोकी तिन्हेरे अंजाम “हमेसा री महिमा” होणा, जे तिस हर कुसकी चीज का बड्डी भी है, जिसेरे बारे बिच असी कदी सोच्ची भी नी सकदे।

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।

1 यूहन्ना 5:13

मैं तुसा जो, जे परमेश्वर रे पुत्तर रे नां पर भरोस्सा करदे, इधेरे तांइ ए चीठ्ठी लिख्खे री है कि तुसा जाणी सकेयो कि हमेसा री जिन्दगी तुसा री है।