यूहन्ना 19:6 - चम्बयाली नौआ नियम

⁶ जां तिन्हा ने दिख्खेया तां बड्डे पुरोत्तां अते मन्दिर रे पैहरेदारां ने चिन्डा मारी करी बोलणा लग्गे, इसजो सुली पर चढ़ाओ! इसजो सुली पर चढ़ाई देयो! पिलातुस ने तिन्हा जो बोल्लेया, तुसा ही इसजो लेई जाओ अते सुली पर चढ़ाई देयो, किजोकी मेरे जो इस बिच कोई गलती नी मिल्ली।

यूहन्ना 19:6 ပူးပေါင်းရင်းမြစ်များ

मत्ती 26:58

पतरस दुर ही दुर तिन्हेरे पीच्छे-पीच्छे प्रधान पुरोत्त रे अगँण तिकर गेया, ते अन्दर जाई करी प्यादेयां कने बेई गेया ताकि से दिख्खी सके कि अवे आखर तिकर क्‍या-क्‍या होणा।

मत्ती 27:22

पिलातुस ने तिन्हेरे जो पुच्छेयाफिर यीशु जो, जे मसीह यीशु केहलादां कै करां? सारेयां ने तिन्हा जो बोल्लेया से सुली पर चढ़ाया जाए।

मत्ती 27:24

जां पिलातुस ने दिख्खेया कि किच्‍छ भी नी बणेया करदा है पर तिसेरे उलट हगांमा बदेया जाया करदा है तां तिनिये पाणी लेई करी भीड़ रे सामणे अपणे हत्थ धोए ते बोल्लेया मैं इस धार्मिक रे खून का बेगुनाह है तुसा ही जाणो।

लूका 23:4

इस गल्ल पर पिलातुस ने बड्डे पुरोत्त अते मणूआं जो बोल्लेया, मेरे जो इस मणू पर कोई भी बुराई नजर नी आया करदी है

यूहन्ना 18:3

इधेरे तांइ यहूदा रोमी सपाईयां रा इक्क झुन्ड़ अते बड्डे पुरोत्तां ते फरीसियां रे भेज्जे रे मणू, अते मन्दिर रे पैहरेदारां कने मशाल, दीये, अते हथियार लेई करी तित्ते आई गेया।

यूहन्ना 18:31

पिलातुस ने तिन्हा जो बोल्लेया, तुसा इसजो लेई जाओ अते अपणे नियम रे कानून रे हिसाब कने इसेरा हिसाब-किताब करो। यहूदी अधिकारियां ने तिसजो बोल्लेया, असा जो कुसकी जो मौत री सजा दैणे रा हक नी है।

यूहन्ना 18:38

पिलातुस ने यीशु जो बोल्लेया, सच कै है? ए बोल्ली करी से फिरी यहूदी अधिकारियां का गेया अते उन्हा जो बोल्लेया, मेरे जो तां इस मणू अन्दर कोई गल्ती नी मिल्ली।

यूहन्ना 19:15

पर से फिरी चिंडा मारणा लग्गे, इसजो मारी देयो! इसजो मारी देयो! इसजो सुली पर चढ़ा़ओ! पिलातुस ने तिन्हा जो बोल्लेया, कै तुसा चाह्‍ंदे कि मैं तुसा रे राज्जे जो सुली पर चढ़ाऊँ? बड्डे पुरोत्तां ने जवाब दित्तेया, सम्राट जो छड्डी असा रा होर कोई राज्जा नी है।

यूहन्ना 19:4

पिलातुस इक्क वरी फिरी बाहर आया अते मणूआं जो बोल्लेया, दिख्खो, मैं तिसजो तुसा का फिरी बाहर लेई आन्दा ताकि तुसा जाणी सकण कि मैं तिस बिच कोई गलती नी मिल्ली।

प्रेरितां रे कम्म 2:23

तिस्सी यीशु जो, जे परमेश्वर री ठैहराई री योजना ते पैल्ले ज्ञान रे मुताबिक पकड़वाए गे, तुसा अधार्मिक लोक्कां री मदद कने यीशु जो पकड़वाई करी ते सुली पर चढ़वाई करी मरवाई दित्ता,

प्रेरितां रे कम्म 7:52

भविष्यद्वक्ता बिच का कुस जो तुसा रे बाबे-दादेयां ने नी तगं कित्ता? तिन्हा ने तिस धार्मिक रे आणे री खबर दैणे वाले तिन्हा पैल्ले जमाने रे लोक्कां जो मारी रख्खेया ते जां मसीह आए तां तुसा तिन्हा जो पकड़वाई करी मरवाई रखणे वाले मणू हिन।