यूहन्ना 19:4 - चम्बयाली नौआ नियम

⁴ पिलातुस इक्क वरी फिरी बाहर आया अते मणूआं जो बोल्लेया, दिख्खो, मैं तिसजो तुसा का फिरी बाहर लेई आन्दा ताकि तुसा जाणी सकण कि मैं तिस बिच कोई गलती नी मिल्ली।

यूहन्ना 19:4 ပူးပေါင်းရင်းမြစ်များ

मत्ती 27:19

जां से हिसाब-किताब री गद्दी पर बैठ्ठे रा थिया तां तिसेरी लाड़ी ने तिसजो बोल्ली भेज्जेया, तू तिस धार्मिक रे मामले बिच हत्थ मत पादां, किजोकी मैं अज्ज सुपने बिच तिसेरी वजह कने बड़ी तकलीफ झेलि री है।

मत्ती 27:24

जां पिलातुस ने दिख्खेया कि किच्‍छ भी नी बणेया करदा है पर तिसेरे उलट हगांमा बदेया जाया करदा है तां तिनिये पाणी लेई करी भीड़ रे सामणे अपणे हत्थ धोए ते बोल्लेया मैं इस धार्मिक रे खून का बेगुनाह है तुसा ही जाणो।

मत्ती 27:4

ते बोल्लेया, मैं बेगुनाह मणू जो मरवाणे तांइ पकड़वाई करी पाप कित्तेया, तिन्हा ने बोल्लेया, असा जो तिसेरी कोई परवाह नी? से तेरी दिक्कत है।

मत्ती 27:54

तां सूबेदार ते जे तिन्हेरे कने यीशु रा पैह्रा देया करदे थिये, हिल्लण ते जे किच्‍छ होया थिया तिसजो दिखिकरी बड़े वरी डरी गे ते बोल्लेया, सच्ची ए परमेश्वर रा पुत्तर थिया!

लूका 23:4

इस गल्ल पर पिलातुस ने बड्डे पुरोत्त अते मणूआं जो बोल्लेया, मेरे जो इस मणू पर कोई भी बुराई नजर नी आया करदी है

लूका 23:41

असा ने जे भी बुरे कम्म कित्ते तिधेरी सजा असा जो मिलया करदी है पर इस मणू ने तां इदेया किच्‍छ भी नी कित्तेया।

लूका 23:47

तां रोमी सपाईयां रे हिसाब ने जे किच्‍छ भी होया थिया तिसजो दिख्खेया अते परमेश्वर री तारिफ करदे बोल्लेया पक्का ए इक्क धार्मिक मणू थिया।

यूहन्ना 18:33

तां पिलातुस अपणे किले बिच वापिस चली गेया अते यीशु जो सदवाई करी तिन्हा का पूच्छेया, कै तू यहूदियां रा राजा है?

यूहन्ना 18:38

पिलातुस ने यीशु जो बोल्लेया, सच कै है? ए बोल्ली करी से फिरी यहूदी अधिकारियां का गेया अते उन्हा जो बोल्लेया, मेरे जो तां इस मणू अन्दर कोई गल्ती नी मिल्ली।

यूहन्ना 19:6

जां तिन्हा ने दिख्खेया तां बड्डे पुरोत्तां अते मन्दिर रे पैहरेदारां ने चिन्डा मारी करी बोलणा लग्गे, इसजो सुली पर चढ़ाओ! इसजो सुली पर चढ़ाई देयो! पिलातुस ने तिन्हा जो बोल्लेया, तुसा ही इसजो लेई जाओ अते सुली पर चढ़ाई देयो, किजोकी मेरे जो इस बिच कोई गलती नी मिल्ली।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

इब्रानियों 7:26

इदेया ही प्रधान पुरोत्त असा री जरुरतां जो पूरा करी सकदा, जे पवित्र, बेगुनाह, सुच्चा, पाप करणे वालेयां सांई ना हो ते जिस जो आसमान का भी उच्चा चुक्केया गे रा हो।

1 पतरस 2:22

पवित्रशास्त्र बिच लिख्खे रा है, “तिन्हा ने कदी कोई पाप नी कित्तेया, तिन्हा ने कदी कोई झूठ नी बोल्लेया।”

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।

1 यूहन्ना 3:5

तुसा जो तां पता ही है कि मसीह यीशु मणूआं रे पाप्पां जो दुर करणे तांइ ही दुनिया रे लोक्कां बिच आया अते ए भी कि मसीह बिच कोई भी पाप्पी नी है।