यूहन्ना 19:19 - चम्बयाली नौआ नियम

¹⁹ पिलातुस ने इक्क तख्ती पर लिखी करी सुली पर लगाई दित्तेया, अते तिस बिच ए लिख्खे रा थिया, नासरत रे यीशु, यहूदियां रा राजा।

यूहन्ना 19:19 ပူးပေါင်းရင်းမြစ်များ

मत्ती 2:23

अते तित्ते नासरत नां रे कस्बे अन्दर जाई बसेया, ताकि से वचन पूरा होई जाओ, जे भविष्यद्वक्ता रे जरिए यीशु रे बारे बिच बोल्लेया गेया थिया: “तिसने नासरत का होणा।”

मत्ती 27:37

ते तिन्हेरा दोष-पत्तर तिन्हेरे सिर का उप्पर लाया कि ए यहूदियां रा राज्जा यीशु है।

मरकुस 15:26

अते इक्क दोष-पत्तर लिखी करी यीशु री सुली रे उप्पर टंगी दित्तेया गेया, जिस पर लिख्खे रा थिया, “यहूदियां रा राज्जा।”

लूका 18:37

तिन्हा ने तिसजो बोल्लेया कि, नासरत कस्बे रे यीशु, जी जाया करदे हिन

लूका 23:38

यीशु रे सुली रे उप्पर लिखी दित्ता कि ए यहूदी लोक्कां रा राज्जा है।

यूहन्ना 1:49

नतनएल ने तिसजो जवाब दिता, ओ गुरु, तू परमेश्वर रा पुत्तर है, तू इस्राएल रा महाराजा है।

यूहन्ना 18:33

तां पिलातुस अपणे किले बिच वापिस चली गेया अते यीशु जो सदवाई करी तिन्हा का पूच्छेया, कै तू यहूदियां रा राजा है?

यूहन्ना 19:12

ए सुणी करी पिलातुस यीशु जो छड्डणे री कोसीस करणा लग्गेया, पर यहूदी चिंडा मारी-मारी करी बोलणा लग्गे, जे तुसा इसजो छड्डी दिन्गे, तां तुसा सम्राट रे दोस्त नी हिन, कोई भी जे अप्पु जो राज्जा बोलणे रा दावा करदा, से रोम रे सम्राट रे खिलाफ है।

यूहन्ना 19:14

फसह रे त्याहार रे बेल्ले, विश्राम दिन री तयारी रे दिन रे कोई बारा बजे रे लगभग, पिलातुस ने यहूदी लोक्कां जो बोल्लेया, ए रेया तुसा रा राज्जा।

यूहन्ना 19:21

तां यहूदियां रे बड्डे पुरोत्तां ने पिलातुस जो बोल्लेया, यहूदियां का राजा मत लिख्खो पर ए कि तिसने बोल्लेया, मैं यहूदियां रा राजा है,

यूहन्ना 19:3

अते तिन्हा का आई करी बोलणा लगे, ओ यहूदियां रे राज्जे, नमस्कार!” ते तिन्हा जो चपेड़ां मारी।

प्रेरितां रे कम्म 26:9

मैं भी समजेया थिया कि नासरत कस्बे रे यीशु पर विश्वास करणे वालेयां रे खिलाफ मेरे जो मता किच्‍छ करणा चाएदा,

प्रेरितां रे कम्म 3:6

तां पतरस ने बोल्लेया, : चाँदी ते सोन्ना तां मेरे का नी है, पर जे मेरे का है से तेरे जो दिंदा, नासरत रे यीशु मसीह रे नां कने उठ, ते चल-फिर।