यूहन्ना 19:17 - चम्बयाली नौआ नियम

¹⁷ तां सिपाई यीशु जो लेई गे, अते यीशु अपणी सुली चुक्की करी यरुशलेम सहर का बार, तिस जगाह् जो लेई गे जिस जो कि खोपड़ी री जगाह् बोल्लेया जांदा थिया, अते इब्रानी भाषा बिच गुलगुता।

यूहन्ना 19:17 ပူးပေါင်းရင်းမြစ်များ

मत्ती 10:38

अते जे अपणे आप्पे रा इन्कार करी के अपणे दुख री सुली चुक्की करी मेरे पीच्छे नी चलदा, से मेरा चेल्ला बणने रे लायक नी है।

मत्ती 16:24

तां यीशु ने अपणे चेल्‍लेयां जो बोल्लेया, जे कोई मेरा चेल्ला बणना चाह्‍ंदा तां अपणे आपे का इन्कार करण, ते अपणी सुली चुकी करी, मेरा चेल्ला बणी जाये।

मत्ती 27:37

ते तिन्हेरा दोष-पत्तर तिन्हेरे सिर का उप्पर लाया कि ए यहूदियां रा राज्जा यीशु है।

मरकुस 10:21

यीशु ने तिस मणू जो दिख्खेया अते तिसजो दाह लाई अते तिसजो बोल्लेया, “हल्ले भी इक्क गल्ल री कमी है, जे किच्‍छ तेरा है, तिसजो बेच्ची करी गरीबां जो बंड्डी दे अते तिज्जो स्वर्ग बिच धन्न मिलणा, फिरी हटी करी मेरा चेल्ला बणने तांइ मेरे पीछे आई जा।”

मरकुस 15:26

अते इक्क दोष-पत्तर लिखी करी यीशु री सुली रे उप्पर टंगी दित्तेया गेया, जिस पर लिख्खे रा थिया, “यहूदियां रा राज्जा।”

मरकुस 15:32

इस्राएल रा राज्जा, मसीह, अवे सुली का उतरी आओ कि असी दिख्खी करी विश्वास करण।” अते जे तिन्हा कन्ने सुली पर चढ़ाये थिये, से भी तिन्हेरी बेजती करदे थिये।

मरकुस 8:34

यीशु ने अपणे चेल्‍लेयां समेत भीड़ जो अप्पु का सद्दी करी बोल्लेया, “जे कोई मेरा चेल्ला बणने तांइ मेरे पीछे आणा चाह्‍ंदा, से अपणे आप्पे का इन्कार करे ते दुख री सुली चुकी करी मेरे पीछे होई लैण।”

लूका 14:27

जे कोई अपणी दुख-तकलिफां जो अपणाई करी मेरे तांइ मरणे तिकर भी तैयार है से ही मेरा चेल्ला बणी सकदा।

लूका 23:26

जां से यीशु जो लेई चले तां तिन्हा ने कुरेन रे रैणे वाले शमौन नां रे इक्क मणू जो, जे अपणे ग्रां का आया करदा थिया, तिसजो पकड़ी लेया अते तिस पर सुली जो लदी दित्ता अते उस्स जो यीशु रे पीच्छे-पीच्छे चलणे जो बोल्लेया।

लूका 23:33

फिरी जां से तिस जगाह् पर आई रे जिस जो खोपड़ी बोलदे, अते तिन्हा ने त्रै जणेया जो सुली पर चढ़ाई दित्ता इक्क बदमाश यीशु रे खब्बे हात्थाँ पास्से थिया अते दुज्जा सज्जे हात्थाँ पास्से थिया।

लूका 23:38

यीशु रे सुली रे उप्पर लिखी दित्ता कि ए यहूदी लोक्कां रा राज्जा है।

लूका 9:23

फिरी यीशु ने तिन्हा सबणी जो बोल्लेया, जे कोई मेरा चेल्ला बणना चाह्‍ंदा, तिसजो अपणी दुख-तकलिफां जो चुक्की करी मेरे तांइ मरणे जो भी तैयार रैह्णा पैणा।

यूहन्ना 19:13

ए गल्लां सुणी करी पिलातुस यीशु जो बाहर उस जगाह् लेई गेया, जिस जो कि पत्थर रा चबूतरा बोल्लेया जांदा थिया, अते इब्रानी भाषा बिच गब्बता अते तित्ते हिसाब-किताब री गद्दी पर बेई गेया।

यूहन्ना 5:2

यरुशलेम सहर अन्दर भेड्डू-फाटक रे नेड़े इक्क पाणी रा तला है, जिस जो इब्रानी भाषा अन्दर बैतहसदा बोल्दे इसेरे कनारे पर पंज्ज बरांड़े बणे रे हिन।

प्रेरितां रे कम्म 7:58

ते तिसजो यरुशलेम सहर रे बाहर कड्डी करी तिस पर बट्टे मारी करी तिन्हेरे जो जान का मारणा लग्गी पये। स्तिफनुस रे खिलाफ गुआई दैणे वालेयां ने अपणे चोग्गे उतारी करी शाऊल नां रे इक्क जवान मणू का रख्खी दित्ते।