यूहन्ना 19:13 - चम्बयाली नौआ नियम

¹³ ए गल्लां सुणी करी पिलातुस यीशु जो बाहर उस जगाह् लेई गेया, जिस जो कि पत्थर रा चबूतरा बोल्लेया जांदा थिया, अते इब्रानी भाषा बिच गब्बता अते तित्ते हिसाब-किताब री गद्दी पर बेई गेया।

यूहन्ना 19:13 ပူးပေါင်းရင်းမြစ်များ

मत्ती 27:19

जां से हिसाब-किताब री गद्दी पर बैठ्ठे रा थिया तां तिसेरी लाड़ी ने तिसजो बोल्ली भेज्जेया, तू तिस धार्मिक रे मामले बिच हत्थ मत पादां, किजोकी मैं अज्ज सुपने बिच तिसेरी वजह कने बड़ी तकलीफ झेलि री है।

लूका 12:5

मैं तुसा जो पक्की गल्ल दसी दिन्दा कि कुसका डरणा चाएदा? परमेश्वर का डरो जे तुसा जो मारणे रे बाद नरक बिच पाणे रा हक्क रखदा हाँ, मैं बोलदा, वस परमेश्वर का ही डरो

यूहन्ना 19:17

तां सिपाई यीशु जो लेई गे, अते यीशु अपणी सुली चुक्की करी यरुशलेम सहर का बार, तिस जगाह् जो लेई गे जिस जो कि खोपड़ी री जगाह् बोल्लेया जांदा थिया, अते इब्रानी भाषा बिच गुलगुता।

यूहन्ना 19:20

ए तख्ती बड़े जणे यहूदियां ने पढ़ेया, किजोकी से जगाह् जित्ते यीशु जो सुली पर चढ़ाया गेया थिया, यरुशलेम कने ही थी अते से तख्ती इब्रानी, लतीनी, ते यूनानी भाषा बिच लिखी गई थी।

यूहन्ना 19:8

अवे जां पिलातुस ने ए गल्लां सूणी, तां से बड़ा डरी गेया।

यूहन्ना 5:2

यरुशलेम सहर अन्दर भेड्डू-फाटक रे नेड़े इक्क पाणी रा तला है, जिस जो इब्रानी भाषा अन्दर बैतहसदा बोल्दे इसेरे कनारे पर पंज्ज बरांड़े बणे रे हिन।

प्रेरितां रे कम्म 4:19

पर पतरस ते यूहन्ना ने तिन्हा जो जवाब दित्ता, तुसा अप्पु ही इंसाफ करो, कै ए परमेश्वर रे सामणे खरा है कि असी परमेश्वर का जादा तुसा री गल्ल मनण