यूहन्ना 18:36 - चम्बयाली नौआ नियम

³⁶ यीशु ने जवाब दित्तेया, मेरा राज इत्ते रा नी है जे मेरा राज इत्ते रा हुन्दा तां मेरे पीच्छे चलणे वाले ते मेरी शिक्षा पर चलणे वालेयां ने मेरे जो यहूदियां रे हवाले दैणे का बचाणे तांइ लड़ाई करणी थी पर असलियत बिच मेरा राज इत्ते रा नी है।

यूहन्ना 18:36 ပူးပေါင်းရင်းမြစ်များ

मत्ती 26:53

कै तू नी जाणदा की मैं अपणे पिता का बिनती करी सकदा, ते से स्वर्गदूतां री बारां पलटन का जादा अब्बे ही हाजिर करी सकदा।

लूका 12:14

यीशु ने जवाब दित्तेया, कि ओ मणू, तुसा री इन्हा गल्लां रा फैसला करणे वाला या बटवारा करणे वाला मेरे जो कुनिए बणाया?

यूहन्ना 18:35

पिलातुस ने जवाब दित्तेया, कै तू सोचदा कि मैं यहूदी है? तेरे मणूआं ने अते बड्डे पुरोत्तां ने तिज्जो मेरे हवाले कित्तेया है। तैं कै है कित्ते रा?

यूहन्ना 6:15

यीशु ए जाणी करी कि सेह़ मेरे जो राजा बणाणे तांइ पकड़ना चाह्‍ंदे हिन फिरी से पहाड पर किल्ला चली गेया।

यूहन्ना 8:15

तुसा इन्सानी तौर-तरिक्के रे हिसाब कने मेरा हिसाब-किताब करदे, पर मैं कुसकी रा हिसाब-किताब नी करदा।

रोमियों 14:17

किजोकी परमेश्वर रे राज बिच खाणा-पीणा नी है, पर धार्मिकता, मेल जोल ते से सांती है, जे पवित्रात्मा कने हुन्दा।

1 तीमुथियुस 6:13

परमेश्वर जे सारी चीजां जो जिन्दगी दिंदे ते मसीह यीशु जिन्हा पर पुन्तियुस पिलातुस रे सामणे मुकद्दमा चलणे रे बावजूद भी सच बोल्लेया थिया तिन्हा दोन्नों जो मैं अपणा गवाह बणाई करी तिज्जो ए हुकम दिंदा,