यूहन्ना 18:32 - चम्बयाली नौआ नियम

³² ए इधेरे तांइ होया कि यीशु री गल्ल पूरी होई जाओ जे तिन्हा ने अपणे मरणे रे बारे बोल्ली थी, कि तिन्हेरी मौत कुस तरिक्के कने होणी।

यूहन्ना 18:32 ပူးပေါင်းရင်းမြစ်များ

मत्ती 20:19

ते तिन्हा जो गैर-यहूदियां रे हत्थां बिच सौपेंया जाणा कि से तिन्हेरा मजाक उडा़ण, ते कोड़े मारण, ते सुली पर चढ़ा़ण, ते से तिज्जे रोज्जे फिरी जिन्दा कित्ते जाणे।

मत्ती 26:2

तुसा जाणदे की दो दिनां बाद फसह रे त्याहार है ते मणू रा पुत्तर, जे मैं ही है सुली पर चढ़ाए जाणे तांइ पकड़वाया जाणा।

मरकुस 10:33

“दिख्खो, असी यरुशलेम सहर जो जाया करदे हिन, अते मणू रा पुत्तर, जे मैं ही है बड्डे पुरोत्तां ते शास्त्रियां रे हत्थे पकड़ाया जाणा, अते तिन्हा ने मेरे जो मौत री सजा दैणी अते मेरे जो रोमी राज रे लोक्कां का पकड़वाई दैणा।

यूहन्ना 10:31

यहूदियां ने यीशु जो मारणे तांइ फिरी बट्टे चुक्के।

यूहन्ना 10:33

यहूदियां ने तिन्हा जो जवाब दित्ता, ठीक कम्म तांइ असी तुसा जो बट्टे नी मारदे पर परमेश्वर री बेजती करणे री वजह ते इस तांइ की तुसा मणू होई करी अप्पु जो परमेश्वर बणादां।

यूहन्ना 13:18

मैं तुसा सारे रे बारे बिच नी बोलदा; जिन्हा जो मैं चुणी लित्तेया रा है तिन्हा जो मैं जाणदा, पर ए इधेरे तांइ होया कि पवित्रशास्त्र रा से वचन पूरा हो, “जिनिये मेरी रोट्टी खाई, तिनिये मेरे कने धोखा कित्ता।”

यूहन्ना 18:31

पिलातुस ने तिन्हा जो बोल्लेया, तुसा इसजो लेई जाओ अते अपणे नियम रे कानून रे हिसाब कने इसेरा हिसाब-किताब करो। यहूदी अधिकारियां ने तिसजो बोल्लेया, असा जो कुसकी जो मौत री सजा दैणे रा हक नी है।

यूहन्ना 21:19

यीशु ने ए सब पतरस री मौत रे पास्से इसारा करणे तांइ बोल्लेया, जिस कने पतरस ने परमेश्वर री बड़ाई करणी। इन्ना बोल्ली करी यीशु ने पतरस जो बोल्लेया, मेरा पीच्छे चल ते “मेरा चेल्ला बणी रे।”

यूहन्ना 3:14

जिस तरिक्के कने मूसा ने बियाबान जगाह् बिच पीतल रे कीड़े जो ऊचे पर चढ़ाया उसी तरिके कने जरुरी है कि मणू रा पुत्तर, जे मैं ही है भी उँचे पर चढ़ाया जाए।

यूहन्ना 8:28

तां यीशु ने बोल्लेया, कि जां तुसा मणू रे पुत्तर, जो ऊचें पर चढ़ांगे, तां जाणगें कि मैं से ही हैं, ते मैं अपणे आप का किच्‍छ नी करदा, पर पिता मेरे जो जिय्यां सिखान्दा, से ही गल्लां मैं बोलदा।

प्रेरितां रे कम्म 7:59

से स्तिफनुस पर बट्टे मारदे रे ते से ए बोल्ली करी प्रार्थना करदा रेया, ओ प्रभु यीशु मेरी आत्‍मा जो अपणाई लेयो।

गलातियों 3:13

मसीह यीशु ने असा जो मूसा रे कानून रे श्राप का छुटकारा दैणे तांइ तिस श्राप जो अपणे उप्पर लेई करी सुली पर अपणी जान देई दित्ती, किजोकी पवित्रशास्त्र बिच लिख्खे रा है, “शापित है से मणू जे सुली पर मरदा।”