यूहन्ना 18:30 - चम्बयाली नौआ नियम

³⁰ जवाब बिच तिन्हा ने तिसजो बोल्लेया, जे ए बेकसूर हुन्दा तां असी इसजो तुसा रे हवाले किजो करणा थिया?

यूहन्ना 18:30 ပူးပေါင်းရင်းမြစ်များ

मरकुस 10:33

“दिख्खो, असी यरुशलेम सहर जो जाया करदे हिन, अते मणू रा पुत्तर, जे मैं ही है बड्डे पुरोत्तां ते शास्त्रियां रे हत्थे पकड़ाया जाणा, अते तिन्हा ने मेरे जो मौत री सजा दैणी अते मेरे जो रोमी राज रे लोक्कां का पकड़वाई दैणा।

मरकुस 15:3

बड्डे पुरोत्त मणू यीशु पर मती गल्लां रे इल्जाम लाया करदे थिये,

लूका 24:7

तिन्हा ने बोल्लेया थिया, कि मणू रे पुत्तर, जे मैं ही है, जो पाप्पी मणूआं रे हत्थां पकड़ाया जाणा, अते सुली पर चढ़ाया जाणा अते तिज्जे रोज्जे जिन्दा होई जाणा ए सब हुणा पक्का थिया।

यूहन्ना 18:29

तां पिलातुस उन्हा का बाहर आया अते बोल्लेया, तुसा इस मणू पर कै इल्जाम लगाया करदे हिन?

यूहन्ना 18:31

पिलातुस ने तिन्हा जो बोल्लेया, तुसा इसजो लेई जाओ अते अपणे नियम रे कानून रे हिसाब कने इसेरा हिसाब-किताब करो। यहूदी अधिकारियां ने तिसजो बोल्लेया, असा जो कुसकी जो मौत री सजा दैणे रा हक नी है।

यूहन्ना 19:12

ए सुणी करी पिलातुस यीशु जो छड्डणे री कोसीस करणा लग्गेया, पर यहूदी चिंडा मारी-मारी करी बोलणा लग्गे, जे तुसा इसजो छड्डी दिन्गे, तां तुसा सम्राट रे दोस्त नी हिन, कोई भी जे अप्पु जो राज्जा बोलणे रा दावा करदा, से रोम रे सम्राट रे खिलाफ है।

प्रेरितां रे कम्म 3:13

अब्राहम ते इसहाक ते याकूब रे परमेश्वर, हमारे पूरखां रे परमेश्वर ने अपणे सेवक यीशु री महिमा कित्ती, जिन्हेरे जो तुसा यहूदी अधिकारियां रे हत्थां पकड़वाई दित्ता, ते जां पिलातुस ने तिन्हेरे जो छड्डी दैणे रा फैसला कित्ता, तां तुसा तिसेरे सामणे तिन्हेरा इन्कार कित्ता।

2 तीमुथियुस 2:9

मैं मुजरिमां सांई तकलिफां सहन करेया करदा है किजोकी मैं सुब बसेख रा प्रचार करदा, इत्ते तिकर मैं कैद बिच भी पाया गे रा है, पर परमेश्वर रे बसेख जो फैलणे का कोई नी रोक्की सकदा।

1 पतरस 4:15

जे अगर तुसा जो दुख झेलणा पे, तां इस वजह कने नी कि तुसा हत्यारे, चोर ते बुरे कम्म करणे वाले मणू हिन, या दूज्जेयां रे कम्म बिच रुकावट पाणे वाले मणू हिन,