यूहन्ना 18:28 - चम्बयाली नौआ नियम

²⁸ फिरी से यीशु जो काईफा रे किले का रोमी राजपाल रे किला लेई गे। भ्याग रा बेल्ला थिया यहूदी मणू राजपाल रे किला बिच अप्पु नी जाणा चाह्‍ंदे थिये कि कुदखी से भिठ्ठे नी होई जाओ, अते फसह री रोट्टी नी खाई सको।

यूहन्ना 18:28 ပူးပေါင်းရင်းမြစ်များ

मत्ती 27:27

तां हाकिम रे सपाईयां ने यीशु जो किले बिच लेई जाई करी सारी पलटन तिन्हेरे चारो पास्से कठेरी,

मरकुस 15:16

सपाई यीशु जो किले रे अंगण अन्दर लेई गे, जिस जो मणू प्रीटोरियुम भी बोलदे, अते सारे सपाईयां जो सद्दी लेया।

लूका 22:66

जां भ्याग होई तां बड्डे पुरोत्तां अते शास्त्रियां समेत मन्दिर रे बुजुर्गां री इक्क सभा बैठ्ठी, फिरी से मणू यीशु जो महासभा बिच लेई आए।

यूहन्ना 11:55

यहूदियां रा फसह रा त्याहार रा समय नेड़े थिया, ते मते मणू त्योहर का पैल्ले अपणे ग्रां का यरुशलेम सहर जो गे कि अपणे आप जो अपणे रीवाज रे हिसाब कने मन्दिर बिच जाई करी शुद्व करण।

यूहन्ना 18:13

अते तिन्हा जो बन्नी करी पैल्ले हन्ना का लेई गे जे उस साल रे प्रधान पुरोत्त काईफा रा सौरा थिया

यूहन्ना 18:15

शमौन पतरस अते इक्क दुआ चेल्ला यीशु रे पीच्छे चली पे। प्रधान पुरोत्त तिस दूए चेल्‍ले जो अच्छी तरह जाणदा थिया, इधेरे तांइ से यीशु कने बड्डे पुरोत्त रे अंगणा अन्दर चली गेया।

यूहन्ना 18:33

तां पिलातुस अपणे किले बिच वापिस चली गेया अते यीशु जो सदवाई करी तिन्हा का पूच्छेया, कै तू यहूदियां रा राजा है?

यूहन्ना 18:39

अते तुसा रा ए रीवाज है कि फसह रे त्याहार रे मौके बिच मैं तुसा रे तांइ कुसकी इक्क जो छड्डी देयां। तां कै तुसा चाह्‍ंदे कि मैं इस यहूदियां रे राज्जे जो तुसा रे तांइ छड्डी देयां?

यूहन्ना 19:11

यीशु ने जवाब दित्तेया, जे अगर तिज्जो परम परमेश्वर का ए हक्क नी मिलदा, तां तेरा मेरे पर कोई हक नी हुन्दा। इधेरे तांइ मेरे जो तेरे हत्थां पकड़वाए रा है, से तेरे का भी बड्डा पापी है।

यूहन्ना 19:14

फसह रे त्याहार रे बेल्ले, विश्राम दिन री तयारी रे दिन रे कोई बारा बजे रे लगभग, पिलातुस ने यहूदी लोक्कां जो बोल्लेया, ए रेया तुसा रा राज्जा।

यूहन्ना 19:9

अते फिरी राजपाल रे किले अन्दर जाई करी यीशु जो बोल्लेया, तू कुते का आया? पर यीशु ने तिसजो कोई जवाब नी दित्तेया।

प्रेरितां रे कम्म 10:28

तिन्हा जो बोल्लेया, तुसा जाणदे हिन, कि गैर यहूदियां कने मिल्णा-जुलणा या तिन्हेरे तित्ते जाणा असा यहूदी मणूआं तांइ तिन्हेरे विधान रे खिलाफ है, पर परमेश्वर ने मेरे जो दस्से रा है, कि कुसकी भी मणू जो अपवित्र या असुच्चा नी बोल्ले।

प्रेरितां रे कम्म 10:32

इधेरे तांइ कुसकी जो याफा भेज्जी करी शमौन जिस जो कि पतरस भी बोल्दे, सद्द, से समुन्द्र रे कनारे शमौन नां रे चमड़े रा धन्धा करणे वाले रे घरे परोणा बणी करी रुके रा है।

प्रेरितां रे कम्म 11:3

कि तू गैर यहूदी घरे गेया ते तिन्हेरे कने खाया-पित्तेया,

प्रेरितां रे कम्म 3:13

अब्राहम ते इसहाक ते याकूब रे परमेश्वर, हमारे पूरखां रे परमेश्वर ने अपणे सेवक यीशु री महिमा कित्ती, जिन्हेरे जो तुसा यहूदी अधिकारियां रे हत्थां पकड़वाई दित्ता, ते जां पिलातुस ने तिन्हेरे जो छड्डी दैणे रा फैसला कित्ता, तां तुसा तिसेरे सामणे तिन्हेरा इन्कार कित्ता।

प्रेरितां रे कम्म 4:27

किजोकी तुसा रे सेवक यीशु रे खलाफ, जिन्हेरा तुसा ने अभिषेक कित्तेया, हेरोदेस ते पुन्तियुस पिलातुस भी गैर यहूदियां ते इस्राएली लोक्कां कने इस सहर बिच कठ्ठे होए