यूहन्ना 18:20 - चम्बयाली नौआ नियम

²⁰ यीशु ने तिसजो जवाब दित्तेया, मैं हमेसा लोक्कां रे सामणे खुली करी गल्ल कित्ती, मैं हमेसा सभास्थल बिच अते मन्दिर बिच, जित्ते सारे यहूदी इकट्ठा हुन्दे उपदेस दित्ती है मैं किच्‍छ भी लुकाई करी नी बोल्लेया

यूहन्ना 18:20 ပူးပေါင်းရင်းမြစ်များ

मत्ती 24:26

इस तांइ, जे से तुसा जो बोल्ले, दिख्खो से जगंल बिच है, तां बाहर मत निकली जादें या दिख्खो से कोठरियां बिच है, तां विश्वास मत करदे।

मत्ती 26:55

तिस बेल्ले यीशु ने भीड़ जो बोल्लेया, कै तुसा तलवारां ते लाठियां लेई करी मेरे जो डाकू सांई पकड़ने तांइ निकले रे हिन? मैं हर रोज मन्दिर बिच बेई करी उपदेस देया करदा थिया ते तुसा मेरे जो नी पकड़ेया।

मत्ती 26:65

इस पर प्रधान पुरोत्त ने अपणे कपड़े फाड़े ते बोल्लेया, इसने परमेश्वर री बेजती कित्ती री है, अवे असा जो गवाई री कै जरुरत? दिख्खो, तुसा अब्बे ए बेजती सुणे री है।

मत्ती 4:23

यीशु सारे गलील प्रदेश रे सभास्थल अंदर स्वर्ग रे राज रे सुब बसेख री उपदेस दिंदे अते हर तरह री बिमारियां का खरा अते मणूआं री कमजोरी जो दुर करदे रे।

मत्ती 9:35

तां यीशु अते तिन्हेरे चेल्‍ले गलीली जिले रे मते सारे सहर ते कस्बेयां बिच जाई करी मते सारे सभास्थल बिच उपदेस दिन्दे, परमेश्वर रे राज रे सुब बसेख रा प्रचार करदे, मणूआं री बीमारी अते हर तरह री कमजोरियां जो दुर करदे रे।

मरकुस 8:32

यीशु ने ए गल्ल तिन्हा जो साफ-साफ बोल्ली दित्ती। पर तिन्हेरे ए गल्ल बोलणे पर पतरस तिन्हा जो अलग लै जाई करी बकणे लग्गेया।

लूका 21:37

यीशु हर रोज मन्दिर बिच उपदेस दिन्दे थिये, पर से रात बताणे तांइ जैतून ना री पहाड़ी जो चली जान्दे थिये।

लूका 4:15

ते से यहूदी मणूआं री सभास्थल अन्दर उपदेस दिन्दे रे अते सब जणे तिन्हेरी बड़ाई करदे थिये।

यूहन्ना 18:21

फिरी तू मेरे का किजो पूच्छेया करदा है? मैं कै बोल्लेया है उन्हा का पुच्छ जिन्हा मेरे जो सूणेया मैं कै बोल्लेया, तिन्हा जो पता है

यूहन्ना 6:59

ए गल्लां तिन्ही कफरनहूम कस्बे रे इक्क सभास्थल बिच उपदेस दिन्दे बेल्ले बोल्ली।

यूहन्ना 7:14

फिरी जां त्योहर रे अद्दा दिन बीती गे तां यीशु मन्दिर रे अंगण बिच जाई करी लोक्कां जो शिक्षा दैणा लग्गे।

यूहन्ना 7:26

पर दिखो, से तां सरेआम गल्लां करदा ते से तिसजो किच्‍छ नी बोलदे। कै असा रे अधिकारी समजी गेरे हिन कि ए ही मसीह हिन?

यूहन्ना 7:28

तां यीशु ने मन्दिर रे अंगण बिच उपदेस दिंदे बेल्ले ऊच्ची अवाज बिच बोल्लेया, तुसा मेरे जो जाणदे ते ए भी जाणदे कि मैं कुते का है: मैं अपणे पास्से का नी आया पर मेरा भेजणे वाला सच्चा हैं, तिसजो तुसा नी जाणदे,

यूहन्ना 7:4

किजोकी इदेया कोई नी होणा जे मसहूर होणा चाए, फिरी लुकी करी चिन्ह-चमत्कार करे, पर जां तू ए कम्म करेया ही करदा है तां लोक्कां रे सामणे कर।

यूहन्ना 8:2

कने भ्यागा-भ्यागा यीशु फिरी मन्दिर रे अंगण बिच आए, ते मते सारे मणू तिसका आए, ते से बेई करी तिन्हा जो उपदेस दैणे लग्गे।

यूहन्ना 8:26

मेरे का तुसा रे बारे बिच बोलणे ते तुसा पर इल्जाम लाणे तांइ मता किच्‍छ है। पर परमेश्वर, जिन्हा ने मेरे जो इस दुनिया रे लोक्कां का भेज्जे रा है, से सच्चा है, ते जे किच्‍छ मैं तिसका सूणेया, से ही दुनिया रे लोक्कां कने बोलदा।

प्रेरितां रे कम्म 26:26

राज्जा भी, जिसेरे सामणे मैं बगैर डरे रे बोल्लेया करदा है, इन्हा गल्लां जो जाणदा ते मेरे जो विश्वास है कि इन्हा गल्लां बिच का कोई भी गल्ल इन्हा का छुपेरी नी है, किजोकी ए घटना कुसकी कौणे अन्दर नी होई।