यूहन्ना 18:11 - चम्बयाली नौआ नियम

¹¹ फिरी यीशु ने पतरस जो बोल्लेया, अपणी तलवार म्यान बिच रख्खी लै। कै मैं दुख रा से कटोरा नी पीयां जे परम पिता ने मेरे जो दित्तेया है?

यूहन्ना 18:11 ပူးပေါင်းရင်းမြစ်များ

मत्ती 20:22

यीशु ने तिन्हा दोन्नां जो जवाब दित्तेया, तुसा नी जाणदे कि तुसा कै मंगदे हिन। जे दुख मैं सहणे वाला है कै तुसा से सही सकदे? तिन्हा दोन्नां ने यीशु जो बोल्लेया, हाँ, असी सही सकदे।

मत्ती 26:39

फिरी से थोड़ा होर अग्गे बधी करी मुँह रे भारे पेय, ते प्रार्थना कित्ती, ओ मेरे पिता जे होई सके तां ए कटोरा मेरे का टली जाए तां भी जिय्यां मैं चाह्‍ंदा तिय्यां नी पर जिय्यां तुसा चाह्‍ंदे तिय्यां ही हो।

मत्ती 26:42

फिरी तिन्हा ने दुई वरी जाई करी प्रार्थना कित्ती ओ मेरे पिता, जे ए मेरे पिए बगैर नी हटी सकदा तां तुसा री मर्जी पूरी हो।

लूका 12:30

किजोकी दुनिया रे सब मणू इन्हा चीजां रे पीच्छे नह्स्सेया करदे हिन: पर परमेश्वर जो पता है कि तुसा जो भी इन्हा सबणी चीजां री जरुरत है

लूका 22:42

कि ओ परम पिता जी, अगर तुसा चाह्‍ंदे तां इस दुख रे कटोरे जो मेरे का दुर हटाई देयो, पर, फिरी भी मैं चाह्‍ंदा कि जे तुसा री मरजी है से ही पूरी हो ना की मेरी मरजी पूरी हो

यूहन्ना 15:10

जे तुसा मेरे हुकमां जो मंनगे, तां मेरे प्यार बिच बणी रैहन्गे, तिय्यां ही जिय्यां मैं अपणे पिता रे हुकमां जो मनदा अते तिन्हेरे प्यार बिच बणी रैहन्दा।

यूहन्ना 17:24

ओ पिता जी! जे मणू तुसा मेरे जो दित्ते हिन, मैं चाह्‍ंदा कि जित्ते मैं है, से भी मेरे कने हो ताकि से मेरी उस बड़ाई जो दिख्खी सकण जे तुसा ने मेरे जो दित्ती है किजोकी दुनिया री रचना का भी पैल्ले तुसा मेरे कने प्यार करदे हिन

यूहन्ना 18:36

यीशु ने जवाब दित्तेया, मेरा राज इत्ते रा नी है जे मेरा राज इत्ते रा हुन्दा तां मेरे पीच्छे चलणे वाले ते मेरी शिक्षा पर चलणे वालेयां ने मेरे जो यहूदियां रे हवाले दैणे का बचाणे तांइ लड़ाई करणी थी पर असलियत बिच मेरा राज इत्ते रा नी है।

यूहन्ना 20:17

यीशु ने तिसजो बोल्लेया, मेरे जो मत छू, किजोकी मैं हल्ले तांइ पिता का उप्पर नी गेया, पर मेरे चेल्‍लेयां का जाई करी तिन्हा जो बोल्ली दे, मैं अपणे ते तुसा रे परम पिता, अते अपणे ते तुसा रे परमेश्वर का उप्पर जाया करदा है।

2 कुरुन्थियों 10:4

असी इन्सानी विचारां ते झूठ्ठी बैह्सबाजी जो नास करणे तांइ दुनियावी हथियारां रा नी, बल्कि परमेश्वर रे ताकतवर हथियारां रा इस्तेमाल करदे।

2 कुरुन्थियों 6:7

असी सच्चे प्यार कने, सच्चाई रे वचनां कने, परमेश्वर री ताकत कने, धार्मिकता रे हथियारां कने जे हमला करणे ते अपणी रक्षा करणे तांइ हिन, ते लोक्कां रा असा री इज्जत या बेइज्जती करणे रे जरिये, ते तिन्हेरे असा रे बारे बिच ठीक या बुरी गल्लां बोलणे रे जरिये भी अप्पु जो परमेश्वर रे चुणे रे दास साबित करदे। ते हालांकि असा जो ढोंगी समजेया गेया, पर असी सच ही बोलदे।

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।