यूहन्ना 17:9 - चम्बयाली नौआ नियम

⁹ मैं दुनिया रे लोक्कां तांइ प्रार्थना नी करदा जे गलत तौर-तरिक्के पर चलदे, पर सिर्फ तिन्हा लोक्कां तांइ जिन्हा जो तुसा मेरे जो सौंपेया, किजोकी से तुसा रे हिन।

यूहन्ना 17:9 ပူးပေါင်းရင်းမြစ်များ

लूका 22:32

पर मैं तेरे तांइ परमेश्वर का प्रार्थना कित्ती कि तेरा विश्वास टुटी ना जाओ अते जां तू फिरी तौबा करी हटणा तेरे भरोसे जो दिख्खी करी तेरे संगी विश्वास भ्यालां रा भी होंसला होई जाओ।

लूका 23:34

तां यीशु ने बोल्लेया, ओ परम पिता, इन्हा जो माफ करेयां किजोकी ए नी जाणदे कि ए कै करेया करदे हिन फिरी सपाईयां ने यीशु रे कपड़े तांइ परचियाँ पाईयाँ अते यीशु रे कपड़े आपस बिच बन्डी लै।

लूका 8:34

जां सूअरां जो चराणे वालेयां ने ए दिख्खेया, तां तिन्हा दौड़ी करी सहर अते ग्रां बिच जाई करी सबणी जो ए खबर सूणाई दित्ती

यूहन्ना 14:16

मैं पिता-परमेश्वर का प्रार्थना करगा, ते से तुसा जो इक्क मदतगार दिंगा, कि से हमेसा तुसा कने रेह्।

यूहन्ना 17:2

किजोकी तुसा ने अपणे पुत्तर जो पूरी मणू जाति पर हक दित्ते रा है कि से, हर इक्क जो, जिन्हा जो तुसा ने तिसजो दित्ते रा है, हमेसा री जिन्दगी देयो।

यूहन्ना 17:20

पर मैं सिर्फ अपणे चेल्‍ले तांइ ही प्रार्थना नी करेया करदा है, बल्कि उन्हेरे तांइ भी जे तिन्हेरे बसेख रे जरिए मेरे पर विश्वास करगे।

यूहन्ना 17:6

जिन्हा लोक्कां जो तुसा इस दुनिया रे लोक्कां बिच का मेरे जो सौंपेया थिया, मैं तिन्हा जो तुसा रे बारे बिच दस्सेया। से हमेसा का तुसा रे ही हिन। से तुसा रे बोलणे रे हिसाब कने चलेया करदे हिन।

यूहन्ना 6:37

जिस कुसकी जो मेरा “पिता” मेरे जो दिंदा, से मेरे का आंगा, ते जे कोई मेरे का आदां, तिसजो मैं कदी भी नी नक्कारणा।

यूहन्ना 6:39

पर मेरे “पिता” री इच्छा ए है कि जे किच्‍छ तिन्ही मेरे जो दित्ता है, उस बिच का मैं किच्‍छ न गवाई देयां पर तिसजो आखरी दिन फिरी जिन्दा करणा,

इब्रानियों 7:25

इधेरे तांइ जे मणू मसीह यीशु रे जरिए परमेश्वर का आंदे, से तिन्हा लोक्कां रा पूरा छुटकारा दिंदे, किजोकी मसीह यीशु तिन्हा लोक्कां तांइ बिचौल्ले रे तौर पर हमेसा प्रार्थना करदे रैहन्दे।

इब्रानियों 9:24

इधेरे तांइ मसीह मणूआं रे हत्थ रे बणाए रे तम्बू बिच नी गे। से तिस असली तम्बू री सिर्फ इक्क नकल है। बल्कि से स्वर्ग बिच गे ते अवे तित्ते परमेश्वर कने हिन, ताकि से असा री मदद करी सकण।

1 यूहन्ना 5:19

असा जो पता है कि असी परमेश्वर कने हिन ते सारी दुनिया तिस शैतान रे वस अन्दर पेरी है।

प्रकाशित वाक्य 12:9

तां तिस अजगर ते तिसेरे दूत जो धरती पर सूटी दित्तेया गेया। से अजगर ओ ही है जिस जो पैल्ले-पैल्ले कीड़ा भी बोल्लेया गेया थिया, जिसेरा नां शैतान। एह् ओई है जे दुनिया रे लोक्कां पर इल्जाम लगांदा अते भटकाया करदा है।

प्रकाशित वाक्य 13:8

धरती रे सारे मणूआं ने तिसेरी अराधना कित्ते री है। जिन्हा लोक्कां रे नां तिस जिन्दगी री कताब बिच दुनिया जो बणाणे रे पैल्ले लिख्खे गेरे हिन, सिर्फ तिन्हा ने ही तिस ड्रोणे जानवर री अराधना नी कित्ती। से जिन्दगी री किताब, तिस “उरणू” री कताब है जिस जो कुर्बान कित्तेया गेया थिया।