यूहन्ना 17:8 - चम्बयाली नौआ नियम

⁸ किजोकी मैं तिन्हा जो से ही सारे उपदेस दित्ते, जे तुसा ने मेरे दित्ते थिये, अते तिन्हा ने तिसजो अपणाई लेया ते पक्के तौर पर जाणी लेरा है कि मैं तुसा पास्से का आए रा है, अते उन्हा ने विश्वास कित्तेया कि तुसा ने ही मेरे जो भेज्जे रा है।

यूहन्ना 17:8 ပူးပေါင်းရင်းမြစ်များ

मत्ती 13:11

यीशु ने जवाब दित्तेया, तुसा जो स्वर्ग रे राज रे भेदां री समझ दित्ती गे री है, पर इन्हा जो नी।

यूहन्ना 12:49

किजोकी मैं अपणे पास्से का गल्लां नी कित्ती पर पिता जिनिये मेरे जो भेज्जे रा है, उन्ने ही मेरे जो हुकम दित्तेया कि क्‍या-क्‍या बोलणा?

यूहन्ना 14:10

कै तू विश्वास नी करदा कि मैं पिता बिच है ते पिता मेरे बिच हिन? ए गल्लां जे मैं तुसा कने बोल्लेया करदा है, अपणे पास्से का नी है बोल्लेया करदा, बल्कि पिता मेरे बिच रही करी अपणा कम्म करेया करदे हिन।

यूहन्ना 15:15

अवे मैं तुसा जो नौक्कर नी बोलणा किजोकी कोई नौक्कर नी जाणदा कि उसेरा मालक कै करदा, पर मैं तुसा जो दोस्त बोल्लेया, किजोकी से सब गल्लां जे मैं अपणे पिता का सुणी तुसा जो दस्सी दित्ती री हिन।

यूहन्ना 16:27

किजोकी पिता परमेश्वर अप्पु तुसा कने प्यार करदे, किजोकी तुसा ने मेरे कने प्यार कित्तेया अते ए विश्वास कित्तेया कि मेरे जो पिता ने भेजेया है।

यूहन्ना 16:30

अवे असी समजी गे कि तुसा सब किच्‍छ जाणदे, अते तुसा जो जरुरत नी है कि कोई तुसा का सवाल करे, इसेरी वजह कने असी विश्वास करदे कि तुसा जो परमेश्वर ने भेज्जे रा है।

यूहन्ना 17:14

मैं तुसा रा वचन दुनिया रे लोक्कां जो दित्तेया। दुनिया रे लोक्कां ने मेरे चेल्‍लेयां कने नफरत कित्ती, किजोकी जिय्यां दुनिया चलदी तिय्यां से नी चलदे, जिय्यां मैं भी इस दुनिया रे हिसाब कने नी चलदा।

यूहन्ना 17:18

जिय्यां तुसा ने मेरे जो दुनिया अन्दर भेज्जेया, तिय्यां ही मैं भी इन्हा जो दुनिया अन्दर भेज्जेया।

यूहन्ना 17:21

कि से सब इक्क होंन, तिय्यां ही जिय्यां, ओ पिता जी, तुसा मेरे बिच हिन अते मैं तुसा रे बिच है, से भी असा बिच का इक्क होंन, ताकि दुनिया रे मणू विश्वास करण कि तुसा ने मेरे जो भेज्जेया है।

यूहन्ना 17:23

मैं उन्हा बिच होणा ते तुसा मेरे बिच होणा, ताकि से सिद्व होई करी इक्क होई जाण, अते दुनिया जाणी जाये कि तुसा ने मेरे जो भेज्जेया है ते तुसा ने उन्हा कने भी तिय्यां प्यार कित्तेया जिय्यां मेरे कने प्यार करदे हिन

यूहन्ना 17:3

ते इस तरिक्के कने हमेसा री जिन्दगी जो हासिल कित्तेया जाई सकदा कि मणू इकलौते सच्चे परमेश्वर जो ते यीशु मसीह यानी मेरे जो जाणे जिस जो तुसा दुनिया रे लोक्कां का भेज्जे रा है।

यूहन्ना 3:17

परमेश्वर ने अपणे पुत्तर जो दुनिया बिच इस तांइ नी भेज्जेया कि दुनिया रे लोक्कां पर सजा रा हुकम दे, पर इस तांइ कि दुनिया रे मणू तिसेरे जरिए छुटकारा पाए।

यूहन्ना 3:33

पर जिनिए तिसेरी गवाई मन्नी लेई, तिनिए इस गल्ल पर छाप लगाई दित्ती कि परमेश्वर सच्चे हिन।

यूहन्ना 6:68

शमौन पतरस ने तिसजो जवाब दिता, ओ प्रभु, असी कुसका जाईए? तुसा का हमेसा री जिन्दगी रे वचन हिन।

यूहन्ना 8:42

यीशु ने तिन्हा जो बोल्लेय, जे परमेश्वर तुसा रा प्यो हुदां, तां तुसा मेरे कने प्यार करदे, किजोकी मैं परमेश्वर रे पास्से का आए रा है, मैं अप्पु नी आया, पर तिनहा ने ही मेरे जो भेज्जेया।

1 कुरुन्थियों 11:23

किजोकी जे शिक्षा मैं तुसा जो दिंदा से ओ ही शिक्षा है जे मेरे जो प्रभु का मिल्ले री है कि प्रभु यीशु जो जिस रात्ती पकड़वाया गेया, तिस रात तिन्हा ने रोट्टी लित्ती

1 कुरुन्थियों 15:1

ओ संगी विश्वासियों, अवे मैं तुसा जो तिस ही सुब बसेख रा चेत्ता दुआंदा जे मैं पैल्ले सूणाई चुके रा है, जिस पर तुसा ने विश्वास भी कित्तेया थिया ते जिस बिच तुसा मजबूत भी हिन।

1 थिस्सलुनीकियों 2:13

इस तांइ असी भी परमेश्वर रा शुक्रिया लगातार करदे की जां असा रे जरिए परमेश्वर रे सुब बसेख रा वचन तुसा ने सूणेया, तां तुसा तिसजो मणूआं रा नी पर परमेश्वर रा वचन समजी करी अपणाया कि से हकीकत बिच तिन्हेरे हिन, ते ए ही सुब बसेख तुसा विश्वास करणे वालेयां लोक्कां री जिन्दगी बिच कम्म करदा।

1 थिस्सलुनीकियों 4:1

आखिरकार, संगी विश्वासियों, असी तुसा जो मसीह यीशु बिच जोर पाई करी समझांदे कि इदेइ जिन्दगी जियो जिस कने परमेश्वर खुस हो, जिय्यां तुसा जिया भी करदे हिन ते असी तुसा होर बदिया जिन्दगी जीणे तांइ उत्साहित करदे।

1 यूहन्ना 4:14

ते असा ने पुत्तर जो अपणी हाख्खियां कने दिख्खी भी लित्ता ते गवाई दिन्दे कि पिता परमेश्वर ने पुत्तर जो दुनिया रे लोक्कां रा छुटकारा दैणे वाला बणाई करी के भेज्जे रा है।

प्रकाशित वाक्य 1:1

परमेश्वर ने मसीह यीशु जो से लुके री चीजां दिखाई जे बड़े तौले होणे वाली हिन, ताकि से अपणे सेवादार मणूआं जो से गल्लां दस्सी सकण। मसीह यीशु ने अपणे स्वर्गदूत जो भेज्जी करी मेरे पर इन्हा गल्लां जो जाहिर कित्ता जे तिन्हेरा सेवादार है।