यूहन्ना 17:7 - चम्बयाली नौआ नियम

⁷ अवे इन्हा जो पता लग्गी गे रा है कि जे किच्‍छ भी तुसा ने मेरे जो दित्ते रा है, से सब किच्‍छ तुसा रे पास्से का ही है,

यूहन्ना 17:7 ပူးပေါင်းရင်းမြစ်များ

यूहन्ना 14:20

तिस रोज जां मैं वापिस हटणा, तुसा जाणना कि मैं पिता बिच है, ते तुसा मेरे बिच हिन, ते मैं तुसा बिच।

यूहन्ना 16:15

जे किच्‍छ पिता का है से सब मेरा है, इधेरे तांइ मैं बोल्लेया कि जे किच्‍छ मेरा है, तिन्हा गल्लां जो सुणी करी पवित्रात्मा ने तुसा जो दस्सी दैणा।

यूहन्ना 17:10

अते सब किच्‍छ जे मेरा है, से तुसा रा है, अते जे तुसा रा है, से मेरा है अते मेरे जो उन्हेरे जरिए बड़ाई मिल्ली।

यूहन्ना 17:6

जिन्हा लोक्कां जो तुसा इस दुनिया रे लोक्कां बिच का मेरे जो सौंपेया थिया, मैं तिन्हा जो तुसा रे बारे बिच दस्सेया। से हमेसा का तुसा रे ही हिन। से तुसा रे बोलणे रे हिसाब कने चलेया करदे हिन।

यूहन्ना 17:8

किजोकी मैं तिन्हा जो से ही सारे उपदेस दित्ते, जे तुसा ने मेरे दित्ते थिये, अते तिन्हा ने तिसजो अपणाई लेया ते पक्के तौर पर जाणी लेरा है कि मैं तुसा पास्से का आए रा है, अते उन्हा ने विश्वास कित्तेया कि तुसा ने ही मेरे जो भेज्जे रा है।

यूहन्ना 8:28

तां यीशु ने बोल्लेया, कि जां तुसा मणू रे पुत्तर, जो ऊचें पर चढ़ांगे, तां जाणगें कि मैं से ही हैं, ते मैं अपणे आप का किच्‍छ नी करदा, पर पिता मेरे जो जिय्यां सिखान्दा, से ही गल्लां मैं बोलदा।