यूहन्ना 17:6 - चम्बयाली नौआ नियम

⁶ जिन्हा लोक्कां जो तुसा इस दुनिया रे लोक्कां बिच का मेरे जो सौंपेया थिया, मैं तिन्हा जो तुसा रे बारे बिच दस्सेया। से हमेसा का तुसा रे ही हिन। से तुसा रे बोलणे रे हिसाब कने चलेया करदे हिन।

यूहन्ना 17:6 ပူးပေါင်းရင်းမြစ်များ

यूहन्ना 1:18

परमेश्वर जो कदी कुसकी ने नी दिख्खेया पर इकलौते पुत्तर ने जे अप्पु ही परमेश्वर है, ते पिता रे सबका जादा करीब है। तिन्हा ने ही असा पर परमेश्वर जो प्रकट कित्ते रा है।

यूहन्ना 12:28

ओ पिता, अपणे नां री बड़ाई कर। तां तिस बेल्ले स्वर्ग बिच का ए अवाज आई, मैं उसेरी बड़ाई कित्ती, ते अग्गे भी करगा।

यूहन्ना 15:19

जे तुसा इस दुनिया रे लोक्कां सांई हुन्दे तां दुनिया रे लोक्कां ने तुसा कने अपणेयां सांई प्यार करणा थिया, पर तुसा इस दुनिया रे लोक्कां सांई नी हिन किजोकी मैं तुसा जो इस दुनिया रे लोक्कां बिच का चुणी लित्ते रा है, अते इधेरे तांइ दुनिया रे मणू तुसा रे कने दुश्मणी रखदे।

यूहन्ना 15:3

मैं जे शिक्षा तुसा जो दित्ते री है तुसा तिस कने पवित्र होई गेरे हिन।

यूहन्ना 15:7

जे तुसा मेरे बिच बणी रैहन्गे, अते मेरी सिखाए री शिक्षा तुसा रे बिच बणी रैहन्गी, तां तुसा किच्‍छ भी मंगो, मेरे पिता ने तुसा री हर जरुरत जो पूरा करणा।

यूहन्ना 17:12

जां मैं तिन्हेरे कने थिया, मैं तुसा रे उस नां री ताकत कने जे तुसा ने मेरे जो दित्ते रा है, तिन्हेरी रखवाली कित्ती, सिवाय विनास रे पुत्तर जो छड्डी उन्हा बिच कोई खत्म नी होया, इधेरे तांइ कि पवित्रशास्त्र बिच लिख्खे री गल्ल पूरी हो;

यूहन्ना 17:14

मैं तुसा रा वचन दुनिया रे लोक्कां जो दित्तेया। दुनिया रे लोक्कां ने मेरे चेल्‍लेयां कने नफरत कित्ती, किजोकी जिय्यां दुनिया चलदी तिय्यां से नी चलदे, जिय्यां मैं भी इस दुनिया रे हिसाब कने नी चलदा।

यूहन्ना 17:16

जिय्यां मैं इस दुनिया रे लोक्कां बिच का इक्क नी है, तिय्यां ही से भी इस दुनिया रे लोक्कां बिच का नी हिन।

यूहन्ना 17:2

किजोकी तुसा ने अपणे पुत्तर जो पूरी मणू जाति पर हक दित्ते रा है कि से, हर इक्क जो, जिन्हा जो तुसा ने तिसजो दित्ते रा है, हमेसा री जिन्दगी देयो।

यूहन्ना 17:24

ओ पिता जी! जे मणू तुसा मेरे जो दित्ते हिन, मैं चाह्‍ंदा कि जित्ते मैं है, से भी मेरे कने हो ताकि से मेरी उस बड़ाई जो दिख्खी सकण जे तुसा ने मेरे जो दित्ती है किजोकी दुनिया री रचना का भी पैल्ले तुसा मेरे कने प्यार करदे हिन

यूहन्ना 17:26

मैं तुसा रा नां इन्हा सामणे प्रकट कित्ते रा है, ते अग्गे भी दसदे रैह्णा ताकि जे प्यार तुसा जो मेरे कने थिया से तिन्हा बिच रेय, ते मैं इन्हा बिच रेयां।

यूहन्ना 17:7

अवे इन्हा जो पता लग्गी गे रा है कि जे किच्‍छ भी तुसा ने मेरे जो दित्ते रा है, से सब किच्‍छ तुसा रे पास्से का ही है,

यूहन्ना 18:9

ए तिन्हा ने इधेरे तांइ बोल्लेया कि से वचन पूरा हो जे तिन्हा ने बोल्लेया थिया, मैं उन्हा बिच का कुसकी जो नी गुआया, जे तुसा मेरे हवाले कित्ते थिये।

यूहन्ना 6:37

जिस कुसकी जो मेरा “पिता” मेरे जो दिंदा, से मेरे का आंगा, ते जे कोई मेरे का आदां, तिसजो मैं कदी भी नी नक्कारणा।

यूहन्ना 6:39

पर मेरे “पिता” री इच्छा ए है कि जे किच्‍छ तिन्ही मेरे जो दित्ता है, उस बिच का मैं किच्‍छ न गवाई देयां पर तिसजो आखरी दिन फिरी जिन्दा करणा,

यूहन्ना 8:51

मैं तुसा कने सच-सच बोलदा कि जे कोई मणू मेरी शिक्षा जो मनदा, तां तिसने कदी भी नी मरणा।

यूहन्ना 8:52

यहूदियां ने तिन्हा जो बोल्लेया, अवे असी जाणी लित्ता की तेरे अन्दर दुष्टात्मा है, अब्राहम मरी गेया, ते भविष्यद्वक्ता भी मरी गे, ते तुसा बोलदे जे कोई मेरे शिक्षा जो मनगा, तिसने कदी भी नी मरणा।

प्रेरितां रे कम्म 13:48

ए सुणी करी गैर यहूदियां रे मणू खुस होई गे, ते परमेश्वर रे वचन री बड़ाई करणा लग्गे, ते जित्तणे हमेसा री जिन्दगी तांइ ठहराये गेरे थिये, तिन्हा ने विश्वास कित्तेया

रोमियों 11:2

परमेश्वर ने अपणे तिन्हा लोक्कां जो नी छड्डेया, जिस जो तिन्हा ने पैल्ले का ही चुणी लित्ते रा है। कै तुसा जो पता नी है, कि पवित्रशास्त्र एलिय्याह भविष्यद्वक्ता रे बारे बिच कै दसदा? से परमेश्वर कने इस्राएल रे लोक्कां री शिकायत करी के ए बोलदा,

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।

कुलुस्सियों 3:16

जिय्यां कि तुसा इक्क दूए जो बड़ी समजदारी ते ज्ञान कने सिखांदे हिन, ते बड़ी शुकरगुज़ारी कने परमेश्वर तांइ भजन, स्तुतीगान ते आत्मिक गीत गाया करदे हिन, तिस कने कने ही मसीह रे वचनां जो अप्पु अंदर भरपुरी कने बसणा देयो।

2 तीमुथियुस 1:13

इस गल्ल रा ध्यान रख्खो कि जे सच्ची शिक्षा तुसा ने मेरे का सुणे री हिन तुसा तिसजो अपणे आदर्श रे तौर पर पकड़ी रेयो। ए सारी चीजां प्यार ते विश्वास कने करेयो किजोकी तुसा रा रिस्ता मसीह कने है।

इब्रानियों 2:12

मसीह, परमेश्वर जो इस बारे बिच ए बोलदे, “मैं अपणे लोक्कां जो तुसा रे ठीक कम्मां रे बारे बिच दसणा, जां से मणू तुसा री अराधना तांइ कठिंदे तां मैं तुसा री बड़ाई करणी।”

इब्रानियों 3:6

पर मसीह यीशु, परमेश्वर रे पुत्र होणे रे तौर पर, तिन्हेरे पूरे टब्बर बिच विश्वासयोग्य हिन, जे अगर असी हिम्मत ते आस कने विश्वास बिच बणी रैह्ण तां असी ही तिन्हेरा टब्बर हिन।

1 पतरस 1:1

मैं पतरस मसीह यीशु रा प्रेरित है। मैं पुन्तुस, गलातिया, कप्पदुकिया एशिया ते बितूनिया रे इलाक्केयां बिच इक्क अजनबी रे तौर पर रैह्णे वाले परमेश्वर रे चुणे रे लोक्कां जो ए चीठ्ठी लिख्खेया करदा है।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।

प्रकाशित वाक्य 2:13

मैं जाणदा कि तुसा रा कस्बा शैतान रे वस बिच है, पर इय्यां हुंदे होए भी तुसा ने मेरे बिच अपणा विश्वास मजबूती कने बणाई रख्खेया ते मेरे पर विश्वास करणा नी छड्डेया, तिस बेल्ले भी नी जां लम्बे समय पैल्ले अन्तिपास जो मारी दित्तेया गेया थिया। से मेरा बसेख सुनाणे बिच भरोस्सेमंद थिया, इधेरे तांइ तिसजो तुसा रे कस्बे बिच मारी रख्खेया गेया जित्ते शैतान रा काबू है।

प्रकाशित वाक्य 3:10

इधेरे तांइ तुसा ने सबर कने जुल्मां जो सैह्णे रा मेरा हुकम मन्नेया। तिस वजह कने, मैं तुसा जो परिक्षा रे समय बिच बचाणा। ए परिक्षा रा समय दुनिया रे हर इन्सान री जिन्दगी बिच आणा।

प्रकाशित वाक्य 3:8

मैं तेरे कम्मां जो जाणदा, सुण, मैं जाणदा कि तेरे का बड़ी घट ताकत है, पर तू फिरी भी मेरी गल्लां रे मुताबिक चलेया, ते तू मेरे पर विश्वास करणे का कदी नी मुकरेया। इधेरे तांइ मैं तेरे तांइ इक्क दुआर जदेया खोल्ली दित्ते रा है जिस जो कोई भी बांद्द नी करी सकदा।