यूहन्ना 17:21 - चम्बयाली नौआ नियम

²¹ कि से सब इक्क होंन, तिय्यां ही जिय्यां, ओ पिता जी, तुसा मेरे बिच हिन अते मैं तुसा रे बिच है, से भी असा बिच का इक्क होंन, ताकि दुनिया रे मणू विश्वास करण कि तुसा ने मेरे जो भेज्जेया है।

यूहन्ना 17:21 ပူးပေါင်းရင်းမြစ်များ

मरकुस 3:24

पर जे अगर कुसकी राज रे लोक्कां बिच फूट पेई जाओ, तां से राज किय्यां टिकी सकदा?

यूहन्ना 10:16

मेरी होर भी भेड़ां हिन, जे इस गुआड़ री नी हिन मेरे जो तिन्हा जो भी लाणा जरुरी है तिन्हा ने मेरी अवाज सूणनी, तां इक्क ही झुण्ड ते इक्क ही पुहाल होणा।

यूहन्ना 10:30

मैं ते प्यो इक्क ही हिन।

यूहन्ना 10:38

पर जे अगर मैं से कम्म करदा, तां चाए मेरा विश्वास ना भी करो, पर उन्हा कम्मां रा तां विश्वास करो, ताकि तुसा जाणी सको ते समझो की प्यो मेरे बिच है ते मैं प्यो बिच।

यूहन्ना 11:42

मैं जाणदा थिया कि तू हमेसा मेरी सूणदा, पर जै भीड़ नेड़े-तेड़े खड़िती री है, उनहेरि वजह कने मैं ए जादा जोरे बोल्लेया कि जिस कने ए विश्वास करण कि तैं मेरे जो भेज्जे रा है,

यूहन्ना 13:32

ते जिय्यां परमेश्वर जो अपणे पुत्तर री वजह कने महिमा मिल्ले री है तिय्यां ही पिता-परमेश्वर ने भी अपणे पुत्तर जो जल्द ही महिमा दैणी।

यूहन्ना 13:35

जे अगर तुसा अप्पु मिते प्यार रखगे, तां इसी कने सारेयां जो पता चलणा कि तुसा मेरे चेल्‍ले हिन।

यूहन्ना 17:11

अवे मैं दुनिया बिच नी रैह्णा, अवे मैं तुसा का आया करदा है, पर मेरे चेल्‍लेयां ने इस दुनिया बिच रैह्णा, ते मैं तुसा का आई जाणा, ओ पवित्र पिता, अवे अपणे उस नां री ताकत कने तिन्हेरी रक्षा कर जे तुसा ने मेरे जो दित्तेया है, ताकि जिय्यां मैं ते तुसा इक्क हिन, से भी इक्क होई सकण।

यूहन्ना 17:18

जिय्यां तुसा ने मेरे जो दुनिया अन्दर भेज्जेया, तिय्यां ही मैं भी इन्हा जो दुनिया अन्दर भेज्जेया।

यूहन्ना 17:20

पर मैं सिर्फ अपणे चेल्‍ले तांइ ही प्रार्थना नी करेया करदा है, बल्कि उन्हेरे तांइ भी जे तिन्हेरे बसेख रे जरिए मेरे पर विश्वास करगे।

यूहन्ना 17:25

ओ धार्मिक पिता, दुनिया रे लोक्कां ने मेरे जो नी जाणेया पर मैं तुसा जो जाणेया ते मेरे चेल्‍लेयां ने भी जाणेया कि तुसा ने मेरे जो भेज्जे रा है।

यूहन्ना 17:3

ते इस तरिक्के कने हमेसा री जिन्दगी जो हासिल कित्तेया जाई सकदा कि मणू इकलौते सच्चे परमेश्वर जो ते यीशु मसीह यानी मेरे जो जाणे जिस जो तुसा दुनिया रे लोक्कां का भेज्जे रा है।

यूहन्ना 17:8

किजोकी मैं तिन्हा जो से ही सारे उपदेस दित्ते, जे तुसा ने मेरे दित्ते थिये, अते तिन्हा ने तिसजो अपणाई लेया ते पक्के तौर पर जाणी लेरा है कि मैं तुसा पास्से का आए रा है, अते उन्हा ने विश्वास कित्तेया कि तुसा ने ही मेरे जो भेज्जे रा है।

यूहन्ना 3:17

परमेश्वर ने अपणे पुत्तर जो दुनिया बिच इस तांइ नी भेज्जेया कि दुनिया रे लोक्कां पर सजा रा हुकम दे, पर इस तांइ कि दुनिया रे मणू तिसेरे जरिए छुटकारा पाए।

यूहन्ना 5:23

ताकि सब जणे जिय्यां परमेश्वर पिता री बड़ाई करदे तिय्यां ही पुत्तर री भी बड़ाई करेया करण। जे पुत्तर री बड़ाई नी करदा, से पिता री, जिन्हा ने तिसजो भेज्जे रा है, बड़ाई नी करदा।

प्रेरितां रे कम्म 2:46

से हर रोज इक्क मन होई करी मन्दिर बिच कठिदें थिये, ते घर-घर रोट्टी तोड़दे होए खुसी ते मन रे सिद्देपन कने भोजन करेया करदे थिये,

प्रेरितां रे कम्म 4:32

भरोसे करणे वालेयां री मडंली इक्क मन रे थिये, इत्ते तिकर कोई भी अपणी जायदाद जो अपणा नी बोलदा थिया, पर सारा किच्‍छ आपस रा थिया

रोमियों 12:5

तिय्यां ही असी विश्वासी मणू मिली करी मसीह यीशु रे जिस्म रा हिस्सा बणी गेरे हिन, ते असी आपस बिच इक्क-दूए कने जुड़े रे हिन।

1 कुरुन्थियों 1:10

अवे ओ मेरे संगी विश्वासियों, मैं असा रे प्रभु यीशु मसीह रे हक कने तुसा जो इय्यां करणे तांइ जोर पांदा कि तुसा सारे जणे इक्क ही गल्ल पर राज़ी होया करो, ते तुसा लोक्कां बिच कोई फूट ना हो ते मैं जोर पाई करी बोलदा कि इक्क मकसद ते इक्क ही तरिक्के सोच विचार रख्खी करी अप्पु-मिते सांती बणाई रख्खो।

1 कुरुन्थियों 12:12

किजोकी जिय्यां असा रे इक्क जिस्म रे मते सारे अंग हिन, तिय्यां ही असी विश्वासी मणू मिली करी मसीह यीशु रे जिस्म रा हिस्सा बणी गेरे हिन, ते असी आपस बिच इक्क-दूए कने जुड़े रे हिन।

1 कुरुन्थियों 6:17

ते जे मणू प्रभु कने रिस्ता बणाई करी रखदा, तां तिस मणू प्रभु कने इक्क आत्‍मा होई जांदा।

गलातियों 3:28

अवे जां असा सारेयां ने मसीह यीशु बिच विश्वास करी लित्ते रा है, तां अवे असी परमेश्वर री नजर बिच असा रा मसीह कने रिस्ता जुड़ी गे रा है। अवे ना कुसकी यहूदी ते गैर यहूदी बिच कोई फरक नी रेया, ना ही दास ना ही अजाद मणू बिच, ना ही आदमी ते ना ही औरत बिच, किजोकी अवे तुसा सारे मसीह यीशु बिच इक्क बराबर हिन।

फिलिप्पियों 1:27

सिर्फ इन्ना ही करो कि मसीह रे सुब बसेख रे हिसाब कने जिन्दगी जियो। ते भले ही मैं तुसा जो आई करी मिलां या ना भी मिलां, वस तुसा रे बारे बिच ए ही सूणेया कि तुसा इक्क-मन होई इक्क ही मकसद तांइ इकठ्ठे होई करी तिस विश्वास तांइ कड़ा संघर्ष करदे रैहन्दे जे मसीह यीशु रा सुब बसेख है।

1 यूहन्ना 1:3

असा ने तिसजो दिख्खेया अते सूणेया है अवे तुसा जो भी यीशु का सुब बसेख देया करदे हिन ताकि तुसा भी असा रे कने साझी होई जाओ असा रा ए सांझा परम पिता परमेश्वर अते उन्हेरे पुत्तर मसीह यीशु कने है।

1 यूहन्ना 5:7

ते मसीह यीशु री गवाई दैणे वाले त्रै हिन,