यूहन्ना 17:2 - चम्बयाली नौआ नियम

² किजोकी तुसा ने अपणे पुत्तर जो पूरी मणू जाति पर हक दित्ते रा है कि से, हर इक्क जो, जिन्हा जो तुसा ने तिसजो दित्ते रा है, हमेसा री जिन्दगी देयो।

यूहन्ना 17:2 ပူးပေါင်းရင်းမြစ်များ

मत्ती 11:27

मेरे परम पिता ने सब किच्‍छ मेरे हवाले करी दित्तेया, अते कोई पुत्तर जो नी जाणदा, सिर्फ परम पिता जाणदा अते कोई परम पिता जो नी जाणदा, सिर्फ पुत्तर जाणदा, अते हर इक्क से मणू परम पिता जो जाणदा, जिस पर पुत्तर तिसजो जाहिर करणा चाए।

मत्ती 25:46

ते तिन्हा पुठ्ठे पास्से वाले बुरे लोक्कां ने हमेसा बलणे वाली आग्ग बिच सजा भुगतणी पर, धार्मिक सीद्दे पास्से वाले लोक्कां ने हमेसा री जिन्दगी बिच चली जाणा।

मत्ती 28:18

फिरी यीशु ने उन्हेरे का जाई करी बोल्लेया, स्वर्ग ते जमीन बिच सब हक मेरे जो दित्ते गे हिन।

यूहन्ना 17:24

ओ पिता जी! जे मणू तुसा मेरे जो दित्ते हिन, मैं चाह्‍ंदा कि जित्ते मैं है, से भी मेरे कने हो ताकि से मेरी उस बड़ाई जो दिख्खी सकण जे तुसा ने मेरे जो दित्ती है किजोकी दुनिया री रचना का भी पैल्ले तुसा मेरे कने प्यार करदे हिन

यूहन्ना 17:6

जिन्हा लोक्कां जो तुसा इस दुनिया रे लोक्कां बिच का मेरे जो सौंपेया थिया, मैं तिन्हा जो तुसा रे बारे बिच दस्सेया। से हमेसा का तुसा रे ही हिन। से तुसा रे बोलणे रे हिसाब कने चलेया करदे हिन।

यूहन्ना 17:9

मैं दुनिया रे लोक्कां तांइ प्रार्थना नी करदा जे गलत तौर-तरिक्के पर चलदे, पर सिर्फ तिन्हा लोक्कां तांइ जिन्हा जो तुसा मेरे जो सौंपेया, किजोकी से तुसा रे हिन।

यूहन्ना 3:35

“पिता” अपणे पुत्तर कने प्यार रखदा, ते तिन्हा ने सारी चीजां पुत्तर रे हत्थां अन्दर देई दित्ते री हिन,

यूहन्ना 4:14

पर जे कोई तिस पाणी बिच का पिन्गा, जे मैं तिसजो दैणा, तिसजो फिरी कदी भी प्यास नी लगणी पर जे पाणी मैं तिसजो दैणा, तिसेरा उस मणू अन्दर इक्क सोता बणी जाणा जे हमेसा तिकर रैह्णा।

यूहन्ना 6:27

मुकी जाणे वाली रोट्टी तांइ परिश्रम न करो, पर तिस रोट्टी तांइ मैहनत करो जे कि हमेसा री जिन्दगी तक रैह्‍ंदी, जिस जो मणू रा पुत्तर, जे मैं ही है, तुसा जो दिंगा, किजोकी पिता परमेश्वर ने ए करणा रा अधिकार भी दित्ते रा है।

यूहन्ना 6:37

जिस कुसकी जो मेरा “पिता” मेरे जो दिंदा, से मेरे का आंगा, ते जे कोई मेरे का आदां, तिसजो मैं कदी भी नी नक्कारणा।

यूहन्ना 6:39

पर मेरे “पिता” री इच्छा ए है कि जे किच्‍छ तिन्ही मेरे जो दित्ता है, उस बिच का मैं किच्‍छ न गवाई देयां पर तिसजो आखरी दिन फिरी जिन्दा करणा,

रोमियों 6:23

किजोकी पाप री मजदूरी ता मौत है, पर परमेश्वर री दान कने असा जो प्रभु यीशु मसीह रे जरिये हमेसा री जिन्दगी मिलदी।

1 कुरुन्थियों 15:25

किजोकी मसीह यीशु रा तिस राज पर शासन करणा जरुरी है जां तांइ परमेश्वर अपणे सारे दुश्मणा जो अपणे पैरां हेठ ना करी लैण।

इफिसियों 1:20

जे कम्म परमेश्वर ने मसीह यीशु रे बारे बिच कित्तेया कि तिन्हा जो मरे रे लोक्कां बिच का जिन्दा करी के स्वर्ग बिच अपणे सज्जे पास्से बिठाई दित्ता।

फिलिप्पियों 2:10

ते जे स्वर्ग अन्दर हिन, धरती पर या तिसेरे थल्ले तिन्हा सारे जणेया ने प्रभु यीशु रे अग्गे झुकणा,

1 तीमुथियुस 1:16

पर मेरे पर दया कित्ती गई। मेरे जदेय सबका बड्डे पाप्पी जो माफ करणे रे जरिये मसीह यीशु ए दिखाणा चाह्‍ंदे थिये कि तिन्हा बिच किन्ना जादा सबर है। ए तिन्हा लोक्कां तांइ इक्क उदारण बणी जाणा जिन्हा ने बाद बिच मसीह यीशु बिच विश्वास करी के हमेसा री जिन्दगी हासिल करणी।

इब्रानियों 1:2

पर आखरी रोज्जां रे बारे बिच परमेश्वर ने अपणे पुत्र रे जरिये असा कने गल्लां कित्ते री हिन, जिन्हेरे जरिए तिन्हा ने सारे ब्रम्हांड जो भी रचेया, ते जिन्हा जो परमेश्वर ने अपणी रचे री हर चीज रा वारिस भी बणाया।

1 पतरस 3:22

ते अवे से स्वर्ग जो चली गेरे हिन। से अवे सबका ऊच्ची जगाह् पर, परमेश्वर रे सज्जे हत्थ पास्से का सारे स्वर्गदूतां पर ते सारी हुकुमतां ते ताकतां पर राज करेया करदे हिन।

1 यूहन्ना 1:2

से इस दुनिया रे लोक्कां बिच आया ते असा बिच मझाटे रेया, ते असा ने तिसजो दिख्खेया, असी तिसेरे गवाह हिन, अते अवे असी तुसा जो तिस्सी हमेसा री जिन्दगी रा सुब बसेख देया करदे हिन, जे पिता कने थिया अते असा पर प्रकट होया।

1 यूहन्ना 2:25

जिसेरा वादा पिता परमेश्वर ने असा कने कित्ते रा थिया से हमेसा री जिन्दगी है।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।

यहूदा 1:21

जिय्यां कि तुसा इस गल्ल रा इंतजार करेया करदे हिन कि मसीह यीशु ने अपणे दया कने तुसा जो हमेसा री जिन्दगी दैणी इधेरे तांइ तुसा जो अपणी जिन्दगी ए जाणदे होए गुजारणा चाएदी कि परमेश्वर तुसा कने प्यार करदे।