यूहन्ना 17:15 - चम्बयाली नौआ नियम

¹⁵ मैं ए प्रार्थना नी है करदा कि तुसा इन्हा जो दुनिया का चुक्की लेयो बल्कि ए कि तुसा उन्हेरी शैतान का रक्षा करो।

यूहन्ना 17:15 ပူးပေါင်းရင်းမြစ်များ

मत्ती 5:37

पर जे तू हाँ चाह्‍ंदा तां हाँ बोल अते नां चाह्‍ंदा तां सिर्फ नां बोल, किजोकी जे किच्‍छ भी इसका जादा हुन्दा से शैतान रे पास्से का हुन्दा।”

मत्ती 6:13

अते असा जो परखदे मत, पर शैतान का बचाई रख्खेयो, (किजोकी राज, पराक्रम ते महिमा हमेसा तुसा रा ही है, आमीन)!

लूका 11:4

ते असा रे पाप्पां जो तुसा माफ करी देयो, किजोकी, असी भी अपणे गुनेह्गारां जो माफ करदे, ते असा जो परखीह्णे का बचाई लेयो।

लूका 22:32

पर मैं तेरे तांइ परमेश्वर का प्रार्थना कित्ती कि तेरा विश्वास टुटी ना जाओ अते जां तू फिरी तौबा करी हटणा तेरे भरोसे जो दिख्खी करी तेरे संगी विश्वास भ्यालां रा भी होंसला होई जाओ।

गलातियों 1:4

असा रे परमेश्वर ते पिता री मर्जी रे हिसाब कने मसीह यीशु ने असा रे पाप्पां तांइ अप्पु जो कुर्बान होणे तांइ देई दित्तेया, ताकि असा जो अज्ज रे इस बुरे दुनिया रे असर का बची रैह्ण।

2 थिस्सलुनीकियों 3:3

पर प्रभु भरोस्सेमंद हिन, तिन्हा ने तुसा जो आत्मिक रुप कने मजबूत बनाणा ते तुसा जो शैतान का बचाई रखणा।

2 तीमुथियुस 4:8

अवे परमेश्वर ने मेरे तांइ स्वर्ग बिच इक्क ईनाम रख्खे रा है किजोकी मैं इक्क धार्मिक जिन्दगी जीत्ती री है जिस कने परमेश्वर खुस हुंदे, प्रभु जे धार्मिकता कने फैसला करदे जां तिन्हा ने दुनिया रा हिसाब-किताब करणे तांइ आणा तां तिन्हा ने से मुकुट मेरे जो दैणा। पर तिन्हा ए ईनाम सिर्फ मेरे जो ही नी दैणा पर तिस हर इक्क मणू जो दैणा जे बड़ी बेसबरी कने तिन्हेरे हटणे रा इंतजार करेया करदे हिन।

1 यूहन्ना 5:18

असा जो पता है कि जे कोई परमेश्वर री औलाद है, से पाप करणा छड्डी दिंदा किजोकी परमेश्वर रा पुत्तर मसीह यीशु तिन्हा लोक्कां जो बचाई रखदा: ते शैतान तिन्हा लोक्कां जो छुई नी सकदा।

1 यूहन्ना 5:19

असा जो पता है कि असी परमेश्वर कने हिन ते सारी दुनिया तिस शैतान रे वस अन्दर पेरी है।