यूहन्ना 16:7 - चम्बयाली नौआ नियम

⁷ पर मैं तुसा रे कने सच-सच बोलदा कि तुसा तांइ भला है कि मैं जाया करदा है, किजोकी जे अगर मैं नी जांगा तां पवित्रात्मा ने जे तुसा रा मददगार है, तुसा का नी आणा, पर जे अगर मैं चली जांगा तां तिसजो तुसा रे का भेजी दिंगा।

यूहन्ना 16:7 ပူးပေါင်းရင်းမြစ်များ

लूका 24:49

ते दिख्खो, जिय्यां मेरे पिता ने वादा कित्ते रा है, तिसेरे हिसाब कने मैं तुसा पर पवित्रात्मा जो भेजणा, ते स्वर्ग का ताकत पाणे तिकर तुसा इसी कस्बे बिच ठहरे रेयो।

लूका 4:25

ते ए भी सुणी लेयो कि एलिय्याह नबी रे दिनां अन्दर साड्डे त्रै साल तांइ आसमान का बरखा नी होई, होर-तां-होर, पूरे देस अन्दर बड़ा अकाल पेया थिया ते इस्राएल अन्दर मती सारी विधवा जनानियां थिया जिन्हा जो मदत री बड़ी जरुरत थी

लूका 9:27

पर मैं तुसा जो सच बोलदा, कि जे इत्ते खड़ित्ते रे हिन, तिन्हा बिच का किच्‍छ ईदेह् भी हिन, जिन्हा तिस बेल्ले तांइ नी मरणा, जां तांइ से परमेश्वर रे राज जो नी दिख्खी लिन्दे।

यूहन्ना 14:26

पर पिता ने मेरे नां कने भेजणा इक्क मददगार जो भेजणा जे पवित्रात्मा है, तिसने तुसा जो सब गल्लां सखाणी, अते जे किच्‍छ मैं तुसा जो बोल्लेया से सब गल्लां तिन्ने तुसा जो चेत्ता कराणी।

यूहन्ना 14:28

तुसा सुणी चुके रे हिन जे मैं तुसा जो बोल्लेया, मैं जांदा, ते तुसा रे का फिरी आणा, जे तुसा मेरे कने सच्चा प्यार करदे तां इस गल्ल कने खुस हुन्दे कि मैं पिता का जाया करदा है, जे मेरे का बड्डे हिन।

यूहन्ना 14:3

मैं जाणे रे बाद तुसा रे रैह्णे तांइ जगाह् तैयार करणी, ताकि फिरी आई करी तुसा जो अपणे कने उत्ते लेई जांगा ताकि जित्ते मैं रेयां तित्ते तुसा भी रेयो।

यूहन्ना 15:26

जां तिस मददगार ने आणा, जिस जो मैं पिता रे पास्से का तुसा का भेजणा, बल्कि सच्चाई री आत्‍मा, जे पिता रे पास्से का आंदी, तिसने मेरी गवाई दैणी।

यूहन्ना 16:8

अते जां पवित्रात्मा ने तुसा का आणा, तां तिन्हा ने पाप, परमेश्वर री धार्मिकता ते तिन्हेरे हिसाब-किताब रे बारे बिच दुनिया रे लोक्कां जो सच दसणा।

यूहन्ना 7:39

तिन्हा ने ए वचन पवित्रात्मा रे बारे बिच बोल्लेया थिया, जिस जो उन्हेरे पर विश्वास करणे वाले पाणे वाले थिये किजोकी आत्‍मा हल्ले तिकर नी उतरेया थिया, किजोकी हल्ले तिकर परमेश्वर ने यीशु री महिमा प्रकट नी कित्ती थी।

प्रेरितां रे कम्म 10:34

तां पतरस ने बोल्लेया, अवे मेरे जो पक्का होई गेया कि परमेश्वर कुसकी कने भी भेदभाव नी करदा

प्रेरितां रे कम्म 2:33

इस तरिक्के कने परमेश्वर रे सज्जे हत्थ का सबका बड्डा पदवी पाई करी, ते पिता का से पवित्रात्मा पाई करी जिसेरा वादा कित्ता गेया थिया, ते तिन्हा ने पवित्रात्मा असा जो देई दित्ता रा है, जे तुसा दिखदे ते सूणदे हिन।

रोमियों 8:28

असी जाणदे कि परमेश्वर हर गल्ल बिच तिन्हा लोक्कां कने भलाई करदे जे तिन्हा कने प्यार करदे। परमेश्वर ने तिन्हा लोक्कां जो अपणे मकसद तांइ चुणे रे हिन।

2 कुरुन्थियों 4:17

किजोकी असा री मुसीबतां छोटी हिन ते तिन्हा ने जादा हाण तांइ नी रैह्णा किजोकी तिन्हेरे अंजाम “हमेसा री महिमा” होणा, जे तिस हर कुसकी चीज का बड्डी भी है, जिसेरे बारे बिच असी कदी सोच्ची भी नी सकदे।