यूहन्ना 16:5 - चम्बयाली नौआ नियम

⁵ पर अवे मैं अपणे भेजणे वाले का हटेया करदा है, जिनिये मेरे जो भेज्जे रा है, पर तुसा मेरे का नी पूच्छदे कि तू कुते चलेया?

यूहन्ना 16:5 ပူးပေါင်းရင်းမြစ်များ

यूहन्ना 13:3

यीशु ने ए जाणी करी कि पिता ने सब किच्‍छ मेरे हक बिच देई दित्ते रा है, ते से परमेश्वर रे पास्से का आया ते परमेश्वर का हटेया करदा है,

यूहन्ना 13:36

शमौन पतरस ने तिन्हा जो बोल्लेया, ओ प्रभु जी, तुसा कुते जाया करदे हिन? यीशु ने जवाब दित्तेया, जित्ते मैं जाया करदा है तू हल्ले तित्ते नी आई सकदा, पर इसेरे बाद मेरे पीच्छे आणा।

यूहन्ना 14:28

तुसा सुणी चुके रे हिन जे मैं तुसा जो बोल्लेया, मैं जांदा, ते तुसा रे का फिरी आणा, जे तुसा मेरे कने सच्चा प्यार करदे तां इस गल्ल कने खुस हुन्दे कि मैं पिता का जाया करदा है, जे मेरे का बड्डे हिन।

यूहन्ना 16:10

अते धार्मिकता रे बारे बिच इधेरे तांइ किजोकी मैं पिता का चलेया, अते तुसा मेरे जो फिरी नी दिख्खी सकणा।

यूहन्ना 16:16

थोड़ी देर बाद तुसा मेरे जो नी दिखणा, अते तिसेरे बाद तुसा मेरे जो फिरी दिखणा।

यूहन्ना 16:17

तां तिन्हेरे चेल्‍लेयां बिच का किच्‍छ ने अप्पु-मित्ते बोल्लेया, ए कै गल्ल ए जे ए असा रे कने दस्सेया करदे हिन, थोड़ी देर बाद तुसा मेरे जो नी दिखणा, अते तिसेरे बाद तुसा मेरे जो फिरी दिखणा, किजोकी मैं पिता का चलेया?

यूहन्ना 16:28

मैं पिता रे पास्से का आए रा है अते इस दुनिया बिच आया, मैं फिरी दुनिया जो छड्डी करी पिता का चलेया

यूहन्ना 17:13

अवे मैं तुसा रे का आया करदा है, पर ए गल्लां मैं दुनिया रे लोक्कां बिच रेह्ई करी बोल्लेया करदा है, ताकि से मणू मेरी खुसी कने पूरी तरिक्के कने भरी जाण।

यूहन्ना 17:4

जे कम्म तुसा ने मेरे जो दित्ते थिये, उन्हा जो पूरा करी के दुनिया बिच मैं तुसा रे नां री बड़ाई कित्ते री है

यूहन्ना 6:62

पर जे तुसा मणू रे पुत्तर, जे मैं ही है जो जित्ते से पैल्ले थिया, उत्ते का उप्पर जांदे दिखगे, तां कै हुगां?

यूहन्ना 7:33

इस पर यीशु ने बोल्लेया, मैं थोड़ी होर देर तिकर तुसा कन्ने है, तां अपणे भेजणे वाले का हटी जाणा।

इब्रानियों 1:3

पुत्र ही परमेश्वर री महिमा री रौसनी है, ते पुत्र रे जरिये ही असी दिखदे कि परमेश्वर कदेय हिन। अते से अपणी ताकत रे वचनां कने से ब्रम्हांड जो चलाया करदे हिन। तिन्हा ने लोक्कां रे पाप्पां जो माफ कित्ता, ते परमेश्वर री महिमामय बिच स्वर्ग अंदर तिन्हेरे सज्जे पास्से बेई गे।

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।