यूहन्ना 16:4 - चम्बयाली नौआ नियम

⁴ अते ए गल्लां मैं इधेरे तांइ बोल्ली कि जां से बेल्ला आये तां तुसा चेत्ता करेयो कि मैं तुसा जो इधेरे बारे बिच दस्सी दित्तेया थिया। अते ए गल्लां मैं तुसा जो सुरु बिच इधेरे तांइ नी दस्सी किजोकी मैं तुसा रे कने थिया।

यूहन्ना 16:4 ပူးပေါင်းရင်းမြစ်များ

मत्ती 10:7

अते जांदे-जांदे तुसा ए प्रचार करी के बोलेयो, स्वर्ग रा राज नेड़े आई गे रा है।

मत्ती 24:25

दिख्खो मैं पैल्ले का ही तुसा जो सब किच्‍छ दस्सी रख्खे रा है।

मत्ती 9:15

यीशु ने तिन्हा जो बोल्लेया, “जां तांइ नौलाड़ा बरात्ती कने ए कै से दुखी होई सकदे?” पर से रोज भी आणा जां नौआ लाड़ा तिन्हा का बखरा कित्तेया जाणा, अते तिस बेल्ले तिन्हा ब्रत्त रखणे।

मरकुस 13:23

पर तुसा चुकन्ने रेयो दिख्खो, मैं तुसा जो सब गल्लां पैल्ले ही बोल्ली रख्खियाँ।

मरकुस 2:19

यीशु ने उन्हा जो बोल्लेया, “जां तिकर दूल्हा बरातियां कने रैह्दां, कै से ब्रत्त रख्खी सकदे? अते जां ताई दूल्हा उन्हा कने है तां तिकर से ब्रत्त नी रख्खी सकदे।

लूका 1:2

यीशु री सेवकाई री सुरुआत रे बारे बिच से ही गल्लां लिख्खी जे तिन्हा ने तिन्हा लोक्कां का सुणी जिन्हा ने ए सब किच्‍छ अपणी हाख्खियां कने दिख्खेया थिया ते बाद बिच जे मणू मसीह रे सेवक भी बणी गे थिये।

यूहन्ना 13:19

अवे मैं तिसेरे होणे का पैल्ले तुसा जो जताई दिंदा कि जां ए होई जांगा तां तुसा विश्वास करो कि से मैं ही है।

यूहन्ना 14:29

ते मैं ए सब किच्‍छ होणे का पैल्ले तुसा जो बोल्ली दित्तेया, कि जां से होई जांगा, तां तुसा मेरे पर विश्वास करण।

प्रेरितां रे कम्म 9:16

ते मैं तिसजो दसणा कि लोक्कां बिच मेरा प्रचार करणे री वजह कने तिसजो कदेया-कदेया दुख चुकणा पैणा।

2 थिस्सलुनीकियों 2:5

ए मत भूलदे कि जां मैं तुसा कने थिया तां मैं तुसा जो सारी ए गल्लां बोलदा हुंदा थिया।