यूहन्ना 16:30 - चम्बयाली नौआ नियम

³⁰ अवे असी समजी गे कि तुसा सब किच्‍छ जाणदे, अते तुसा जो जरुरत नी है कि कोई तुसा का सवाल करे, इसेरी वजह कने असी विश्वास करदे कि तुसा जो परमेश्वर ने भेज्जे रा है।

यूहन्ना 16:30 ပူးပေါင်းရင်းမြစ်များ

यूहन्ना 16:17

तां तिन्हेरे चेल्‍लेयां बिच का किच्‍छ ने अप्पु-मित्ते बोल्लेया, ए कै गल्ल ए जे ए असा रे कने दस्सेया करदे हिन, थोड़ी देर बाद तुसा मेरे जो नी दिखणा, अते तिसेरे बाद तुसा मेरे जो फिरी दिखणा, किजोकी मैं पिता का चलेया?

यूहन्ना 16:23

तिस रोज तुसा मेरे का किच्‍छ नी मंगणा। मैं तुसा रे कने सच-सच बोलदा, जे तुसा मेरे ना कने पिता का जे किच्‍छ भी मंगगे तिन्हा ने तुसा री हर जरुरत जो पूरा करणा।

यूहन्ना 16:26

तिस बेल्ले तुसा मेरे ना कने मंगणा, अते मैं तुसा कने ए नी बोलदा कि मैं तुसा रे तांइ पिता का प्रार्थना करगा,

यूहन्ना 16:31

यीशु ने जवाब दित्तेया, कै तुसा अवे विश्वास करदे?

यूहन्ना 17:8

किजोकी मैं तिन्हा जो से ही सारे उपदेस दित्ते, जे तुसा ने मेरे दित्ते थिये, अते तिन्हा ने तिसजो अपणाई लेया ते पक्के तौर पर जाणी लेरा है कि मैं तुसा पास्से का आए रा है, अते उन्हा ने विश्वास कित्तेया कि तुसा ने ही मेरे जो भेज्जे रा है।

यूहन्ना 2:11

यीशु ने गलील प्रदेश रे काना बिच अपणाए पैल्ला चमत्कार दिखाई करी अपणी महिमा दिखाई, इसेरी वजह कने तिन्हेरे चेल्‍लेयां ने तिन्हा पर विश्वास कित्ता।

यूहन्ना 21:17

तिन्हा ने तिज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार रखदा? पतरस उदास होई गेया कि यीशु ने तिसका तिज्जी वरी इय्यां बोल्लेया कि, कै तू मेरे कने प्यार रखदा? अते तिसने बोल्लेया, ओ प्रभु जी, तुसा तां सब किच्‍छ जाणदे तुसा जाणदे हिन कि मैं तुसा कने प्यार रखदा यीशु ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई चरा।

यूहन्ना 5:20

किजोकी परमेश्वर पिता पुत्तर कने प्यार करदा कने जे-जे कम्म से करदा, से सारे तिसजो दिखांदा है कने से इसका का भी बड्डे-बड्डे कम्म तिसजो दिखांगा ताकि तुसा हैरान न हो।

यूहन्ना 8:42

यीशु ने तिन्हा जो बोल्लेय, जे परमेश्वर तुसा रा प्यो हुदां, तां तुसा मेरे कने प्यार करदे, किजोकी मैं परमेश्वर रे पास्से का आए रा है, मैं अप्पु नी आया, पर तिनहा ने ही मेरे जो भेज्जेया।

इब्रानियों 4:13

परमेश्वर का किच्‍छ भी लुके रा नी है, ते असा ने जे किच्‍छ अपणी जिन्दगी बिच कित्ते रा है, तिसेरा लेखा-जोखा परमेश्वर जो दैणा पैणा।