यूहन्ना 16:27 - चम्बयाली नौआ नियम

²⁷ किजोकी पिता परमेश्वर अप्पु तुसा कने प्यार करदे, किजोकी तुसा ने मेरे कने प्यार कित्तेया अते ए विश्वास कित्तेया कि मेरे जो पिता ने भेजेया है।

यूहन्ना 16:27 ပူးပေါင်းရင်းမြစ်များ

मत्ती 10:37

जे अपणे मां-प्यो जो मेरे का जादा प्यार करदा, से मेरा चेल्ला होणे रे लायक नी है, जे अपणे बच्चेयां जो मेरे का जादा प्यार करदा, से मेरा चेल्ला होणे रे लायक नी है,

यूहन्ना 14:21

जे मेरे हुकमां जो जाणदा ते तिन्हा जो मनदा, से ही मेरे कने दाह-पीड़ रखदा अते जे मेरे कने दाह-पीड़ रखदा तिस कने मेरे पिता ने भी दाह-पीड़ रखणी, अते मैं तिस कने प्यार करणा ते अप्पु जो तिसेरे सामणे जाहिर करणा।

यूहन्ना 14:23

यीशु ने तिसजो जवाब दित्तेया, जे कोई मेरे कने प्यार रखगा तिनिये मेरे शिक्षा जो मनणा, ते मेरे पिता ने तिस कने दाह-पीड़ रखणी ते असा तिसका आणा, ते तिसेरे कन्ने रैह्णा।

यूहन्ना 16:30

अवे असी समजी गे कि तुसा सब किच्‍छ जाणदे, अते तुसा जो जरुरत नी है कि कोई तुसा का सवाल करे, इसेरी वजह कने असी विश्वास करदे कि तुसा जो परमेश्वर ने भेज्जे रा है।

यूहन्ना 17:23

मैं उन्हा बिच होणा ते तुसा मेरे बिच होणा, ताकि से सिद्व होई करी इक्क होई जाण, अते दुनिया जाणी जाये कि तुसा ने मेरे जो भेज्जेया है ते तुसा ने उन्हा कने भी तिय्यां प्यार कित्तेया जिय्यां मेरे कने प्यार करदे हिन

यूहन्ना 2:11

यीशु ने गलील प्रदेश रे काना बिच अपणाए पैल्ला चमत्कार दिखाई करी अपणी महिमा दिखाई, इसेरी वजह कने तिन्हेरे चेल्‍लेयां ने तिन्हा पर विश्वास कित्ता।

यूहन्ना 3:13

कोई स्वर्ग बिच नी गेया सिवाय मणू रे पुत्तर, जे मैं ही है, जे स्वर्ग का आये रे हिन।

यूहन्ना 7:29

पर मैं तिसजो जाणदा, किजोकी मैं तिसेरे पास्से का है ते तिसने मेरे जो भेज्जे रा हैं।

यूहन्ना 8:42

यीशु ने तिन्हा जो बोल्लेय, जे परमेश्वर तुसा रा प्यो हुदां, तां तुसा मेरे कने प्यार करदे, किजोकी मैं परमेश्वर रे पास्से का आए रा है, मैं अप्पु नी आया, पर तिनहा ने ही मेरे जो भेज्जेया।

रोमियों 8:3

असा रे पापी स्वभाव री वजह कने मूसा रा कानून कमजोर होई करी जे नी करी सकेया, से परमेश्वर ने कित्ता। तिन्हा ने अपणे इकलौत्ते पुत्तर जो असा पाप्पी लोक्कां का इक्क इन्सान रे रुप बिच भेज्जेया। ते परमेश्वर ने अपणे पुत्तर जो असा रे पाप्पां तांइ कुर्बानी रे रुप बिच देई करी, असा रे पाप्पां री सजा तिन्हेरे सरीर पर पाई दित्ती ते असा पर पाप री ताकत जो मुकाई दित्ता।

1 कुरुन्थियों 15:47

पैल्ला मणू जे आदम है, से मिट्टी का बणेया थिया, पर दुआ मणू जे मसीह यीशु हिन, से स्वर्ग का आए।

1 कुरुन्थियों 16:22

हमारे प्रभु यीशु जल्द हटणे वाले हिन।

2 कुरुन्थियों 5:14

किजोकी मसीह यीशु रा प्यार असा जो मजबूर करी दिंदा, किजोकी असी ए समजदे की जां इक्क मणू सारे लोक्कां तांइ मरेया तां सारे मरी गे।

गलातियों 4:4

पर जां परमेश्वर रा ठैहराए रा समय आई गेया तां परमेश्वर ने अपणे पुत्तर जो इस दुनिया बिच भेज्जेया जे इक्क जनानी का पैदा होए। से इक्क यहूदी मणू रे रुप बिच पैदा होए ते तिन्हा ने मूसा रे कानून जो मन्नेया।

इफिसियों 6:24

जे असा रे प्रभु यीशु मसीह कने सच्चा प्यार करदे, तिन्हा सारेयां पर परमेश्वर रा अनुग्रह हुंदा रे।

1 तीमुथियुस 1:15

जे गल्लां मैं तुसा जो दस्सी से सच्ची ते पूरी तरिक्के कने भरोस्सेमंद हिन किजोकी मसीह यीशु असी पाप्पी लोक्कां जो छुटकारा दैणे तांइ इस दुनिया बिच आए ते तिन्हा बिच सबका बड्डा पाप्पी मैं है।

इब्रानियों 12:6

किजोकी प्रभु जिस कने प्यार करदा, तिसजो सुधारदे भी, ते जिस जो औलाद सांई मनदे, तिसजो कोड़े भी लादां।”

1 पतरस 1:8

तुसा ने मसीह यीशु जो कदी भी नी दिख्खे रा है पर फिरी भी तुसा तिन्हा जो प्यार करदे। तुसा इस बेल्ले तिन्हा जो दिख्खी नी सकदे पर तुसा तिन्हा बिच विश्वास करदे। इधेरे तांइ तुसा तिस आनंद ते महिमा बिच खुस हुंदे जे शब्दां बिच बयान नी होई सकदी।

1 यूहन्ना 4:19

असी परमेश्वर कने ते दूए लोक्कां कने इधेरे तांइ प्यार करदे किजोकी परमेश्वर ने पैल्ले असा कने प्यार कित्ता।

प्रकाशित वाक्य 3:19

किजोकी मैं जिस कने प्यार करदा, तिसजो सुधारदा भी, ते जिस जो औलाद सांई मनदा, तिसजो कोड़े भी लादां ताकि से पाप रे कम्म करणा छड्डी दे।

प्रकाशित वाक्य 3:9

सुणो, तुसा बिच मझाटे किच्‍छ शैतान रे गुट रे मणू हिन जे यहूदी होणे रा दावा ता करदे पर से हकीकत बिच यहूदी नी हिन ते से झूठ बोल्लेया करदे हिन। मैं तिन्हा लोक्कां जो तुसा रे पैरां पर पैणे तांइ मजबूर करी दैणा ते तिन्हा ने जाणी लैणा कि मैं तुसा कने प्यार करदा।